Ash Food (已結業)

早前路過中上環辧事,忽然被一陣極香的印度咖喱味吸引住,於是問一下管理員附近的印度菜館在那裡,果位阿叔又幾好人,指示向前行過2幢大廈,即是中保集團大廈地下,有間小店個名A字頭嘅便是,我見佢咁好人,順便問下佢有無食過,D野得唔得?佢話之前這間店開張後,經常有路人問我問的事情,攪到佢自己都忍唔住去試找一下,食過都番尋味,佢講笑話要問個老板收廣告費咁話,其實在此時勢敢於開業,D野食無咁上下都唔敢開啦,抵支持下這小店!我食過都話正!價格親民,性價比勝過我所試過的大小印度餐廳!抵讚

行過聞到好香仲要都幾平 即管買黎試下啦 點知一試難忘 辣辣地好好食呀😍仲要大大件喎 就算食唔曬放入雪櫃第二日再翻熱都一樣咁正👍🏼 今次試左咖喱角同果條雞肉卷☺️下次再幫襯叫下老闆教下我點講佢地啲名再話你地知啦 100個讚呀呀 👍🏼好味😋

今日再去這小店買外賣，可能太夜.小店也差不多收鋪，只剩餘少量食物，本想買炒飯和咖哩牛肉，但已沒有，我只買了咖哩角和另一款食物，但我不知什麼名字.咖哩角有一款是雞，另一款是雜菜，咖哩味好適合我.不會太辣.

有一天行入商場，見到有間剛剛開張的外賣店，玻璃廚櫃裏擺滿各式小食，吸引我去買了一個套餐和小食，價錢又平，我可能少食中東菜啦，炒飯的米長長幾得意喎.香料味重但好食.之後我也有再光顧幾次，我最種意是咖哩牛肉和羊肉配烤餅，大家可以一試

今天在這間外賣店買了3個套餐和小食回家翻熱吃。有咖喱雞配白飯，咖喱微辣很香，雞很入味。咖喱牛比較辣，用牛腩煮夠冧身，不錯。原味烤餅，不油用來點咖喱汁很好。香蒜烤餅似Pizza 賣相不錯，不似是印度薄餅，蒜味配香草很夾，可能冷了有點硬。小食有牛肉餅(上面)好有印度香料味，蘿蔔餅(下面)外面香脆內有很多蘿蔔絲，很喜歡這個配搭，很大件夠食。香烤雞腿，重香料比較乾。阿拉伯烤雞長米炒飯，很重香料味都幾辣，長米唔油膩炒得乾身，不錯。套餐價錢在中環區算平，份量都足夠。是一間南亞地道風味的小店。