COLOR 1012 Cafe (已結業)

想跟朋友找個地方聊天,所以在網上找到這家店,見到評價不錯就上去一試進入店內沒有客人,正正是我找這家店的原因,難得在旺角找到環境寧靜而少人的地方雖然全場只有我們這桌客人,但店主不會騷擾,非常適合朋友聚會聊天首先是飲料,3個人喝2杯剛剛好,味道不錯,而且份量多朋友推薦荔枝汁,味道合理,不會太甜或太重香精味個人推介小食拚盤,小食亦可以轉換成你想要的我們就把四季豆換成餃子,味道適中,不會太咸或淡棺材板份量一個人吃一定飽,面包脆口,只是汁吃多了有點膩材料很足,如果想吃飽不妨一試最後,點了2杯星座沙冰,估計是有鮮果在內,因為奇異果沙冰中吃到有奇異果籽藍莓味道一般,有點甜,奇異果味道比較清淡,個人較喜愛奇異果台式鹽酥雞飯沒有照相,我跟朋友都非常喜歡吃那鹽酥雞塊,就是肉燥有點咸,米飯一般

女友的生日，預先訂了位置。因為吃了晚飯才去，所以未能品嘗食家推介的金梅薯條。預約時間到逹，內裏比想像中少人，可是卻多了一份寧靜的感覺，很好的氣氛。叫了兩杯飲料，黑天使及守芋天使，味道比預想中好，黑天使的杯子也是很可愛的大笨象公仔裝飾，挺可愛。到了上蛋糕的時候，店主專誠給我們關了燈，讓我們留下了很好的感覺。店主也主動要求幫我們照相，很難得現在的餐廳還有這麼熱情的人呢~不設切餅費，店主卻一直很耐心幫忙著，這也是加分給這間店的原因。下次逛旺角的時候應該會再上去，嘗嘗服務以外的美食

一行七人慶生。星期二，除我們外只有一檯人在sell保險。環境裝修不行︰冷氣不夠，空氣不流通。梳化及餐桌之間距離太大，不就手，不舒服。除「金梅薯條」外，食物完全不行，鍋燒米粉或烏冬的湯很重味精，比大家樂還要差很多倍。意粉太淋易斷，也是比大家樂的差。魯肉飯也不太行。飲品還好，我自己只試過雪牛︰雪糕可樂。同陪們的都大慨沒問題吧，我沒試。不設切餅費。有不少的boardgame但沒玩太多。

真係一個好好既用餐地方特登開個acc黎讚一讚啦!今次食飯係想幫男朋友慶祝生日的, 因為同佢都想搵個平平淡淡靜靜地既地方輕鬆下就得, 唔想太貴.上黎openrice做左一輪research, 就見到依間cafe食評大多數都正面, 就膽粗粗試下啦~首先係早3,4日打去book位, 老闆(唔知係咪老闆啦, 總之係負責人)服務態度好好,我另外仲diy左蛋糕問老闆可唔可以早一日放o係佢地到, 等男朋友有個驚喜, 答案係: 當然得啦! 你鐘意即日黎/前一日黎都得!係唔需要任何切餅費, 讚好!慶祝當日同男朋友去到啦, 環境好靜無咩人, 但係前一晚我領蛋糕黎係人山人海, 好彩今日少人d叫左薰衣草花茶; 蜜糖腸; 吞拿魚芝士意粉; 薯條; 鹽酥雞飯; 蜂蜜紅茶上菜既速度都ok呀, 10分鐘到之後就開始黎喇d野食唔係個個有影相因為掛住同男朋友睇電視 (老閤開左叮噹演唱會比我地睇)薰衣草花茶, 個人勁鐘意薰衣草, 幾好飲, 好香吞拿魚芝士意粉,味道有少少淡, 唔知係我食慣濃味野定係點, 男朋友覺得十分好食圖後面隱約見到有薯條, 真係無影到其他野食咯薯條好香好多好熱, 係新鮮炸的鹽酥雞飯有埋煎蛋同豆, 又係即

放工之後約左班朋友唱K但D朋友仲未放工咁岩見到有間呢間CAFE既窗邊既閃燈於是諗住上黎HAE下時間上到黎因為時間尚早所以無咩客人連我&友人都係得兩台客所以無咩人 都幾靜侍應同廚師都係老闆兄弟一手包辦老闆兄弟都好NICE 會同客人SOCIAL傾計氣氛好好, 好舒服 唔會好似其他鋪頭咁少人個時會有壓力野食選擇唔算係好多但全部都係台式野食滷肉飯, 鹽酥雞, 棺材板等等呢D野食好少會有CAFE會有比起正餐, 小食更加引起我既食欲比起野食反而野飲會多D選擇除左一般CAFE都有既紅,綠茶,咖啡之外仲有梳打, 沙冰, 花茶我點左薰衣草花茶&香酥棺材板花茶既份量好足朋友笑言"D薰衣草好似唔使錢咁"花茶也好香 薰衣草味好重我平時都幾受得薰衣草茶既味但真係好濃 最後都係受唔住無飲哂棺材板雖然只係小食既一種但份量十足!一份棺材板 一個細食少少既女仔一定食唔哂明明想食完份棺材板但食左大半已經食唔落最後唯有放棄但真係幾好食的我上面咁叫都只係60幾蚊但又可以坐好耐 而且無限最低消費如果係等人, HAE時間都係個唔錯既選擇!不過當日無帶相機手提又鏡頭又差到無朋友都係唔擺相上黎啦..

一年一度的"九月之星"(即同是九月生日的Blog友聚會),今年我們一行16人移師了呢度包場慶祝~ 場內看到只有一位女職員及一位男職員,他們都好親切友善,價錢為(成人)$98蚊加一,(小童)$49加一,包一杯特式飲品(沙冰,特式咖啡之類)及多款任叫小食,而綠茶是任飲的,仲有Wil機玩及有得唱Karaoke,最低消費$1500元~確定日期及小食款式後,便可打去同職員聯絡,再付300元按金Book場. 食物不是一盤盤的形式上檯,而是每圍檯,一小碟的上檯,但..可以任叫任食的,食物水準一般,不會很出色,但...咁既價錢,仲可以包足六個鐘場,當係租場費來衡量,去麥當當開生日會都唔得喇,所以,我們都覺得好抵玩． 唯一要彈的是,當天剛巧....少部份位,冷氣不足,但...仍可接受的~

原本book 左一間cafe ,, 點知西洋菜南街個度無啦啦封路,,去唔到個間cafe 我扲住個蛋糕找cafe 幫我的朋友慶祝生日,,見到呢間咪上去睇下有冇位.上到去問仲有冇4個位,,佢話冇,,,,,我仲問有冇收切餅費,,佢話冇,,太好了我俾個蛋糕佢雪住先,,之後去接我的3個 FD 上黎.呢間有別於其他cafe ,, 因為佢不是西式,,而是台式的.叫左4個餐 ($62) 一齊分黎食 ,,,每個包一杯野飲....我要左青蘋果紅茶,,杯野飲隻色唔係幾好,,屎綠色,,,不過飲落都幾好味 炭燒雞扒飯: D燒汁好好味,,雞扒一般,,有魯肉係飯面,,不過D魯肉唔多汁 ,,魯肉都唔多 ,,仲有菜莆蛋 & 菜,,幾好味,,不過冇乜特別,,,菜係炸過,,好多油 煙薰鴨胸飯: 鴨胸幾好味,,不過食落唔似煙薰過,,又係配魯肉飯 & 菜莆蛋 & 菜 香酥蟹蓋飯: 香酥蟹幾好味,,不過又係配魯肉飯 & 菜莆蛋 & 菜 台式鹽酥雞飯: 最好味的一個,,鹽酥雞食落一D都唔''鞋''口,,好好味,,,,但又係配魯肉飯 & 菜莆蛋 & 菜,,,冇也新意個度有兩個人咁大的啤啤熊,,好可愛,,環境幾好,,有野玩,,仲有

今晚我與三位相熟網友及我們兩個小孩,一行六人,吃飽晚飯後.找地方聊天,原本係去另一間樓上Cafe,點知,去到FULL了,經朋友介紹下,去了這間樓上"Color 1012 Cafe",因大人要聊天,小朋友就找東西玩,見到兩位哥哥(不知是店主還是店員) 在打Wil機,兩位小朋友又走埋他們後面看,兩位哥哥好好人,把原來只有包場才可以玩的Wil機Contrl,Pass比兩個小朋友玩,所以,我們大人便可以無憂無慮的聊天~ 因已吃飽飯的關係,我們只叫了4杯飲品,坐了兩個幾鐘,埋單$144元,但...這兒的店員姐姐及店員哥哥都仍然以親切的笑容來招呼我們,更主動為兩個小孩換了多款遊戲給他們玩,小朋友沒叫飲品,他們更主動奉上飲用水兩杯,這樣的價錢,這樣的服務,真的很讚呢~~ 而我們在這店的牆上黑板看到,包場六個小時,最低消費才$1500元,根據店內姐姐說,她們有兩種不同的包場方式,可以選擇以人頭費$98元,由他們提議餐單, 最少15位起,食物選擇都唔少的呢~也可以用$1500元,不限人數及食物自選方式來包場,呢度地方需然唔係好大,但...勝在夠舒適,店員有禮又親切,要搵地方聊天或包場的朋友們

今日係旺角呢間樓上CAFE-COLOR 1012開bday party, 可以用3個字形容: 平,靚,正首先點都要多謝果位新老闆-Bee先生, 佢真係服務好好~滿足晒我地不同要求!不論場地鋪置或食物飲品都有商有量又配合~仲好好人咁送香檳俾我地助興~多謝晒~另外就係今次攪手kristy, thank you你搵到呢個好地方~係旺中對面又就腳, d野食又ok~最重要係收費適中, 唔駛calvin大破財麻~haha講返今次d野食, 都叫係我咁多次包場中最好食~有咁多款不同小食, 真係記唔晒~印象最深刻就有甘梅薯條, 蜜糖腸同鹽酥雞~味道真係唔錯~加上老闆好好人地做左2個飯同面俾我地D無食飯既人, 真係very nice ar~飲品方面就係台式野, 味道就比較偏淡無出面咁甜. 女仔唔駛叫少甜~不過最好笑都係爆爆蛋, 一咬落去即時爆汁~haha其中美中不足既就係時間上比較耐, 第一杯野飲同最後果杯可能差成10幾20分鐘=.=", 不過老闆都同我地解釋左係因為台式飲品始終都要時間去整, 再加上佢地都係home make小生意工具有限, 所以會耐d~如果唔想等咁耐可以飲可樂汽水(book場果陣老闆會

同女友特登去食lunch,大概3點先到,所以得我地2個人..有個男人招呼我地..叫左魯肉飯,鹽酥雞,棺材板全部都好好食打算叫蚵仔煎但點知冇哂蚵仔野飲都幾好,但可以甜少少少少少咁多.總括黎講幾好味,有特色.

好坦白講,我係跟飲食男女介紹去的.我未試過去一間咁簡陋0既CAFE.我當晚8點左右去到,冇燈光的.唔講以為冇開到.食物款式少到好可憐,咁見飲食男女話棺材版做得唔錯啦,就嗌一份即管試下.30蚊架下!另外再嗌多杯奶茶.28蚊,再加一。杯奶茶..我完全唔識欣賞,冇茶香,好似煉奶溝水咁..棺材版等左十五分鐘,0黎到十分失望..因為我整0既一定好食過佢,白汁+腸仔+蟹柳+煙火腿粒+惠康牌雜豆..坐又坐得唔舒服,食又唔好食..一定再冇下次...!

是因為這裏的食評才懂得這家店子。昨晚三人行，不過一人遲到，就和另一人先走上去；甫到達，和餐牌，只有小食飲品和下午茶，二人就叫了:1. 香草雞翼 - 雞翼煎得剛好，沒有太乾，肉汁還滿豐富的，味道也沒有太花巧，一點點香草反而帶出雞味 - 奈何要在香港買不是雪藏的雞翼甚艱難，如果此作法用於新鮮雞上，一定很好吃...不過價格因而貴了很多吧。2. 蚵仔煎 - 和潮州的蠔仔餅相比，這較不油膩，放了很多椰菜，蛋也煎得較薄，其實滿好吃的，如果椰菜切細一點更好。3. 吉列蝦 - 大病初愈，吃不出甚麼味道，朋友覺得很好。第三人後來加入了，才發現原來有晚餐的，只需$58，已有一個飯和一杯$30的飲品，其實很抵食。她的飯排得很漂亮，只是後來發現裝菜的碗內原來只有兩塊肉時有點失望...但整體而言都算很用心，一些家庭手作的食品，簡簡單單的其實不錯。後來多叫了一個肉鬆蛋餅 - 煎得很好，但這種蛋餅，我還是喜歡沒那麼多椰菜的那種 - 郁民太座那店的出品比較好吃。飲品方面 - 我覺得可以的。奶茶茶味濃，奶味也有，不錯的了。不過，還是有一點失望 - 其實以上食品都沒有在台灣吃過；去過一次台灣，老是吃到一些和"九層塔"有關

一個人真係唔會敢上黎好在我有2個 戰戰兢兢走上樓, 門口寫住color 1012, member only ??還以為要吃閉門羹 :-S環境不過不失住家feel薯條真係好好味烏冬不錯棺材板正飲品麻麻地不過無乜客人可能地點關係...................

夫人也是台灣人, 來港幾個月, 多少有點思鄉。 看雜誌發現此店, 說是正宗味道, 當要一試, 好讓夫人一解鄉念。到場兩次, 第一次是一個誤會。 帶了地址卻沒寫名字, 於旺角商場抬頭一望, 「咦？Color 1012？」對吧？！ 是有閃燈, 有梳化沒錯, 但Color？.....不是理髮店吧？ 懷疑, 樓下卻連易拉架亦欠奉, 更懷疑。 結果錯過了第一次。第二次, 終於硬著頭皮踏上此級怎看也令人生疑的樓梯了。 樓梯不髒, 算整潔。 但始終擺脫不了像去尋花問柳的感覺, 怪哉！上了兩層, 還要馬上轉角。若無箭頭指示, 根本會發脾氣！入口, 茶色玻璃門, 推進, 還以為入了人家的家庭廚房, 老闆娘正在準備, 招呼了我們入內。 入內坐定, 噢, 原來是住家拆牆所做的cafe。還算舒服, 至少是有一個舒服的感覺。 沒有令人眼花的裝潢, 沒有刻意的營造氣氛, 只有舒適的感覺, 一個悠然自得、閑懶自如的感覺。說是cafe, 當然是以小食為主。 但點多了種類, 份量卻不會過飽。 不是嫌少, 卻是剛好。時間還早, 客人只一個。 漂亮的老闆娘放下手上工作, 過來招呼。 比起夫人, 老闆娘的廣東話實在標準。

睇周刊介紹,食過一次下午茶覺得好正,今日同fd再上黎食dinner!完全唔睇價錢之下,係咁亂叫,食左:台灣香腸x2 蚵仔煎x2鹵味x2扣肉飯x1蚵仔面線x5棺材板x1蛋餅x1甘梅薯條x1飲品x5好似仲有,但唔記得喇...台灣腸:連一塊生蒜一齊食,腸好甜,好味,可以encore鹵味:腎片好食~爽口,又係可以encore棺材板:炸得好脆,白汁比較甜,一個人食會好漏,同人share就ok蛋餅:好味,但唔需要encore,可以一試扣肉飯:唔怕肥肉ge人一定要試一下,扣肉好入味+膠質重~面線:一般,但知道價錢之後就完全係無可挑剔甘梅薯條:呢個係超超超超超正,炸蕃薯條+梅子粉,係勁勁勁勁勁好食蚵仔煎:同台灣一樣,好食,又係令我encore之作飲品:全軍覆沒.....冇一杯好飲...只係梅子紅茶可以入口.5個人,食左咁多野,都係around $100 一個人,抵到爛不過上樓果時真係覺得驚驚地,環境比較差,但入到去之後就ok服務態度亦係令我encore呢間餐廳ge原因