Antoshimo Cafe & Bakery (Mikiki) (已結業)

平時都好鍾意呢間食嘢，周不時就會掛住呢度d 冬甩。之前幫襯過其他分店，啲嘢食好似冇呢度咁好食。今次你叫咗個海鮮二人餐B ，都幾豐富，有天婦羅拼盤，魚蝦蟹火鍋雜炊飯，壽喜燒牛肉烏冬，兩個沖繩海鹽冬甩，同埋兩杯嘢飲。天婦羅炸得幾好，唔太油膩，個飯嘅湯底都算濃郁，食完火鍋之後呢我哋就倒啲飯同埋芝士落去，加咗芝士之後好好食，勁邪惡。食完飯梗係唔少得最重要嘅海鹽焦糖冬甩，最鍾意食佢嗰陣焦糖味，甜得來有少少海鹽嘅鹹，食落非常之夾。食完，店員同我哋講，店舖只係做到三月底，不獲續租，好可惜啊！

第一次食呢間嘅時候喺九龍灣MegaBox之後就喺新蒲崗Mkiki, 作為附近街坊大部份食肆都試過，依間都係我不二之選，見住餐牌不斷嘅改變😂😂記得開頭嘅時候價錢校平，所以經常都好多人，之後有一段時間加咗價（加幅都幾大）所以之後就較少人食，而家個價錢就係一個適合嘅水平，所以我一個禮拜有時都會食一次～而家一個基本套餐，連埋飲品甜品$79～當然我係真係最主要為「甜品」而來食而主食當中，我試過幾款，最欣賞嘅係蕃茄雞卷，但係昨晚食嘅時候賣晒其他餸都OK嘅最重要啲飯又夠熱～但係昨日見到佢哋寫話新蒲崗店做到3月28號

仲記得大概八年前喺朗豪坊第一次食呢間連鎖野，不過嗰間分店已經執咗好耐🙈主食其實就普通，但係個甜品真係一大亮點🫢呢篇純粹係私心想紀錄下，最近再訪個波提冬甩依然係回憶中既味道幾滿意🤣可惜呢間分店都貼出左三月二十八日結業既通告，唔知仲有幾多間剩😢▪️ 沖繩二段定食 (A+B+C+D)A 鍋燒餸：芝士雞 / 大阪燒醬吉列豬扒B 飯 / 烏冬：沖繩蒸飯💲79 / 壽喜燒烏冬💲89C 甜品：🌟沖繩海鹽焦糖雪糕冬甩（8/10）D 餐飲淋上芝士醬既炸雞，個皮保持微脆，粉漿厚度適中，雞肉亦都嫩滑🐔吉列豬扒脆身，但係啲肉就偏乾會介口，加上左大阪燒醬同埋木魚絲🐷以菇、雞肉、紅蘿蔔、洋蔥為主既蒸飯，飯粒微濕潤，味道清淡🍚烏冬反而幾彈牙🍝波提冬甩口感煙韌Q軟，海鹽焦糖醬突出，係難得地我會鍾意既鹹甜交替，配上雲呢拿雪糕球好滿足🥹🔎 整體評分（7/10）

好少嚟新蒲崗，咁啱呢日嚟附近睇戲就順便食埋晚餐，見到呢間嚟自沖繩嘅餐廳幾特別就一於試下！主打嘅二段定食性價比幾高！先揀一份炸雞/鍋燒料理，再加一份主食，最後仲送一客呢間餐廳好出名嘅沖繩海鹽焦糖雪糕冬甩！好幾樣餸都想試，最後揀咗蜜糖芥末黑椒雞+沖繩蒸飯！蜜糖芥末黑椒雞好香口，口味上甜>辣，而沖繩蒸飯都係第一次試，覺得好新鮮～ 賣相已經覺得好吸引，增加食慾，食落係淡淡地唔濃味，可以配餸送飯👍🏻 最後嘅雪糕冬甩真係畫龍點睛！冬甩煙煙韌韌，唔點晒啲焦糖汁食就唔會太甜，啱啱好👍🏻 會再幫襯😛

Intro: 之前就介紹左沖繩料理定食嘅主食同鍋燒餸，而其實最後仲有甜品送架，而最多網民讚嘅就係呢到嘅雪糕冬甩，所以一直都好想食～___________________🍽 沖繩海鹽焦糖雪糕冬甩💰 跟餐附送 ⭐️9/10✍🏻 每粒冬甩好煙韌，有又鹹又甜嘅味道✍🏻 雪糕嘅海鹽味唔算突出，但食到雲呢拿味✍🏻 焦糖又苦又甜，建議冬甩+雪糕+焦糖順序咁食✍🏻 成個甜品食到甜鹹苦嘅味道，但估唔到真係咁夾咁好食___________________🏠 Antoshimo Café & Bakery📍 新蒲崗太子道東638號Mikiki 地下G05B號舖📍油塘高超道38號大本型2樓211號舖📍鑽石山龍蟠街3號荷里活廣場1樓182號舖 ⭐️ 8/10___________________

Intro: 相信好多人都好掛住沖繩，而香港就有一間就專賣沖繩料理，仲要成個套餐加埋一百內埋單，不過晚市要加一，套餐包左鍋燒、飯/烏冬、飲品同甜品～___________________🍽 蜜糖芥末黑椒雞+冷撈烏冬+凍烏龍茶💰 93 另加一 ⭐️ 8/10✍🏻 烏冬似係坊間最平嘅烏冬，唔彈牙，但冷撈嘅胡麻醬令到味道都算唔錯仲幾香✍🏻 黑椒雞份量好多，可惜蜜糖芥末味唔太夠黑椒嘅味道搶哂焦點，但會食到甜嘅味道✍🏻 烏龍茶底好濃，都係無糖好好飲🍽 鯉魚壽喜燒豚肉+沖繩蒸飯+凍蜜桃茶💰 79 另加一⭐️ 7.5/10✍🏻 沖繩蒸飯比較黏身，有細粒雞肉同磨菇✍🏻 豚肉唔算太夾壽喜燒湯底，但勝在夠多椰菜，椰菜好入味又好冧✍🏻 蜜桃茶味道好清新，好夾茶底，甜度適中___________________🏠 Antoshimo Café & Bakery📍 新蒲崗太子道東638號Mikiki 地下G05B號舖📍油塘高超道38號大本型2樓211號舖📍鑽石山龍蟠街3號荷里活廣場1樓182號舖⭐️ 8/10 ___________________

主要係為左個冬甩去食🍩次次去親mikiki都係食呢間 食唔厭柚子蜜炸雞評分：👍🏻👍🏻👍🏻👍🏻👍🏻炸雞食唔係就咁柚子醬落去炒幾下而係真係食得出有柚子味 用柚子醬醃製過胡麻醬烏冬評分：👍🏻👍🏻👍🏻👍🏻烏冬唔夠凍🥹就變左冇咁好味 但烏冬軟硬適中另外加左煎餃子同紫薯薯餅小食嚟講 平靚正蕃茄薯仔雞配蜜糖芥末醬豬肉片評分：👍🏻👍🏻👍🏻👍🏻👍🏻鍾意食蕃茄嘅我 對呢味餸抗拒唔到雖然只係好普通嘅蕃茄薯仔雞但蕃茄味好濃 酸酸甜甜好開胃 配埋飯啱曬而豬肉片就都唔錯 主要應該係個醬所以食落好味主食：海鹽焦糖冬甩🍩配雪糕🍦紫薯泥呢個甜品真係食過就會想再去食冬甩係暖 雪糕係凍 一啖凍熱交加好正😂個海鹽焦糖醬係勁match成個甜品

Antoshimo Cafe & Bakery (Mikiki)日本沖繩特色料理，必食沖繩海鹽焦糖冬甩❤️❤️食評:沖繩2段料理: 前菜蕃茄三色野菜雞，配上沖繩蒸飯，味道非常特別，三色雞充滿蕃茄味，蒸飯味濃香🥰🥰($99)雜炊鍋燒定食: 美國肥牛配蕃茄湯底，野菜拼盤，配上3色炊飯，好味！(1食: 先享用火鍋 2食: 自主炊飯 3食: 冬甩雪糕)($114)重點推介；沖繩特色海鹽焦糖雪糕冬甩 （雖然係餐附送，但味道口感超級讚！） 冬甩口感煙靭，焦糖味濃，再配上特濃牛奶雪糕🥰🥰香港少有的沖繩特色料理，值得一試～～

話晒都係日本過江龍想食好耐，睇Menu冇乜信心，最後都好失望。反而佢個甜圈唔錯。個炸雞係陳年雪貨，又乾又韌，個皮一啲都唔脆，完全係叮熱返出嚟。最衰係個芥末蜜糖汁，一味死鹹同勁重味精，嘗試從而蓋過本身劣質嘅食物質素，點知夾埋一齊仲難食。個櫻花蝦炊飯本身啲珍珠米唔錯，絕對好過吉野家，但又係勁重鹽同味精，加埋個好鹹嘅炸雞同汁一啲都唔夾。成餐都係工業化嘅劣質食物，但係你自己返屋企叮啲質素都可能好過佢，薩莉亞絕對超前，座位都好過佢。唯一可救即係佢個甜圈。煙韌度啊到啱啱好，有種麻薯嘅感覺，配埋雪糕筒焦糖醬係唔錯嘅，唯獨雪糕食落好多冰塊。其實佢唔好搞熟食，專心搞甜圈或烘焙，做到好似A1咁仲好，依家絕對係劣食，鋪租好難捱

新蒲崗呢間沖繩餐廳真係好有驚喜，佢嘅冬甩係我食過暫時最好食嘅冬甩！Tea Time嚟食，佢嘅Set會有8折，即係$79加一再8折。佢可以揀一份肉（都係雞、牛或者豬），一個烏冬/飯，一杯飲品，同埋！！！！一個焦糖雪糕冬甩！呢次我叫咗一份炸雞，飯就係芝士蕃茄飯（＋$8），熱烏龍茶，同埋焦糖雪糕冬甩。全部都好好食，而且非常夠飽。朋友就叫咗壽喜燒牛肉，蒸飯，熱啡（＋$8），同埋焦糖雪糕冬甩。都係非常之滿足。我地Total 每人$78.5，成個Set有4樣嘢，有主食飲品同超級好食嘅甜品，算係好抵。路過就咁人女雪糕冬甩都已經好滿足，大大推介！

平時好少過黎呢邊上網見到呢間就黎試下一向都中意呢種煙韌波堤donut 但香港唔知邊到有得食有一個餸一個烏冬/飯 自己搭配再加一個好出色既donut 😍😍😍都係一百蚊唔駛我就揀左壽喜燒肥牛同櫻花蝦烏冬兩樣餸都夠香 但個蝦湯底有少少辣😂跟餐既甜品都一啲都唔hea開頭諗會唔會係細size 但都侜正常既donut size質地做得好好 夠香 煙韌 但佢又唔會好油淋淋咁主食既話都唔錯正常質素 對得住個價值有餘～～～大推！

✨Antoshimo Cafe & Bakery - lunch ✅朋友聚會✅返工放lunch💬食物- 二重鍋烏冬： 柚子鍋燒咕嚕雞粉皮咕會太厚， 配上柚子汁味道清新！呢款餸可以配烏冬 / 鍋燒飯 ～ 唔想食太飽，可以揀烏冬啊～ 甜品： 沖繩海鹽焦糖冬甩雪糕冬甩表面食落脆脆地，內裡好煙韌同暖暖地，配上一球雲呢拿味雪糕， 超好食呀～ 呢個都係佢地嘅招牌產品！ 飲品： 黑糖檸檬茶👍🏻👍🏻 睇中佢用黑糖，好彩都唔係太甜，感覺仲健康啲☺️💬環境 - 座落商場街外地鋪， 鋪頭比較狹窄，小編今次lunch time 去， 要等位！等2 張枱，大約10 分鐘。 - 有室外座位，加裝左太陽傘⛱️- 餐牌太大， 加上環境窄，枱又細，不適宜用A3 size 餐牌💬服務態度 - 店員問有冇book 位先發現可以book 位，下次要醒啲！ - 結帳時可以會員儲分，店員會作提醒🔔

main course Butter Honey Mustard Hot Pot Black Pepper Fried Chicken with Sukiyaki Hot Pot UdonThis fried chicken is really super delicious. The fried chicken is packed in a hot iron pan and can be eaten all the way. The fried chicken is accompanied by the fragrance of butter, the sweetness of honey, and the spiciness of mustard. The combination of this sauce is really unbeatable. After eating it, it tastes so good that I can't stop eating it. Sukiyaki Udon works normally, the udon tastes good, e

我會話呢度嘅主食 絕對唔係最吸引！嚟到必食佢哋個沖繩海鹽焦糖冬甩雪糕🍩🍦非常之有驚喜！冬甩即叫即炸 熱辣辣 外脆內煙韌 海鹽焦糖醬甜甜地鹹鹹地 再配埋香甜嘅炸冬甩 同面頭凍冰冰嘅雪糕 冰火交融 口感味道豐富！

今次同友人黎到Mikiki行街，夜晚就揀左依間餐廳醫肚，食物方面係自選主食＋飯/烏冬類＋甜品＋飲品，我地叫左兩個set，蜜糖芥末豚肉豚肉上面沾滿蜜糖芥末醬，豚肉口感好滑，烏冬個湯好濃蝦味，而且有好多櫻花蝦仔喺湯入邊壽喜燒鍋煮三色野菜雞卷雞肉嫩滑，壽喜燒湯唔會太甜，蕃茄鍋燒芝士炊飯個飯夠乾身配香濃芝士仲有拉絲好正，估唔到最有驚喜嘅竟然係甜品熱嘅冬甩表面脆脆地，冬甩係熱辣辣同埋好煙韌，配埋雪糕夾埋一齊食真係好正，整體食物質素都好滿意