Pasta Inn (已結業)

<<身為香港大學學生，可能你會覺得午餐晚餐都好難搵食，食黎食去都個幾樣 今日本畢業生就以個人經驗介紹番你周圍有咩好野食/伏喇>> <<If you are one of the HKU students who thinks nothing can suit your starvation around Campus.  Please pay some leisure time to study my dining experience collection.  If you cannot read Chinese, Please simply watch the pictures, follow the overall rating , or find the local mates for translating my comments>> 今次介紹依間意粉店係唔太起眼的鋪頭。但係以我親身嘗試後，絕對值得一試。店鋪唔大，有如一間細cafe，也有不少熟客。餐湯濃厚，雖然無圖無真相，參考其他食評吧。意粉烹調有韌度，在這個價

Very very tasty! We ordered a burger and a grilled fish, they tasted so good!!!! The portion was big and reasonable! Though a bit pricy I think you can try to come for lunch instead when the lunch sets are cheaper. Oh they have liquor! Very comfortable environment too!

超難吃丶態度差丶完全不理會客人意見丶又冷笑，好寸😓一定唔會在去真係唔明日本人咁樣做生意丶叫佢攞支篤檸檬茶嘅茶匙又話苦丶然後完全唔理會丶請問全部都係𣲙得一個飲筒點樣篤檸檬?d嘢又少丶意粉醬好稀丶每況愈下丶有個巨峰葡萄汁，𣲙又超多丶得小小，飲左幾下後就會全部冰水完全冇味道丶魚煎小小完全冇顏色丶好趕時間，又生生地丶超咸丶只講左一句點解同以前唔同左丶點知個日本女人係咁插，又話自己d嘢全香港最好丶只是提下意見都唔可以?又唔洗你換丶寸到爆

服務生連普通英文都唔識都算，野食味道欠佳，舊魚除左腥無其他味，重要老過阿婆塊臉。個蝦意粉得個三隻蝦夠膽死收人百幾蚊，蝦無蝦味，意粉又唔夠味。食過一次包唔會番轉頭。

每天外岀必有肉吃，令我想點一客素意粉😂以牛肝菌為主調的忌廉醬汁，菌香特岀👍肝菌切片，菇味濃烈，我和媽媽👩也喜歡最愛原始的那種意粉😳煙靭帶勁的意粉，軟硬適中，每條意粉掛上稠身醬汁，味美迷人

甘岩有事黎到西環，尤於對呢區唔係好熟，徵詢過不同意見後，決定黎呢間由日藉廚師同佢老婆開既小店試下。呢位師傅後生個陣都係打工的，之後由於對廚藝既興趣日漸增加，最後辭職去埋法國學藍帶，再回歸開左呢間鋪。鋪頭唔係好大架咋，人手都唔多，所以大家比少少耐性啦。個餐可以揀餐湯或沙律，由於我地叫個飯已經有沙律啦，所以叫左個餐湯。 呢個係磨菇湯，有菇味，但濃 d 會開心 d ... 豬扒飯，即炸，好脆，配埋個酸酸甜甜既汁，餸飯幾好，沙律青青地，囉黎配下個飯，令自己感覺無甘罪惡。大蝦意粉，可選辣或不辣(揀左唔辣既)，上台時好香蒜蓉味，d 蝦都好大隻，同幾新鮮! 食落去意粉煙煙 unun 都幾好食，之不過，可能無加辣，所以個味就淡左 dd...食完後，仲有個唔駛加錢送既雪芭，正~而另外要加錢既甜品 - 賣相靚靚既北海道朱古力 - 好香朱古力味，係幾濃郁既，由於佢岩岩係凍櫃出黎，所以比較硬。。如果佢無甘硬。。同再大份 d ..甘我就更開心了~~~(因為我太鍾意食朱古力了)

入去叫左兩個set全離譜係叫個牛扒set!我叫7成，佢送左碟野黎係全熟，okey! 我話7成呀！ 佢話係呀welldone!我地法國讀書返黎！我想問welldone唔係7成！okok,你用肉眼望可以知啦！少少紅色都冇唔緊要 我再叫佢睇多次！ook,佢話唔洗錢 你地走！首先 佢聽錯 唔肯換第二 將全熟話唔係第三 趕人走！第四 廚師係因你傳錯訊息！我奉叫各位唔好食呢間！態度好差！

由日本人夫妻經營的西餐小店 Pasta Inn，由裝修到食物也感受到日本人老闆的認真。紅磚頭的餐廳，開放的廚房，你可以看到老闆為你用心炮製的食物。我們在週日的午餐時段去，都很快滿座價錢不貴，套餐有沙律/湯，主菜，飲品。都是六十多七十多元，在西營盤都算合理。前菜的沙律，配上酸酸甜甜柚子醋，先打開你味雷！自家製肉醬日本腸蛋飯 ($68) 看似平平無奇，肉醬較港式的甜，粒粒的免治豬係0肥肉，腸是已煎香的骨付腸，雞蛋很滑。食得出係心機嘢。每一份都係即整，唔係頹架。日式香蒜煙三文魚意粉 ($68)意粉好彈牙，除了煙三文魚還加入煙肉。即點即炒，妹妹說見到老闆用煮意粉的水來煮汁，這是西式烹調必有的做法。專業！香蒜大蝦辣意粉 ($68)這個香蒜份量好多，蝦也十分彈牙。意粉也是一如以往的彈牙，辣也不算太辣，我覺得剛剛好，夠惹味！必叫餐飲的熱咖啡，是即磨咖啡，好香！有心做的餐廳，香港人一定會記得！とてもおいしかったでうす！

之前都想試呢間餐廳，但係冇位。今晚一早book左位....就唔使怕無位！之前已經係openrice 見過其他人嘅comment，話上菜好慢，所以一早有心理準備。我叫左個鰻魚飯，蝦子餅叫咗個香蒜大蝦意粉。先講鰻魚飯，外表有啲住家， 但味道一流，雞蛋好滑，鰻魚好入味。意大利粉味道OK，蝦都好新鮮，只係略嫌太多油。其實都等左一陣先至上菜，但我好欣賞廚師嘅執着，見佢好努力，細心預備每一道菜。老闆娘招呼都好好 ，係而家好少有嘅料理方式。

Living in Saiyingpun, there are always new restaurants coming out nearby my home. Recently this tiny japanese-western restaurant had caught our eye and we have been visiting over and over again over the weeks. My family has simply fallen in love with their grilled eel rice bowl and mushroom risotto Grilled eel rice bowl with egg ($78)Unlike traditional Unadon, the grilled eel was sliced and stir-fried with eggs and onions. It tasted so good and kept me returning for this Mushroom Risotto with c

西環美食真的超多，因家住新界北，好日都不會走到西環，但最近發現了這個新大陸，不時都心思思想跑到西環搵食。是晚本來打算去坤記煲仔飯，可惜6點半到已說要等到8點半才有位，於app搜尋一下其他選擇就發現這家好評西日小店，價錢適中決定一試。一邊紅磚牆一邊吧枱高椅對著整個開放式廚房，好有意大利小鎮主家小店的感覺; 大概因為老闆是來自日本，因此每張枱旁邊都會有一張小椅子供批放手袋衣服，這就是日本人細心的服務。芝士肉絲pizza意大利薄脆皮pizza，芝士好香濃，不會過咸，味道濃郁但恰到好處，肉絲亦保持到juice，不過烘得過乾，非常好食。香辣大蝦意粉火箭菜茄汁味道剛好，不會太酸或太甜，茄汁亦好掛麵，配上火箭菜有清新感覺，另平時慣吃的意粉添上一層層次感，真的好好味~~卡邦尼意粉香滑忌廉汁加上濃郁芝士，絕對是一個超班卡邦尼，意粉煮得很好，煙un度我非常喜愛，最後剩下的忌廉汁都禁不住要小羹小羹放入口。鰻魚飯上枱一刻我嚇呆了，因為份量好大份，這裡的鰻魚飯並不是一整條鰻魚放於飯面，已是砌粒伴於飯中，配合洋蔥絲、紫菜、雜菌加上醬汁，這個飯非常好味，生2甜的令人忍不住食完一口又一口。甜品柚子sorbet都好好味

星期六在西營盤行完，本來想去堅尼地城食 Fish & Chips......不巧老婆喉朧不適，唯有食 Pasta.呢間食評ok，入去試下。一間小店，廚師得一個、女待應亦得一個、廚房還有一個算係幫廚又似係傳菜既小姐…三人組合！坐低全店只有隔離一枱客，小店雖小，還算坐得舒服。女待應遞上餐牌，只有set，問她取了個 A la Carte，佢話會做唔切…即係得set......唔緊要！反正我已有心水。Set 有湯、Main、drink.......南瓜湯，平平，水汪汪左少少…南瓜味亦不突出，反而食出了胡椒粉味。磨菇鷄肉意大利飯，味道還可，就是不是意大利飯，全熟全軟… 。無菇味…鷄肉不夠。巴拿馬生火腿香蒜意粉，巴拿馬生火腿份量夠，可惜超過一半有根要吐，意粉同飯一樣，Overcooked！最後餐飲當然唔會有太大希望啦。值得一提，一個廚師，Open Kitchen，睇住佢煮！佢係一個人煮，一個人洗.......每次只做一人份，我食到中段來了三枱客，又有外賣，女待應忙得不可開交。跑住做，一路做一路漏單…幾位客人托晒頭等食！一枱四人，每次只上一人Main course.......食到中段完先等到第二位

男友約我今晚去Robuchon法國餐廳食晚飯慶祝生日,今早特登早起身花了一個鐘化妝梳洗,點知臨收工男友來電說突然有個重要嘅法國客人到了香港,不能跟我一起吃晚餐 . . .  我聽完有點嬲,唯有自己一個人在外面吃 . . .最終選擇了在我家附近(我住西營盤)嘅Pasta Inn大概是平日夜晚的關係, 不是很多人, 一個人很舒服的坐着, 聽吓音樂, 叫了一份牛扒8成熟及加一杯SHIRAZ紅酒. 這間餐廳佈置古雅, 紅磚牆+鎢絲燈, 很有外國小餐廳feel . . .先飲了一口紅酒, 易上口, 不錯不錯! 主菜牛扒真的有驚喜. . . 肉質鮮嫩, 完全沒有梳打粉味, 當然有牛味喇, 醬汁亦好味.最後送上柚子雪葩, perfect, 因為吃完牛扒有點油膩, 柚子雪葩的清新剛好中和.這餐飯吃得很滿足, 食物亦很有水準, 環境又舒適, 心想為何這麼少客人呢?  為了支持這間小店怕它以後會消失, 真心向各位推介, 請支持小店.p.s. 是日餐湯是南瓜湯, 我的至愛, 很美味

每次經過這家小店都覺得像是外國人開的意粉pizza店，今天來吃lunch才知道這裏原來是家日本人開的洋食店。看看餐廳簡介原來主廚加店主Maeda曾在巴黎藍帶廚藝學校進修，主理中/西/日合璧的料理。餐廳不大，我們下午2點去吃飯店裏沒有什麼人。廚房是開放式的，但不會有一股油煙味。中午主要是定食為主，有8種選擇，其中3種是日式料理5種是西式。我點的是香蒜大蝦意粉（走辣）。定食裏面包了個蘑菇湯。蘑菇湯好像胡椒放太多了，味道有點偏鹹和辣。意粉的大蝦非常新鮮，肉質爽口，蒜和洋蔥都切得非常碎和有放很多所以非常香。但是味道偏鹹，如果淡一點應該會很好吃！這是同事點的日式豬排飯。同事說味道不鹹剛剛好，而且炸得非常酥脆，飯也是很飽滿的珍珠米，下次會點這個試試看哈哈。這是蘑菇雞肉意大利飯。同樣味道偏鹹！我想日本師傅還是做日本料理比較好吃，下次再來試試炸豬排飯哈哈♥

港鐵西港島線開通後都未坐過，趁數碼港出返黎，梗係要坐下兼鎖定西營盤覓食啦~ 本身諗住幫襯懷舊冰室， 點知中途下雨， 被一餐廳門前餐牌吸引了，眼見菜單不錯+價錢合理+離開既食客話好味，就一於入座啦~餐廳新到連 Openrice 都無記錄( pre-opening) ~ 主廚係日本人~我們用餐期間前後得3檯食客， 男友擔心下次黎已經見唔到呢間餐廳，所以我決定 fb 推介下 XD 環境裝修舒適， 唔嘈， 傾到計，服務好好~ 兩款湯都好 creamy， 沙律新鮮，廚師推介既魚香肉絲pizza 又真係幾好味喎， 不過侍應推介既牛扒我地反而覺得一般， 可能揀鱸魚會好 d~ 柚子雪芭完全係賣飛佛， 開心~