Burgerman (欽州街) (已結業) 查看

欽州街嘉頓前方Burgerman，門面不大，但正正遠離高登黃金，才可以遠離人群食CP值超高的漢堡，除左漢堡仲有沙律意粉都只是六十多元起，漢堡仲要源自澳洲產地牛，肉質純正，性價比與質素極高。丹麥藍芝士牛肉漢堡burgerman走平實而親民的路線，簡單材料, 澳洲牛肉，生菜蕃茄，漢堡煎得粉粉嫰仍帶紅色，咬落肉汁爆發，想加上新刺激不妨點藍芝士，比平時的車打芝士更能沖擊味蕾 (which i like blue cheese very much) 加上自家製的醬汁，一口咬下，幸福滿溢。套餐加配小薯格及飲品，10多元 薯格份量超多，外脆內軟，熱辣辣食就最好。

每次到這間漢堡包店都大排長龍，因為他的漢堡包很大分，而且即叫即做，保證新鮮熱辣。今日慶幸可以早收工，先避開繁忙時間嘅人龍😬今次點了丹麥藍芝士漢堡，🧀芝士味很濃厚，非常適合鍾意"重口味"的我！咬落去牛肉🥩嘅爆肉汁再加上煙肉嘅焦脆，又點可以抵抗得住！加埋熱辣辣、脆身嘅有皮薯條，簡真食到停吾到！小店會提供手套，完全不會擔心會弄髒雙手，非常貼心！如果可以有更多堂食位就更好！好味嘅漢堡梗係要慢慢品嚐！

最鍾意試深水埗呢一區新餐廳有咩食。呢間ｂｕｒｇｅｒｍａｎ係深水埗駐紮左都好多年，老闆唔知有無換，但我就一直都無光顧，因為個地理位置都唔係深水埗中心，所以無打算試過。今日假日，時間非常充裕，又諗唔到有咩食，決定就試試呢個ｂｕｒｇｅｒ。作為ｂｕｒｇｅｒ迷，每次試新ｂｕｒｇｅｒ就興奮。睇睇餐牌，要個至尊漢堡啦，有兩層牛肉，正呀。我係叫左網上平台外賣，因為睇到舖頭唔多位，加上想返屋企睇住電視，所以拎走。落ｏｒｄｅｒ到有食物拎走，大概２０分鍾左右。拎到手再行返屋企約十分鍾左右。個漢堡仲熱，不過擺得唔好，所以返到屋企打開，個漢堡已經散開，呢點係有扣分，因為個牙籤桔得唔好。另外由於外賣唔係即食，Ｄ肉汁已經滲入左個飽皮，但呢一點外賣遇上既弊處，所以唔怪得餐廳。賣點都可以，而食落牛肉都幾足料，兩大塊，不過味道有點略咸，但配埋其他配料(芝士,洋蔥,番茄)一齊食，就可以接受。而最重要係雖然D肉汁流左小小係飽皮上，但飽皮仲有脆身既感覺，呢樣係加分。因為我係網上平台ｏｒｄｅｒ，所以有折，價錢係七十幾蚊，我無叫套餐，因為想食個漢堡ｏｎｌｙ。咁七十幾蚊黎講，都係屬於好味並抵食。

📍 Burgerman🌍 深水埗欽州街65-71號地下📝整體評分：7／10除左burger外，都有D意粉小食，第一次食呢間，當然要試左佢地主打既burger先啦！店舖細細，兩側bar枱只係各坐到2人，主要都係做外賣多，不過我住得遠，呢到仲要即叫即整既burger，緊係要現場食新鮮出爐既burger。🥢丹麥藍芝士漢堡🥢 $80 牛肉漢堡咬落肉汁滿瀉，有嚼勁，牛肉味香濃且無牛臊味，藍芝士係好獨特又刺激既味道，呢個burger無醬汁，令你更加細味到藍芝士。不過佢既麵包主張香脆，唔係我喜歡鬆軟口感，食落有少少乾巴巴。記得一家要加$20升級做套餐，食Burger點可無飲品架！同埋佢個薯格，炸到勁乾爽不太油，金黃香脆，鹹香得宜，好似食緊厚切薯片咁脆。

💛唔知大家洗唔洗去深水埗買後備電話呢？如果要去就可以順便食埋呢間Burgerman喇🥰 顧名思義，呢間餐廳係主打漢堡嘅，不過都有意粉類㗎～ 呢度舖面唔大，有兩側嘅bar枱，坐到4個人左右。店員好細心又好好人，無論係堂食定外賣都會主動攞櫈比客人坐㗎😚🍔 至尊漢堡 Trucker Burger ($98)今次我揀咗呢個最貴嘅burger xd 就冇加到$20轉餐😛 其實+$20係可以加有皮薯條/薯格/田園沙律同飲品㗎～ 呢度嘅薯條都好食！不過最近食得炸嘢多就冇加嚕～呢個漢堡真心好有誠意，佢有兩大塊美國安格斯牛肉，兩塊都好厚，佢唔係完全熟透嘅，有少少粉嫩，超嫩同超級多汁，勁juicy😍😍 另外仲有洋蔥、芝士、菇，同埋有一塊煎蛋🥰 食一個已經飽晒喇😋

多年嚟去深水埗就一定去依家手工漢堡店。手工漢堡並非快餐食品，等待更是快樂的過程。一直喜歡在店看漢堡包的製作過程。由聽到漢堡排在鐵板上滋滋作響，到咬下香烤麵包時的脆響，就算再看到圖片，ASMR還是在耳邊響起。但唔知點解，佢漢堡扒嘅肉汁比以往少咗，汁醬味道亦淡左，希望佢只係一時失手，而家深水埗多咗好多特色小店，吸引多咗外區人，如果佢保持唔到一直嘅水準，怕會比下去，而家有回憶嘅店買少見少，希望這家店可以繼續下去。經典招牌漢堡·侯斯頓bbq漢堡

.自從搬左去深水埗住 就發挖左好多新嘢食🤤最喜歡就係買外賣返屋企同男朋友一齊食今次就食呢間想食好耐既Burgerman❤️餐廳有少量位置可以堂食 但大多做外賣為主揀左至尊漢堡同經典芝士漢堡 加20蚊轉做套餐可以配香脆有皮薯條/薯格/田園沙律加飲品啊.至尊漢堡有2塊肉 想講佢地既安格斯牛肉真係超juicy😋係用上原塊牛扒切成牛肉再製成漢堡扒的每啖都好香濃牛肉味同爆汁 一啲都唔乾烘左既麵包加上牛油 咬落脆口 吸收左牛肉既汁真係好正 仲有雙層芝士 煙肉 蘑菇等等好足料 男仔食都一定夠飽！經典芝士漢堡就相對無咁大份 岩女仔食有生菜🥬 蕃茄 車打芝士 健康感覺up有蔬菜會顯得無咁膩呢～.薯條係即叫即炸 份量好多 簡單點少少茄汁已經好好食💓質素絕對對得住個價錢❤️下次一定要食埋其他款～

Burger night和媽媽食burger！媽媽都讚好，這間burger食過幾次，在黃金對面，好方便。加上現在天氣凍凍地，微微有陣涼風幾舒服。店鋪不算太，兩個員工，台面特別附上牙籤，有手套（見六）。人均：$98.特色燒大菇漢堡見到有大啡菇，即叫，好甜好juicy，並有紅椒、青椒、生菜、芝士，加了煎蛋，增加層次，麵包烤得好脆，加$20有set，有皮薯條+飲品，薯條一定要加！次次食都有叫，香脆有少少辣，好滋味。.

😋😋今日去開深水埗，見到呢間Burger好似幾吸引，就順便買黎食當晚餐好幾款都想試，有水牛城雞肉漢堡同和牛漢堡，最後我就揀左丹麥藍芝士漢堡，加多$20仲有埋薯格同野飲添🍔🍔🍔🍟🍟餐廳係open kitchen, 漢堡整作既時候都可以聞到香噴噴既牛肉味，聞到已經好想快d食個包焗到好香脆，外脆內軟，有少少似豬仔包個種咁脆藍芝士比較濃味，我本身鍾意食芝士，所以覺得佢好好味，但可以無食開藍芝士既人會唔太受到個個味道，加上芝士分量都唔少，推鍾意食芝士既朋友黎食牛肉漢堡味道好香，大大舊啖啖肉加埋芝士雙重濃味既配搭好夾薯格即叫即炸，新鮮炸出黎果然特別好食

這間是我經常光顧的，因為一個人吃最方便快捷🤪又多款式選擇✌🏾肺炎之下，這間餐廳都沒有怠慢，備有消毒噴霧和紙巾，膠手套也有呢～吃起上來不怕弄髒。除此之外，飲管和牙籤也是獨立包裝啊❤️十分衛生企理👏🏾🔶 候斯頓漢堡漢堡超大！一隻手也拿不穩😂這個也是我喜歡吃這間餐廳的原因😆超大漢堡一流👍🏾這個是牛肉漢堡，用的是美國安格斯牛肉，咬開可以清楚看到中心是淺粉紅色😍生熟程度恰到好處😁近望可以看到肉質令身有光澤，代表肉汁充足啊😉牛肉上還有半溶的芝士鋪面😋正啊～這個漢堡還加了BBQ汁🤩更野味😍除了牛肉和芝士外，還有煙肉、蕃茄、生菜，蔬菜很新鮮，即使是配菜也不輸蝕呢～🔶 有皮薯條平常也愛吃薯條，這個薯條新鮮炸起的，熱辣辣🤩這次的薯條加了些香草和胡椒😮更加香口🤗⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️候斯頓漢堡$75有皮薯條+可樂（+$20）📍📍📍📍📍📍📍📍📍📍📍📍📍📍Burgerman (深水埗)深水埗欽州街65-71號地下

即叫即做‼️食材新鮮🥰Burgerman (深水埗)深水埗欽州街65-71號地下好鐘意去深水埗食野🖖🏻款式多又易搵😍 之前經過都好想試下呢間burger雖然店面細細 員工也只有兩人但姨姨們整既burger都好出色😽💯💁🏻‍♀️ 水牛城雞肉漢堡（+煎蛋） $75 +$8威威味蕾：👅👅👅👅👅👅👅👅（👍🏻=👅x 6-10👎🏻=👅x 1-5）水牛城雞翼就食得多但漢堡又真係未試過👀即叫即做‼️等唔洗10分鐘已經食得😋份量好足夠 驚食唔晒🤣優質新鮮雞肉經烤過都保持口感軟嫩多汁外表配上酸酸辣辣既水牛城醬汁🖖🏻有層次又刺激👅香辣又惹味‼️‼️‼️😍我仲額外加左隻蛋☺️ 口感豐富加倍🐷💁🏻‍♀️ 配薯條+飲品 $20威威味蕾：👅👅👅👅👅👅👅👅👅（👍🏻=👅x 6-10👎🏻=👅x 1-5）食Burger點可以無薯條🙇🏻‍♀️新鮮滾熱辣 條條粗過手指😋就算放涼左少少亦能夠保持住脆脆地口感🖖🏻‼️

真心已經幫襯佢哋好幾年，一直都覺得味道好好所以都有返轉頭。但係今晚喺深水埗分店嗌咗個H餐，黑松露和牛漢堡，結果非常之失望。第一，塊肉嘅面積明顯俾以前細左好多而且肉嘅質地非常硬、好碎、好乾。第二，個包皮係好硬 （以前係比較軟熟）。第三，黑松露醬唔知點解係好冇味道，不論食同聞都冇咩味道。我相信我短期內都唔會再去幫襯，希望佢哋可以好好改善回到以前嘅水準。。。。。。。。。。。。。。。。。。。。。。。。。。。。。

樓梯…上極都係樓梯！點解仲未到架？我行到冇力啦。「搞錯啊你！」「行得果10分鐘就叫攰，仲話之後要同我去睇星星！」阿寶咁講。睇住佢跳兩跳就上左去咁，好彩行多5分鐘後真係到左目的地。「知唔知呢度叫咩啊？」阿寶問我。「嘉頓山啊！咁出名我點會唔知啊？」我直係冇佢咁好氣。「呢度平身叫喃嘸山，係因為隔離間麵包廠先係叫嘉頓山。」小知識喎，估唔到。影入雙眼既係香港夜景！真係好靚好靚。我哋個個都好鐘意香港。「有冇食過兩個巨無霸咁大既Burger? 」我問。「搞錯呀你！」「睇睇下夜景突然講野食都有既？」阿寶望住我咁講。「咁我肚餓啊！」「都行左咁耐啦！」我話。「好啦好啦！」「咁你帶路啦。」阿寶怕左我咁講。呢間喺附近既叫Burgerman ! 最出名就係佢個巨大巨無霸！ 夠晒重手之剩仲唔會好似平時啲快餐店！「平時食開果啲好似放左塊牛肉乾落去咁，佢好香仲有好多肉汁。」阿寶一路咬住咁講。估都估唔到佢細細粒但係就點左個最重磅既Burger! 「除左牛肉之外，其他配料都好足！」佢講「岩晒鐘意食嘢嘅我。」鐘意食嘢既唔係我咩？睇住佢食嘢真係好易入迷！「做咩望住我啫！」「你唔食咁我食埋架啦。」佢一講完就搶埋我包薯條！「正喎

今日去左深水埗見完客就收工，諗住順便買啲外賣返屋企加餸，咁岩比我聞到勁香嘅肉味，就行左過去，原來係間漢堡包店，話哂好耐無食burger就幫襯下啦。餐牌上有好多種包揀，我見是日推介有豚肉漢堡就揀佢先，之後叫多個和牛漢堡，兩種肉都試哂，鍾意食肉無計哈哈。之後當然有嗌埋小食啦，水牛城雞翼呢個真係唔少得。先介紹返和牛漢堡，個包有煎香過，好有心機，和牛漢堡仲係好有肉汁，牛味濃郁，用荳苗做蔬菜底，都幾健康，最驚喜係沒菜青味，成件事好balance。之後豚肉漢堡就豬肉香同攪碎之後個質感好正，同樣地保留到肉汁唔會乾身。而水牛城雞翼就夠哂大隻，份量夠，醬汁包住成隻雞翼，真係惹味到不得了。除左漢堡，佢啲小食都唔可以錯過，呢間值得過黎再幫襯過。

每次來深水埗總會有選擇困難，究竟揀食越南野好，豬潤麵好，定係Cafe好，而最想食漢堡嘅時候就一定會諗起漢堡人呢個名號。上次食過黑松露和牛漢堡一直念念不忘，正正因為當日和牛同鵝肝二揀一嘅選擇困難，所以目標清晰，香煎鵝肝嘅邪惡滋味bookmark 左咁耐係無錯的。Menu仍然維持住十大漢堡嘅穩陣選擇，聽完朋友仔話個藍芝士唔錯，睇黎下次嘅target已confirm😂=鵝肝安格斯漢堡=$145推介:⭐️⭐️⭐️⭐️+$20 升級漢堡套餐，跟薯條及汽水講左粗薯條先，上檯份量竟然蓋過左主角，落埋茄汁打卡真係一個😍誘惑，鵝肝Size係正常級別，醬汁不多，戴上膠手套撕開來軟心芬香，入口有滋潤感，值得一讚係佢塊安格斯厚牛肉被芝士圍邊式包裹著，令深黄溶得好貼嘅車打芝士完全無浪費到，包身有點脆口感，包面有黑白芝麻點綴，以一個本店最貴價漢堡來講算係交足貨，值得一試。👅美味: 8️⃣ 😮驚喜: 8️⃣✨環境: 8️⃣ 💆‍♂️服務: 8️⃣💡性價: 8️⃣ 🐽飽肚: 🔟💫回頭: 8️⃣ 👍推薦: 9️⃣