Burgerman (欽州街) (已結業) 查看

又要来支持一下小店 ，呢間位於深水埗店，是一間4座位小店，店員親切有禮招待，食物都是即叫即用心製作。由於坐位不多而且外賣頗繁忙，所以大家要用心等候。今次同朋友嚟，我自己就决定試丹麥藍芝士漢堡。藍芝士濃香回味無窮，而且芝士份量頗多。我朋友就咗試安格斯牛肉漢堡。看見店員用心煎製，漢堡都很多汁又香脆，麵包軟脆微甜。配料紅洋蔥亦有煎香過，食落更顯得甜美，其他配料蕃茄及生菜亦極新鮮。至於薯格亦炸得香脆，份量亦不少。尚有每日㕑師推介，意粉沙律等等。雖然坐位不多，但留意到店内有很多細心位，例如有提供乾、濕紙巾，有獨立包裝膠手套，茄汁，飲管，牙籤等等，就連電話托都有，方便大家一邊食住睇手機。最後同朋友食飽飽，捧著肚腩回家。

《Burgerman》呢日晏咗少少收工～ 廢事屋企人等我開飯就決定叫個外賣返屋企食！上網搵到啲人話呢間係深水埗數一數二好食既burger 黃店～ 緊係去試下啦～ 間鋪頭唔大，兩旁有少量吧枱位～ 見都係外賣居多～🍔 丹麥藍芝士漢堡($80)佢總共有10幾款既burger 選擇～諗咗一陣叫日式豚肉定呢款！因為兩個都好特別～ 最後都揀咗呢款！佢地啲burger 係即叫即整既，所以要等一等～味精方面，藍芝士啲味好濃烈好出～ 要真係鍾意食藍芝士既先頂得順～ 同埋有少少蓋過咗牛漢堡既味！但個牛肉好正，好多肉汁～ 佢個面頭仲有紅洋蔥～ 夾埋嚟食幾正！🍟薯格(+20 有罐裝飲品）佢有得揀要粗薯條、薯格or 田園沙律，我揀咗薯格～ 薯格既份量超多！我要同妹share 食先食得晒🤣 同埋佢啲薯格都好大塊！炸到好香脆好好味！不過好邪惡🤣呢間啲burger 同炸物都幾唔錯，因為係即叫即整所以特別好食，如果即場食應該會仲正！

成日都鍾意食食食，有時試新野，但有時都會食完再返食。我就鍾意到burger man 食漢堡包🍔，所以鍾意食burger的朋友就要留意，burgerMan屬於我小小私心，食漢堡一定第一時間揀呢度。今次係屋企人想食漢堡，我就特登打包漢堡包餐返屋企，心裏不禁讚嘆，連屋企人都對呢度的漢堡念念不忘。點了一份丹麥藍芝士漢堡餐同經典芝士漢堡餐，兩個都選擇了配薯格同汽水🥤，咁樣兩個餐都係$200到。丹麥藍芝士係我最鍾意的漢堡，因為果陣藍芝士的濃香真係正到不得了，好濃郁好正宗，配隻手打安格斯牛肉一起食，真係一定要試。另外經典漢堡亦都係令人耐人尋味，同樣係安格斯牛肉同芝士，仲有點生菜，一樣咁正。所有都即叫即整，所以薯格都好脆口，拿到返屋企都熱辣辣，攤抖下仲無咁熱氣，真係食得開心又滿足。

今日出深水埗買貓貓🐱食品🥫路經一間吾起眼👀嘅Burger 🍔Cafe我都好似好耐冇食過Burger🍔好多款嘅我哋就揀咗至尊漢堡再加多$20可以送埋薯格同飲品👍🏻呢個burger真係冇得輸👍🏻👍🏻👍🏻即叫即整🍔🍟個麵包真係脆卜卜，用安格斯牛肉，肉汁Juicy，啖啖肉😁同名店嘅漢堡包有得揮呀👍🏻👍🏻如果落開深水埗行街食野😋唔錯選擇👏👏雖然舖頭細細🤏座位得四至六個😁但係感覺好似去咗外國😊😊👏連好細微嘅貼身物品都有（就係我平時食完野都要撩牙嘅牙線）👍🏻👍🏻真體貼❤️

今日夜晚趕尾班場睇「黑寡婦」😍 真心型。劇情平平無奇就都心中有數，但可以食住漢堡包🍔薯格🍟睇Scarlett Johansson 最開心🥳經典牛肉漢堡 4.5令人食完想再食嘅牛肉漢堡，份量足夠夠厚⋯同埋漢堡嘅麵包🥯上下層配合得啱啱好嘅。Juicy 多汁——其實最重要係價錢唔會太貴。我同另一個朋友share 薯格&可樂 set .. 除翻開每個人都係70幾$$ 。店員醒目地幫我將薯格分開兩個盒度🤣👍🏽水牛城雞肉漢堡 4.5辣辣嘅秘製水牛城醬汁，配上肉汁鮮嫩嘅雞肉真係唔惹少～好刺激到食慾，一啖一啖咁好快食晒～欣賞呢間舖頭會用竹籤串起整個包，分量十足又有厚度之餘，仲唔會食食吓成個包「解體」！！可以幫我食包嗰陣順利每一啖都食到每一層，追求進食體驗嘅我表示心滿意足⋯⋯好開心啊～😂😂

正所謂每一個出色嘅漢堡嘅背後，都有一塊出色嘅漢堡扒，今次經過深水埗，即刻去呢間老字號試下！😆🐄和牛漢堡 $88 (套餐+$20)熱情既姐姐推介，食落果然有驚喜喎，首先麵包烤得香脆，至於漢堡扒呢，呢間用全天然安格斯牛肉同澳洲牛肉人手製成嘅漢堡扒，厚度絕不欺場，咬落係和牛既軟熟同埋有肉汁😋🍟薯條方面都唔輸蝕 即叫即炸，連皮既薯條薯香味濃。店家仲細心準備埋手套比你，咁就唔洗擔心整污糟對手，放心食啦😝

今日又係burger 既一日放工經過深水埗朋友介紹話呢間嘅burger好食本來諗住買走 見有得坐就坐係入面食下☺️候斯頓漢堡😍😍($69)美國安格斯牛肉配上秘製bbq醬汁有煙肉，蕃茄，洋蔥，生菜等配料呢間漢堡麵包皮屬於香脆口感🤤適合平時鐘意麵包烘底既人👍🏻唔會太乾身配埋其他配料一齊食幾驚喜！牛肉煎得好好，咬落有肉汁非常Juice🤤配搭埋成個包一齊食非常夾加上煙肉既味道，因為我本身就好鐘意濃味野所以就個人咁鐘意食burger 黎講都有8.9/10分 如果開近啲我會再高分啲😂想試下佢其他漢堡類🤤加左20蚊跟餐跟咗個炸薯格同可樂薯格份量非常之多其實唔洗點茄汁都好夠味😗店內面積唔大有兩邊可以坐有手套供應可以方便進食👍🏻店員非常有禮貌😍除咗burger仲有意粉同小食見都幾多人外賣佢有外賣平台都有得外送啱啱見到有人係Openrice外賣自取都幾方便😍

今次約組仔約了病了再約再改再約，終於約到！適逢今日放榜，好好坐底閒聊一下，有期望就有機會成功或失望，事情放在面前，就考如何轉變心態😏最開心分享不是一人的喜悅，大個仔啦😭希望遲下不再是導師身分時依然有關係。人均：$86.至尊漢堡加$20跟餐，有薯條或薯格或田園沙律及罐裝飲品，選擇了薯條和可樂，薯條新鮮熱辣炸好，份量又好足，而漢堡有雙層安格斯牛肉芝士配炒洋蔥、蘑菇、煙肉、煎蛋，口感極豐富，一路食肉汁一路滴，好juicy！.肉醬意粉意粉是扁意粉，肉醬頗多，加上芝士沾滿意粉，濕潤順口，加點tabasco，非常好。.@burgermanssp

去開深水埗好想食burger，所以就去Burgerman啦🤤-之前食過佢哋嘅和牛漢堡好正不過今日有啲感冒所以就轉食雞🐔-水牛城雞肉漢堡+大啡菇 $69+$20因為我外賣番屋企，底下塊包皮就有啲濕咗😫不過面頭嗰塊就脆卜卜，大家可以考慮堂食，熱辣辣應該更加好味！住得近嘅都應該試下！-燒烤雞翼5件 $38雞翼嫩滑多汁，甜甜酸酸好開胃即使拎返屋企有啲凍咗都依然覺得滋味，堂食一定好好食！大家去開深水埗真係要支持下哩間黃店💛

🍔最愛Burgerman的和牛漢堡😁同薯條🍟...暫時係我食過最好味的😋因呢度burger 內只有我鐘意的日式麻醬而且個包是烘到脆卜卜~而且温室豆苗一d草青味都冇~成個包配合得天衣無縫😙因為我從來都唔鐘意食醬，市面多數burger都有茄汁、千島醬、介末醬等等千百樣的醬汁，我每次都一定走醬🤪🍟另不得不推介就係薯條，厚切之餘仲超脆口又唔粉☺️當然我又係唔會點茄汁破壞原味道😝從來都唔食茄汁的呢度個姐姐服務超好👍🏻又有禮貌，仲好細心比杯暖水我

朋友成日同我推薦呢間burger， 話好食又係黃店💛 搞到我都忍唔住要去試下😍 -呢間burgerman堂食既位置唔夠10個，所以我買左外賣番屋企食🤣雖然係小店，但有好多漢堡比我揀👍🏻-我揀左和牛漢堡$88加combo套餐$20全部都係即叫即整，大概10分鐘就拎得。食漢堡點可以唔食薯條🍟，有皮薯條唔係成日見，仲要即炸番到屋企都仲係熱辣辣🥰主角和牛漢堡超級好味，入口即溶，而且好重牛味🤣平時漢堡係夾生菜，呢個和牛漢係夾豆苗，特別得黎又可以中和油膩感！

放假出去買完野，經過深水埗既Burgerman，之前聽朋友講過&推介過，見未食野就入去試下。座位唔多，但過左飯點又未到下午茶，還是有位可以坐低慢慢食。同朋友一人點左一個漢堡：朋友：豚肉漢堡 ($75) + 煎蛋($8)豚肉厚身但又唔會好乾，剛煎好還是很有咬口，唔會韌/咬唔開，加埋煎蛋，好味且飽肚。我：水牛城雞肉漢堡 ($69)剛烘好既麵包好脆身，加埋爽口生菜同蕃茄，配埋嫩滑既雞肉，原本就已經好正，但最出色既係個醬汁，平時最多係配雞翼，但估唔到加落漢堡到都係一D都唔差😁

同朋友專登搭車來食，叫左鵝肝安格斯漢堡包同丹麥藍芝士漢堡包加$20 跟餐要左小食薯格、薯條同飲品。飲品可以選汽水或加$8要樽裝茶，先來飲品、薯格同薯條，好好味同脆口，份量多，食到最尾薯格薯條依然香口，跟著就係漢堡包，店員很貼心知道我地share食 ，切開左一半分埋落個盒到，鵝肝安格斯，包烘得脆口，一咬落去多肉汁，鵝肝香口正，第一次食藍芝士口味獨特，個人比較偏愛鵝肝安格斯漢堡包，一定會再幫襯👍🏻😊

作為Buger控的我，初初見呢間Burger shop都覺得好吸引，雖然麻雀雖小，五臟俱全，意思係舖頭係細細間，只有6個位，但菜色卻是十分多，所以吸引力大增。我今次黎就坐下來堂食，試下鵝肝Burger，再加Buffalo Wings，簡直係絕配。食左鵝肝漢堡，面包係有牛油搽係上面，感覺會有脆身感覺，而且鵝肝比較大塊加上配菜，給我的感覺是沒有那麼重口味，所以我會比的評價會比較高，再加上水牛城雞翼是非常的好吃，十分加分🙏

今日去深水埗買吓啲電腦野，順便食埋午飯，諗吓附近有冇好嘅burger 食，搵到這間特別多like 就試吓。漢堡厚，不過細份，肉味和肉汁都有，不過可能剛解凍，有雪味。薯條就有heart,厚條和薯味十足，整體可以一試。