euro go go (已結業)

好耐無食，係屯市諗住簡簡單食個西餐，簡左euro gogo，諗住無死啦⋯叫左出左無耐既「青醬菠菜大蝦意粉」，個賣相已經唔討好，望落好乾，聞落都唔香，啲菠菜好咸，咸到食唔落⋯⋯⋯ 浪費了😭😭😭 啲蝦都ok既，正正常常。芝士焗西蘭花無味的⋯🥲雞翼入面都係無味，得出面啲蜜糖有甜味⋯ 🥲連之前由細到大食開嘅焗菠菜魚柳闊條麵都無乜味，啲菠菜又黃黃黑黑咁，啲闊條麵好淋無口感。（嬲得濟無影相）真係好失望，同幾年前食差好遠😢😢😢

耐不時都會去eruo gogo食早餐，耐不時因為定價比其他食店較高，但又至於高到文青Cafe的價位，而多付出的價錢換來一個比較優雅的環境。放假來吃早餐是很愜意。我和小絲10點前到，好彩未算多人。我們點了：mega醒神早餐+鮮茄通粉，意式鮮蔬蛋批，熱牛奶咖啡，凍忌廉朱古力。$130比較平時同小絲去打卡cafe已經平很多。份量方面比較少，牛角酥很脆。蛋批是即焗的，但小絲見到很失望。平時點餐不看價錢的小絲見到這個蛋批賣說很貴，同埋小絲係期望蛋批真的有個類似曲奇批底的批，現在只是一個即棄錫紙盤，很不專業。總的來說都愉快的，而且我又成功慳了一筆使費。

行街行到攰想搵地方坐陣傾計剛好經過呢度讀書時成日食嘅euro gogo下午茶時間勁多選擇飽肚嘅意粉pizza薯蓉又有小食類又大量選擇簡簡單單叫2個小食餐芝士蒜蓉包 一上檯嚇一嚇，大塊過我手掌烘到勁脆嘅法包，將芝士蒜蓉舖滿滿一啖咬落去勁濃郁好惹味蜜糖雞翼一份有5隻，燒焗到勁金黃飽滿多汁咬落去肉質鮮嫩醃得入味超多蜜糖跟餐2杯飲品大大杯自助落單拎個牌埋位等職員送餐食少少嘢頂肚，又有sofa位坐得舒服啱晒同朋友hea一個下晝

go go go 😋屯門市廣場 euro go go環境寧靜舒適，早啲午飯，人流不多、，座位任君選擇非常好，碰巧做推廣，會員充值$500，送意粉或早餐優惠劵及$50 當錢洗😀✌️意粉、pizza, 沙律、小食、冷熱冷品當然，點套餐最為化算😊，包括：主食、沙律或蒜蓉包、熱飲凍飲➕$5+10 可升級餐湯/班戟芝士白汁海鮮意粉作為cheese迷，上面舖上芝士，瘋狂了，食慾大增意粉軟硬適中材料豐富：八爪魚粒粒、鮮魷、蜆肉、魚塊、蝦 ….略嫌不夠濃味，可再加芝士粉👌😋

Euro gogo食物水準好參差，一時時好食，要睇彩數而我今日既彩數……係好好呀蜜糖雞翼 $56雞翼嫩滑，蜜糖香甜煙肉磨菇薯蓉 $40磨菇好硬乾哂食唔到，煙肉同薯蓉就好好味鮮茄煙肉香腸磨菇意粉 $66點整都唔會差既配搭咸左少少，但都係唔錯既Cappuccino +$28咖啡ok，但個杯……大家都睇到啦…爛到咁就唔好再用啦！𠝹到個咀的話點算呢！

計劃咗吃完靚仔早餐之後就動身睇8:35早場，其實餐廳8:00營業都有啲驚好趕，估唔到餐廳出餐好快，大家吃完前後25分鐘，仲可以慢慢行過去戲院去埋廁所入場老公最鍾意D1炒蛋蘑菇牛角包配咖啡☕️另外加$12加配鮮茄湯通心粉，真係好抵而我最愛B餐嘅芝士吞拿魚法包+茄通配美式咖啡☕️因為我自己試過在家自製芝士吞拿魚法包係冇咁好食所以都係俾錢人整最簡單阿仔就最簡單叫個E餐熱香餅配牛仔腸+熱檸茶再外加$12炒蛋，呢個餐我個人覺得有啲貴嘅不過阿仔喜歡💕我就冧晒㗎啦最緊要佢開心吃早餐基本上我個人覺得B仔嘅早餐偏向特式化，食過3次之後感覺有點悶都係E仔嘅早餐比較大衆化，平實路線吃多幾次都唔會覺得食厭嘅

夜晚同男朋友出街食飯，經過euro gogo 就行左入去，見佢價錢唔算太貴就坐底嗌野食。佢叫左一個卡邦尼意粉，我叫芝士吞拿魚意粉。我嗰個味道尚算可以接受，對得住64蚊依個價錢。但卡邦尼意粉完全冇味，本身嘅煙肉粒變咗火腿粒。成碟意粉就好似白烚完再擺上碟咁，再倒啲無味既白汁上去。依個味道既意粉竟然要68蚊。係完全唔值，推薦大家去食薩莉亞仲抵過去依度食意粉。雖然佢其他野食味道都可以接受，但係最平常既卡邦尼意粉可以搞到依個質素真係完全無法接受！

今日同個friend入屯門行山，約左系euro go go 到食早餐，之前系大埔淨係食過外賣，第一次堂食。同一般快餐店一樣，出餐好快。人均消費大概$50牛角包好食😋😋😋😋😋蕃茄湯通粉有驚喜，鍾意食濃湯嘅話就會喜歡😘😘😘😘😘😘

很久不見，很久沒來這 … Let’s go 😀 「euro go go」，屯門市廣場店，享用午餐，簡單裝潢，寧靜舒適，坐得舒服, 服務態度好，禮貌招呼客人意粉🍝 ,🍕, 小食、沙律🥗 等等可供選擇套餐最為化算呀半份千島海鮮pizza 餐 $58切開三件，慢慢品嚐 😊材料豐富：鮮甜蝦、魷魚、蜆肉、粒粒菠蘿🍍淡淡香、開胃千島汁，吃得滋味😋套餐跟沙津或蒜蓉包，.熱辣辣，🧄味濃，脆邊，香噴噴飲品： 熱咖啡 ☕️ 香濃，醒神

兩塊熱香餅+兩條法蘭克腸 +即磨咖啡$38呢度既熱香餅比起麥當勞既太硬 唔鬆軟腸仔都係買返嚟嘅 OK啦唯一好處就係食完都好飽咖啡又真係幾好飲嘅芝士吞拿魚法包 ( 2件 )​配 鮮茄湯通粉蕃茄通粉+咖啡$40冇乜蕃茄味 勝在份量夠法包唔會太硬芝士都幾足

夜晚隔唔中都會黎食euro gogo，又掋又好食仲要每次都係差唔多嗌返同一樣嘅野🙈最鍾意食法式薯蓉焗田螺($45)芝士薯蓉蜜糖雞翼($45)雞翼大大隻，蜜糖好入味田螺同雞翼上枱時都係熱辣辣卡邦尼意粉($58)意粉同肉嘅份量都好多，夠飽肚！

🍽 黑鬆露麥形粉幾位同行朋友都推薦一定要食呢個, 話好好味我自己就第一次食, 其實都係意粉,只係外形好似整到好似麥甘口感幾得意, 同意大利飯有d似,但比意大利飯再肥大d,再有口感d不過個粉比較淡,唔夠鹹,黑松露味都唔夠朋友話係第二間分店係好好食係呢間失色左🤷🏻‍♀️🍽蜜糖雞翼一如以往好味 好夠蜜糖 如果可以翻面兩邊都焗下會更正 不過$10一隻都幾貴💰🍽煙肉芝士薯皮配酸忌廉醬味道都ok既,同麥形粉一樣稍微淡味左但有個亮點就係🌟酸忌廉醬酸忌廉醬十分香濃, 幫個薯皮加好多分🍽肉醬意粉 & 煙肉芝士薯蓉一般,同麥形粉一樣唔夠味P.s. 一班人肚餓 唸住外賣自取應該最快啦點知要等半個鐘, 職員態度係良好既, 但真係稍欠效率, 可以快少少就更好啦

Eurogogo應該算係中學生最熱愛既餐廳之一，好味得黎價錢都唔太貴。佢地嘅蜜糖雞翼好好食，全部汁都係啲蜜糖。焗煙肉西蘭花份量好足，仲有一層薄芝士係上面。焗魚柳闊條麵都好味。咁樣叫三樣嘢，都夠兩個人食，好飽！

經常到呢度食早餐，食開都係果一兩款。上星期發現餐牌改左，原來加左個蘑菇早餐。一上枱就聞倒好香牛油味，蘑菇切丁炒，無乜調味，食落好清新；炒蛋充斥左牛油香，係全熟炒蛋，但一D都唔鞋，口感仲好滑添，啱晒怕生蛋嘅我；牛角包🥐一貫咁香脆鬆軟，yummy😋。最驚喜係杯凍檸茶走冰走甜，室溫上，無熱檸茶嘅苦澀，飲落舒服，最重要係無遭人白眼，值得一讚呀！Ps 去茶記叫凍飲走冰實比人寸。

每次尼親都點蘑菇肉醬意粉😋👍🏻肉醬好滿次次意粉食完都淨好多肉醬。蜜桃茶都係必叫，味道酸酸甜甜好開胃，飲完仲可以食果肉當飯後水果👍🏻不過位置好窄枱好細，兩份主菜叫多個小食都無位放🤣