Cafe 1980s (已結業)

It surprised me to find this cute cafe in the industrial area. The price is not especially cheap in the district, but the restaurant presents quality of food, e.g. Japanese rice, Italian spaghetti. So I gave it a try.Had their chef special - ox tail in red wine sauce.Savouring but the portion is a bit small, many carrots but not enough ox tail. My friend had the honey roasted pork knuckle.Again, small portion of pork knuckle, the meat was too dry. It was disappointing.Overall, not excellent but

呢間餐廳係荔枝角工廠區內，係朋友介紹我去試的(仲請埋我食😄)我試左個蜜糖豬手set dinner，我個人都鍾意食豬手，啲皮煮得軟熟，肉都好咬口，蜜糖唔太甜適中，份量夠，個人覺得整體都比一些旺角較貴既餐廳好食😋我女友仲試左個大波蓮，佢鐘意食榴槤，覺得都唔錯另外就係個環境，我覺得坐得舒服，好闊落，加上樓底過，又好有80年代feel，無記錯卡位邊有個好大既鐘，幾得意，加上用綠色做主題顏色，入到去感覺舒適，一班人吹水食下嘢都係一個好地方

一行13人預早book左位，食晚飯， 到餐廳行入去就覺得中伏。。一次臭油煙味充斥整間餐廳。。 位又唔set定，到左先開始搬枱。。 menu無選擇。。 諗住叫set dinner加湯餐。。 無湯。。。 叫左幾個沙律。。 膠盒上=.=真係o左咀。。 到落order叫主菜， 朋友話要薯菜。。 到上碟 只得生菜 無薯， 問個waiter佢話講錯左。。 豬手肥到一個點 意粉又乾又無味 問多幾次野 d waiter非常唔耐煩 完全係零service... 我唔明點解仲可以打開門口做生意。。 超級bad list... 請都唔再去 諗起都火滾

公司一大班同事話想試下呢間餐應，於是就黎咗試下。環境都幾ok，好多霓虹燈裝飾，食飯打卡自拍一流。餐牌上面的餐都幾多樣化，樣樣都想試下，花多眼亂。呢間餐廳都算幾健康飲食，有素餐有肉餐。食材好似都幾新鮮同埋都幾新穎。是日星期三，我就試咗佢個一號餐。法式蘋果醋烤豬扒，聽落都好似幾有gimmick。終於等到個飯黎，賣相一般，不過有肉有瓜，如果飯再多d就好喇。蘋果醋味道都算出，有小小似比較酸既蘋果汁，味道尚算清新。豬扒size適中，唔會話太厚好難咬。加埋d瓜，其實食落都幾清新。其實總括黎講都算唔錯，唯一打工仔黎講個人覺得偏貴。

在基督教預苦期期間，要週圍尋找提供素食餐單食肆，Cafe 1980s是其中一間，每天的午餐及餐單中都有不少素菜菜色。第一次，雜菌饟茄子，味道十分配合，但最精彩是䊢汁，帶出茄子香甜，一試難忘。第二次是雜菌粟米心意粉，要提的是精選粟米心，清甜非常，並且全無草青味，本不喜粟米心，但改觀了。最後，大啡菇雜菌意粉，充分保留大啡菇的"菇汁"，令意粉充滿大啡菇的香味。不可不提的是餐廳的咖啡和奶茶，即磨咖啡香而不濃，奶茶奶和茶精準配搭，既香且滑。能把素菜烹調得美味，其他菜色應該有一定水準。家人推薦豬手，預苦期後，定不會錯過。有心食肆，食到細緻製作，工業區，堅持晚市營業。

今天約咗好耐冇見嘅舊同事係荔枝角食lunch, 我哋去咗佢公司對面嘅一間cafe食lunch set。Cafe 以綠色為主，佈置咗好多花花草草，係度食嘢可以一解工作嘅辛勞。每天都有不同的午市套餐供應。法式蘋果醋烤豬扒 配咖啡（$58）有兩大塊煎豬扒，味道OK，吾乾身，蘋果醋汁酸酸甜甜好醒胃，伴碟有芝麻醬沙律菜，夠清新。盛咖啡套杯碟好精美，咖啡易入口，適合初初學人飲咖啡嘅我，朋友話這杯咖啡是一杯合格的咖啡。整體食物質素吾，價錢吾貴兼吾加一，抵食！

平日兩點後，lunch set 全部九折。今日黎左兩個set。分別係特色沙丹豬扒（$58)、香煎香草牛油牛扒（$68)。可以選擇飯或者意粉。牛扒set就有一塊牛，有滿滿的牛油同埋充滿香草味。牛扒唔太厚，煮得剛剛好，都算有牛味唔同一般茶果d。而意粉都有用香料煮過，本身而有味。一啖油香牛再配一口意粉，中和油膩，食到牛扒的香。而沙丹豬扒就豐富d,有兩塊豬扒、太陽蛋、菠蘿同少量配菜同埋汁。豬扒好味過牛扒，因為煎得好香，唔會煎到塊豬好似擦子膠咁。而呢個意粉相對咸少少，同其他餐廳唔同，佢連意粉都另外煮過先上。所就淨係食意粉都唔會dry.而呢個set包咖啡或者菊花蜜，我選擇左菊花蜜。仲有一朵小菊花係入面，好清香。減左肉的油膩，真係一流！呢杯唔似茶包沖出黎！9折埋，真係幾抵食！

星期六，陪老婆去荔枝角逛香工，為咗有力氣，食個豐富的午餐是必需的。半島返工的朋友介紹樓下有好嘢食，咁今天的開幕嘉賓就選定Cafe 1980s。餐廳裝修有格調餐廳有自製的菠蘿包，好戲在後頭。黑松露牛肝菌野菌忌廉湯和甜品(+28)，午餐配上的餐湯和蒜蓉多士，絕對是餐廳的級數。蜂蜜烤慢煮去骨德國豬手 (非油炸) ，你估吓幾錢？？88蚊有咁嘅嘢食，係唔係嚇我呀。仲要係慢煮，女士們也不怕熱氣。雖然不是原隻豬手，不過份量是一定足夠的。由於慢煮，沒有了脆脆的豬皮，但卻帶來了另一煙韌的口感，一眾食友，絕不可錯過。仲有，豬手的味道，絕對可比併燒和炸的。烤雞扒沙律配芝麻汁，香噴噴的烤雞扒再配上芝麻汁，就已經是無敵，再加上Fresh的沙律菜，OL們的一個午餐，足夠了。1980s cafe 風沙雞翼 6支骨 + 粗薯條，我真的是有一種偏好，凡事餐廳名為名的菜式，絕少放過。用上避風塘式的估法配上雞翼，絕對是其香無比，奈何大排檔點解無諗到？？黑松露蟹子玉子燒，香滑的玉子燒，配上黑松露佔特別味道，就是“好好味”。D24 大菠蘿，當菠蘿包與上D24榴槤打成的醬配上雪糕時，無論你有多飽，都一定會食晒佢。必試！！必試！

開業才三個多月的Cafe 1980s一改之前coffee shop的形式，以創新食物，親民價錢吸客。一改前身的coffee shop格局和經營手法，成為注入大自然元素的cafe午餐的選擇豐富，也有全日套餐可揀有專人為你奉上食品又免加一收費，服務一流(晚上六點前免加一收費)午餐加$28-HKD就可以換購黑松露牛肝菌野菌忌廉湯，香濃的雜菌味道，還喝到薯仔蓉的口感大蝦雞蛋沙律凱撒汁滿滿的沙律有大蝦、雞蛋和生菜，略嫌沙律醬汁重手了一點芝士煙肉焗蒜蓉法包塗上滿滿蒜蓉的法包烤焗後超惹味，加上半溶化的芝士煙肉粒，層次更加豐富蜜糖烤慢煮去骨德國豬手標榜健康烹調的Cafe 1980，食物不經油炸，慢煮豬手不油不膩，肉質鮮嫩，可以看到豬皮和肉之間只有薄薄的油脂層，吃得超放心!香草牛油牛扒七乘熟的牛扒，厚薄適中，灑上淡淡香草汁，感覺清新風沙雞翼 (6支骨)+薯條單骨雞翼方便進食，與粗薯條的配搭，年青人大愛是日重點!!榴槤控大愛，把D24榴槤fusion香港地道菠蘿包，由店主親自創作的甜品，脆皮菠蘿包夾著足料軟滑的D24榴槤忌廉和D24榴槤雪糕，香濃的榴槤味道一軟一硬，一凍一熱(烘至脆皮的菠蘿包)，超乎想像的

閒逛荔枝角遇到呢間cafe，剛好肚餓就入去食嘢醫肚！餐牌都幾多嘢揀，而且價錢相宜，我今次揀左個去骨蜜糖德國豬手！味道係ok的，好林同入味，但稍為肥膏多左dd，個汁幾好味！跟餐有得揀即磨咖啡，又幾好味喎，可惜細杯左少少！整體我覺得唔錯，服務亦好細心快捷，雖然位置不算太近地鐵站，但亦唔難揾，值得再去，希望有機會試晒咁多款餐😂

同女朋友行完Ｄ２　ＰＬＡＣＥ諗住係附近食下野，但發現呢頭係工廠區，好多餐廳都唔做晚市，諗住去番第二頭食，比我地係中途見到呢間冇招牌但有餐牌既CAFE餐廳佈置得好似課室既感覺，而且仲有充滿香港特色既燈牌。晚市既人流，卡位加埋我地都仲有幾枱．牛肝菌湯加雙色多士；牛肝菌湯既蘑菇打成蓉，食落去一粒粒好有口感，個湯聞落去好香，牛肝菌味幾出，件多士搽左啲香草醬，味道好香口。黑松露忌廉野菌大啡菇意粉；意粉上面加左一舊厚身大份既大啡菇，忌廉落得唔多，所以口感會有啲乾，但同時食完唔會太膩。意粉軟硬度適中，食落去會有淡淡既什菌松露香味，ＧＯＯＤ美國CAB牛肩扒；五成熟既牛肩扒，牛扒好重油份，脂肪位亦較多，口感軟淋多汁，不過我自己中意食韌啲。配左粗薯做薯菜，口感好脆身，唔錯 菠蘿雪糕；有菠蘿既清新味道，酸酸甜甜易入口，口感似雪芭。大波蓮；其實就係菠蘿包加上榴槤雪糕，中間除咗榴槤雪糕之外下面仲有少少榴槤蓉，所以榴槤味係非常濃郁，在配搭埋新鮮嘅菠蘿包，冇防腐劑食得安心又放心，口感香脆又熱辣辣，值得推薦。跟餐的熱飲，女朋友唔飲得凍野我都跟佢一齊叫同一款

入到去地方好闊大，坐得很舒服。裝潢有點小清新感覺，店員服務殷勤，感覺好親切。🥚黑松露玉子燒 $68本身想叫薯仔餅，甘岩賣哂，好彩叫左個玉子燒香滑得黎味道都唔錯。餐湯、餐包牛肝菌湯菇味濃郁，有口感；多士香脆，表層塗上既醬味道都唔錯。🍝黑松露忌廉野菌大啡菇意粉 $138大啡菇除左香外，食落好多汁，整得唔錯。意粉份量多，一個人食哂應該都幾飽，黑松露唔算濃味，淡淡地岩我。🍖蜜糖烤慢煮去骨徳國豬手 $158被去骨，好方便進食。豬手食落有淡淡蜜糖味，肉質軟腍，食哂D皮都唔覺肥膩丫。配碟既沙律帶有芝麻醬，粗薯條食落有薯味，唔會太乾身，又酥脆。🍴D24大菠槤 $48細細個好鐘意食菠蘿包，但事隔今日都幾年無食過。D24榴槤果蓉微甜甘香好岩我呢個榴蓮愛好者。外層微暖香脆既菠蘿包，配埋冰凍榴蓮，層次感十足。🍹青瓜藍柑橘 ＋$16意外地藍柑橘唔似平時出面飲開甘甜，微甜剛剛好，除左賣相靚仔外，清清地都幾好飲。🍓士多啤梨檸檬果茶 ＋$13呢個真係有驚喜，除左帶有花茶清香外，士多啤梨既酸甜味令整體好夾，飯後消滯去膩外仲好好飲添。🍨甜品最後簡左抹茶、菠蘿味雪糕，抹茶奶味較重，菠蘿酸酸甜甜，兩款都幾好食。

我相信這是一間80後青年開創的一間餐廳，餐廳環境佈置充滿了童年回憶。我們來到這裡是因為朋友想品嚐這裡的甜品大菠蓮。朋友作為榴槤愛好者，對這個榴槤雪糕菠蘿包讚好不絕。我淺嘗了幾口，的確是榴槤香氣濃郁，質感細滑，十分出色。我們的主食是all day breakfast，十分豐富的全日早餐，經典的茄汁豆、腸仔、滑蛋加上清爽的蔬菜，作為晚餐是相當不錯的。另外的主食是慢煮去骨德國豬手，我向來都喜歡豬手，所以雖然外皮不夠脆，但我覺得豬手還是很美味。最後到飲品，兩款飲品都很特別，而且美味，值得一試。

知道屋企附近開咗間新嘅Cafe ,所以就專登去試吓，今晚星期五入到去都有位坐，環境好舒服，個場好大，好有空間感。晚市有做套餐，我哋每人叫咗一個套餐之外再加小食每個套餐會送黑松露野菌湯再加多士，一飲就知個湯好堅，真係飲得出粒粒菇嘅味道，唔係一般粉開出來的，旁邊都有兩款味道嘅多士，算係幾有誠意麻辣大蝦意粉＄128，我哋特登點咗小辣，對我哋唔係太食得辣來講都有少少辣，但係味道記得意，算係中西式嘅fusion菜，旁邊仲有大蝦，幾彈牙黑松露大啡菇意粉＄138，忌廉汁好足夠，沾滿在意粉上面，而且食落都好重黑松露嘅味道，意粉夠彈牙，而且大啡菇勁juicy 風沙雞翼配薯條＄48 ,小食都幾抵食，雞翼炸得夠脆，而且薯條熱辣辣，上面仲見到有薯仔皮，啱晒我呢個鍾意食炸嘢嘅人飲品我哋都叫咗花茶，兩款花茶都好好飲，不會太甜，而且有淡淡的果香味甜品點咗檸檬撻，檸檬夠酸，好開胃，而且份量啱啱好，細細件作為飯後甜品分量剛好另外點左一個D24大菠槤＄48 ,一嚟到已經聞到勁重榴槤味，好香呀！上面係滿滿嘅榴槤蓉，出奇地同菠蘿包好夾，上面仲有榴槤雪糕，成個package真係好啱榴槤迷

平時好少去荔枝角食飯，雖然近我屋企，但始終係工廠區/office 區，通常一到晚上放工後就無咩人，附近餐廳都主打午市好早關門. 今次想黎呢間本來都驚佢會唔做晚市，所以double cfm 完先特登搭過黎試. 果然無令我失望，真係好食又抵order 2個main course, 先上左大啡菇湯，texture 稠身飲得出好足料，菇已經磨成蓉好香濃.附帶2塊餐包一片係butter garlic， 另一片係呢度獨家製作sauce, mixed 左basil同pili nuts, 食落好像有點草青味，幾特別.小食我地order 左莫沙尼拉芝士黑松露黑松露雜菌焗薯$58，black truffle 好香濃，出面薯皮香脆，中間好足料地滿滿都係炒香過雜菌，其實我個人更想留多d 薯仔肉haha1980風沙雞翼&薯條$48，薯條無咩特別，不過量夠多. 風沙雞翼已拆做單骨所以食得方便，而且好夠脆口. 不過以風沙雞翼黎講蒜香味不足，如果可以加多蒜粒再炸效果會更好全晚highlight起喜歡呢個蜂蜜烤慢煮去骨豬手$158，平時食炸豬手多，第一次食慢煮. 無傳統做法咁重口味，反而帶點蜂蜜香甜味，豬皮部分帶點煙韌