影片
港鐵佐敦站 D 出口, 步行約4分鐘
繼續閱讀
電話號碼
23415628
附加資料
Minimum Charge for 2 persons or above: $200 per person
營業時間
今日營業
12:00 - 23:00
星期一至日
12:00 - 23:00
公眾假期
12:00 - 23:00
以上資料只供參考, 請與餐廳確認詳情
有關獎賞計劃
相關文章
朋友推介這間餐廳的食物有水準，今晚一於來試試，餐廳裝修相當有格調，有霓虹燈裝飾，寫住全院滿座，打卡一流，現更推出兩大新優惠，逢星期日至四每人最低消費滿$200 ，每台就可以以$1優惠享用招牌高汁豬仔骨一份，另加188可以食魚料理Omakase。我們選擇了真門西淋牛豬仁雞 VS 蝦兵蟹將PRO套餐，可自由三選其二，焗多汁豬仔骨、脆炸美國魚柳及美國安格斯西冷9OZ，更有龍蝦、慢煮蒜香春雞半隻以及軟殼蟹二隻，一次過滿足晒所有願望。❤️美國安格斯西冷，好濃嘅牛味，肉質好鮮嫩，洒上小許鹽及黑椒，令味道更有層次感。❤️脆炸美國魚柳，魚肉外層酥脆，內部鮮嫩多汁，加上沙律醬，口感極佳。❤️焗多汁豬仔骨，是用一文優惠享用的，肉烤得好香，有股燒烤味，味道香濃入味。❤️多汁淫蝦 ，其實係龍蝦，蝦肉鮮甜多汁又多膏，肉質彈牙，很有水準。❤️ 炸軟殼蟹，炸得好香口，上枱熱辣辣，脆卜卜，香氣四溢。❤️香脆薯條，恰如其名，炸得好脆好好味，食到停不了口。❤️魚料理Omakase，廚師今日選用深海池魚，另有大蝦及青口各二隻，食材非常新鮮，所以唔會有腥味，再加上特製的醬汁，令人一試難忘。❤️飲品叫咗玫瑰花茶，味道清香，有豐富的維他命，好飲又健康，洋甘菊蜜糖檸檬茶，酸酸甜甜，十分清新開胃。
繼續閱讀
💈幾年前，熊妹同班豬朋狗友已經拜訪過當時爆紅💥位於尖沙咀山林道的《JUST'er》，係一間都幾有氣氛嘅地面街鋪西餐廳。事隔多年，今日熊妹即興同富妹會過來再試一下。📌店鋪嘅裝修格局都係冇乜特別大改變，依然以紅藍色的霓虹光管砌成嘅「全院滿座」字眼為生招牌，非常搶眼👀，真係每次行過見到都會知道係《JUST'er》。📌餐廳唔算好大有六張四人枱，仲有沙發枱🛋，昏暗嘅環境就形成一間酒吧餐廳嘅格局。📌食物嘅選擇依然係以各類西餐為主，有意粉、扒類、海鮮、沙律、意大利飯等等。📌原來《JUST'er》踏入六周年，仲推出五月份兩大個新優惠，1️⃣逢星期日至四每人最低消費$200 ，每台就可以以$1優惠享用招牌高汁豬仔骨，2️⃣$188可以食魚料理Omakase，西餐廳都可以食Omakase？係新野喎🆕！📌熊妹最鍾意坐近玻璃窗，可以望吓街嘅風景，上一次嚟都係坐返呢個窗口corner位🖼，舊枱重遊，感覺都好興奮！門西淋牛豬仁雞 VS 蝦兵蟹將，$490其實熊妹都上次黎都係食過呢個招牌菜海鮮肉類拼盤，到而家都係有啲念念不忘，所以今次嚟到都想再回味一下。呢個招牌拼盤顧名思義就係食肉同海鮮，包一大隻龍蝦，半隻慢煮春雞，炸軟殼蟹，另外豬仔骨、炸魚柳或者西冷就三選一，西冷就要另外加$40，然後薯條或者意粉就二選一，咁多款足料主食拼盤，仲要係大大份，其實keep到呢個價錢真係唔算貴。多汁淫蝦其實本身熊妹唔係點食海鮮，但係上次食過呢款拼盤入邊嘅龍蝦，真係回味無窮！龍蝦同以前嘅size一樣咁大，原隻龍蝦呈上，成條龍蝦肉起出嚟，非常彈牙，沒有用上什麼調味料，龍蝦嘅海鮮味已經出晒嚟，仲要焗到啖啖龍蝦汁都流晒出嚟，重鹹海水味，中間嘅蟹膏仲要勁鮮美，龍蝦味超濃烈，所以話食靚海鮮真係唔需要加任何特別配料，已經可以食到原汁原味😋。最後，熊妹連蟹腳蟹鉗蟹膏位都全部啪晒，究竟一款食物有幾滋味到可以令一個唔識嘅人都變成愛上了？試吓呢款淫蝦就知道！焗多汁豬仔骨熊妹本身嚟講都好鍾意食醬汁豬仔骨，因為好鍾意食嗰款偏甜的醬料味道。豬仔骨有五大條骨位，塗上濃烈甜味嘅醬汁烤焗，邊緣位烤得醬汁濃稠一點，連啲骨撰埋都好入味，中間位的豬仔肉就厚實一點，仲有少少肥肉位，肥瘦均勻，又軟又淋，熊妹都真係幾鍾意食豬仔骨🍖嘅原因。炸軟殼蟹真係原隻軟殼蟹呈上🦀，成隻蟹樣真係出晒嚟。中間切開一半，嘩！真係「哇」咗一聲，都幾多蟹膏蟹，一啖由中間位開始食，成浸蟹膏放入口勁豐滿，連酥炸嘅軟殼一齊食，脆卜卜帶點油份，就咁食半隻都已經感覺到膽固醇即刻飆升，睇嚟呢個禮拜又要減肥啦！慢煮蒜香春雞（半隻）春雞嘅份量都唔惹少，唔係一隻細雞🐥，大大隻雞髀位同雞翼位免頭鋪上一大堆孜然粉去焗，香料嘅味道超級濃烈，食落去非常驚喜地雞肉嘅每一個部位都係非常嫩滑，認真冇一part係鞋口位，雞皮喺慢煮嘅過程中已經釋出左油脂，變成超薄嘅雞皮，食唔到油脂位，熊妹同富妹都一致幾驚艷呢個慢煮嘅煮法，唔錯！香脆薯條食肉梗係配薯條啦🍟！一大堆香脆薯條炸到非常脆口，得閒食一條又點下茄汁，好快就清晒！😆洋甘菊蜜糖茶檸檬， $43食咗咁多油膩嘢都要飲下茶解膩解濟下。以為熱茶會一壼呈上，竟然係一渣呈上，咁抵飲既？好飲喎！越足料，泡茶嘅味道就會越濃，有超級多嘅洋甘菊花🌼仲有幾片檸檬沖上熱水，洋甘菊同檸檬🍋嘅味道就會好出，加埋蜜糖🍯，飲落去就係酸酸甜甜再帶少少洋甘菊的甘味，本身熊妹麻麻地飲花茶，但係以花茶嚟講，洋甘菊嘅味道真係比較貼近茶嘅味道，就唔係有時有啲花茶帶點假嘅花香味🌸，而且咁大渣花茶足料到每一啖飲落口，味道都好濃烈，唔似溝咗好多水而增加容量，真係幾有誠意😍！📌尖沙咀「山林道」越開越多食肆，在香港租金昂貴嘅城市，眼見曾經幫襯過嘅餐廳都換哂畫，能夠留在這裏站穩住腳證明已經好有實力，希望《JUST'er》能保持着這份人氣，繼續搖擺不倒。
繼續閱讀
經常到山林道吃東西。早前到JUST'er Bar 吃午餐，今晚再經過時，看到餐廳門外的招牌食物「門西淋牛豬仁雞VS 蝦兵蟹將」非常吸引，二話不說，我們便入內吃晚餐。門西淋牛豬仁雞VS 蝦兵蟹將套餐可以三選一，包括：焗多汁豬仔骨、脆炸美國魚柳和美國安格斯西冷（+$40）我們選了焗多汁豬仔骨。豬仔骨焗得很腍身，肉質亦能保持鮮嫩，咬下去非常多汁美味。配上惹味的醬汁，更加可口美味。份量也足夠兩個人吃。多汁淫蝦這個名字很趣怪，惹人遐想。實際就是開邊的波士頓龍蝦。龍蝦非常大隻，蝦膏甘香濃郁。肉質結實爽口彈牙，而且真的非常多汁，能夠食出鹹鹹的海水鮮味。慢煮蒜香春雞慢煮的春雞肉質非常軟嫩。春雞以大量的孜然粉和蒜香調味，香氣四溢。雞肉亦十分嫩滑入味。炸軟殼蟹軟殼蟹炸得外層酥脆，內部亦能保持肉質鮮嫩。香脆薯條/真茄汁意粉（二選一）我們選了香脆薯條。薯條炸得外層金黃酥脆，內部綿軟。十分好吃！洋甘菊蜜糖檸檬茶口感十分清新，入口還有一種柔和的甜味。洋甘菊的花香和蜜糖的甜味相互融合，加上檸檬一絲絲的微酸味，十分好喝。
繼續閱讀
今日同好姊妹嚟到尖沙咀搵食見到呢間幾有格調又啱feel諗住叫一個午餐再加野前菜：Pate de Compagne 自家製法式冷肝醬+$20有兩大塊冷肝醬睇落好似午餐肉咁，加埋酸酸甜甜既醬汁，新鮮爽口既生菜，口感好特別，好香肝味夾雜著d豆，第一次體驗唔錯唔錯。主菜：Grilled American Chicken with Mashed Potatoes 香草慢烤美國雞配薯蓉雞肉嫰滑煎得剛剛好，薯蓉好香牛油味，好creamy配埋胡麻醬一流。落住毛毛雨最啱叫熱野飲Chinnamon osmanthus apple tea 玉桂桂花蘋果紅茶聞落好香玉桂味，飲落甜甜地，加埋淡淡既桂花味，即刻個人暖晒。再加左個蒜香辣羅勒蜆肉蕃茄意粉🌶$64擺盤幾吸睛，唔算太辣，蕃茄味偏甜正好中和辣味，唔食得辣既寶寶都可以叫。蜆肉份量都幾多，呢個幾好食。鋪面唔算大，但坐位寬敞，唔會太迫。
繼續閱讀
Juster Bar & Restaurant in Tsim Sha Tsui took me on a wild ride – and I mean that in the best way possible! First up, the Sea Salt Sakura Milkshake. It sounds strange, but trust me, it was amazing. Sweet, floral, and with a hint of salty surprise, it was the perfect way to start.Carbonara with Black Truffle :Carbonara with Black Truffle and Porcini Sauce. Truffle fans, rejoice! This dish was creamy, rich, and bursting with that luxurious truffle flavor. Each bite was an explosion of savory goodness.Two Fried Soft Shell Crabs : Crispy, flavorful, and surprisingly light, they were the perfect way to cut through the heaviness of the pasta.Menxilin Beef, Pork, and Chicken: This stir-fry was a delicious and unexpected surprise. Full of flavor and perfectly cooked, it was a great way to experience something different.A perfect dessert to end the meal. The matcha mochi souffle pancake was soft, fluffy, and had just the right amount of matcha flavor. Absolutely delightful!Cobber Coffee and Tony's Pastry offers a fantastic selection of dishes that are both comforting and delicious. If you’re in Kwun Tong, be sure to stop by and try these treats!
繼續閱讀