Pasta Marche - Italian Casual Restaurant (已結業)

再吃pasta marche，水準依然！今天吃了Carbonara，個汁的稠糊度剛好，好熱，好好味！原本見到個份量不多(定係個碟好大？)有些擔心唔夠食！完全錯晒，芝士汁會好飽好滯，大食妹仲食剩少少添....再次吃薯條，好好味！keep得住，我地幾個女仔吃一兜來share就剛剛好。仲有炸雞，都好食，無第1次來吃咁好吃，雖然都係新鮮現炸，外脆內軟，但係就油左少少啦。可以改善。食物有水準，價錢唔貴，keep 住水準，希望在其他地方開分店啦。

先講一講呢間餐廳既一大問題，佢地個碟好大隻，而2人枱真位置又放滿餐具同一支有檸檬既水，咁樣真係2個人叫一碟食，個位先真係岩岩好，明明有位又唔俾人坐4人位，果陣9點幾啦!!是次叫左個豬肋骨同肉醬千層麵，有個疑問係，豬肋骨係咪姐係豬軟骨個位呢，我分唔出，真係無咩分別，但勝在好冧同埋可能係低溫煮熟，岩岩好，好冧身，而且它身體既火箭菜好新鮮，幾好味!而另外個千層麵方面，芝士同肉醬比麵還要多，好足料，但麵的分量不足，令到成個比例有差距，食落好分實在，比較遜色。

出差到將軍澳！做完嘢都係時候食晏！穩陣啲上openrice睇定啲食店！見到呢間食意粉好似唔錯！嚟到餐廳只有半滿！唔使等位，地方光猛，裝修新朝，桌椅唔密！坐得舒服！午餐選擇都多！揀咗：活蜆西蘭花扁意粉」（$59）包沙律同飲品，我$10加個餐湯！今日係雜菜湯！食物五分鐘內到齊包括飲品！（呢樣唔係咁好！我哋食緊沙律嚟湯，飲湯時嚟意粉，攪到迫住食！）食物本身味道唔錯，先講沙律，有四款沙律菜！特別係個醬！泰式甜辣醬，只係好少辣，但效果幾清新！沙律菜亦新鮮！雜菜湯夠熱，所以放咗一陣先飲（因為食緊沙律），溫度都可以接受！湯內嘅雜菜都多，唔會煲到爛！跟湯有兩片蒜茸包，雖然唔熱但香脆！唔會乾爭爭！配湯食幾好！意粉賣相同餐牌必參考相片差不多，用檻欖油香草炒，味道唔濃但清新！意粉有咬口！自己鍾意略硬嘅質感！呢間做得幾好！蜆肉連殻圍邊，蜆肉唔韌，雖然味道一般但唔腥！西蘭花爽口！唔會太淋！整體係好味！份量都夠飽！餐廳內無廁所！要行去商場度去！距離仲要幾遠！呢樣唔係咁方便！侍應服務勤快！今日東亞信用卡仲可以第二個午餐半價！所以除開都係每人$70！

原本相約好友吃火鍋，怎料卻變成吃日式意大利菜。不管了，反正我也想試試這家田園風的餐廳。餐廳裝潢以木色為主，簡約清新，為待在「石屎森林」已久的我帶來一片寧靜休閒的感覺。看過菜單，選擇不算太多，我們很快可以點餐了。蘑菇忌廉意大利飯醬汁濃稠得宜，忌廉的份量不讓人有膩滯之感。菌類沒有草青味，頗鮮甜。但我認為飯粒偏硬，若再濕點會更好。整體而言，可能沒有肉類，而且醬汁輕淡，所以對我的味蕾沒有太大衝擊。清淡過後，便來了一道酸濃的蕃茄羅勒芝士意粉。所謂的芝士不只芝士粉，還有半融的芝士團。有別於平常吃的芝士，這款奶味較重。伴碟的墨綠色醬汁該是鮮磨的香草汁，試著把它和意粉拌在一起吃……咦？香草汁的味道去哪了？沒錯，蕃茄的味道過濃了，甚至連愛呷酸的我也覺得有點過火。蕃茄的酸味蓋過一切，另整道菜式變得口味單一化。半小時多的偽田園生活完了，是時候回到我的「石屎森林」。

試左呢度既凱撒沙律估唔到咁大份, 成個生菜上呀又爽又甜另外叫左黑松露意粉, 成個意粉好香呀南瓜雞肉意大利飯都好好味檸檬南瓜煙肉意粉唔錯可能前面個d太好味, 茄子意粉同蕃茄海鮮意大利飯就相對失色最後再加上甜品, 大滿足一定要encore~~~

星期六，12:45p.m.左右嚟到，冇乜人嚟食，入到去即刻有位。入面嘅擺設好有特色，地方闊落，四周圍氣氛舒適，場中另有一張可容納8人嘅大高枱！揸住張會員優惠券，凡惠顧可送$39或以下甜品一客。可惜週六、日冇午市套餐，有啲貴。睇啱咗個甜品，先再睇意粉。薑汁配牛乳布甸，面頭有啲冰碎，底下嘅牛乳布甸好滑、好重牛奶味，但唔凍嘅，好似以室溫存放咁，要靠啲冰先令成個甜品凍凍哋。白汁煙三文魚意粉（$79），個汁夠味唔過鹹，煙三文魚鹹鹹哋，意粉爽口有質感，夾雜些小生菜絲，個人覺得好有水準，份量剛剛好唔會太飽，上咗枱影完相搞咗一輪先食都仲熱，但就好似貴咗少少，係有優惠券送個甜品先叫冇咁唔抵。第二朝有肚瀉嘅情況，但不能夠證明關唔關個牛乳布甸事。

第一次到訪, 點了：Caser salad,檸檬香草南瓜長通粉,磨菇忌廉意大利飯.Caser salad賣相好特別, 大半個生菜放係碟上, 附上刀可以俾客人自己砌生菜,大小任君點砌.生菜好新鮮,下刀時, 有明顯 “索索聲”. 沙律醬同煙肉都好夾.檸檬香草南瓜長通粉賣相好靚, 味道都唔錯. 起初以為碟上既小南瓜係裝飾,之後發現係可以食用的. 醬汁好特別, 唔太creamy,唔會有好甜既南瓜味, 反而有少少fresh的感覺,食落唔覺得漏.長通粉彈牙, 燴埋d汁, 好味.磨菇忌廉意大利飯賣相一般, 因為一來到已經見到好濕. 隔左一陣先食, 都仲係咁濕,有d 似食湯飯. 如果煮得再乾身小小就好了. 味道不過不失.

同一個比較耐冇見過既朋友食飯 揀左呢個日式西餐廳特製煙肉甜粟卡邦尼意粉 $65個汁算ok, 不過我覺得有啲太淡, 卡邦尼應該係蛋加芝士汁, 不過呢個汁唔算濃, 芝士味亦唔太出, 只能算係so-so既fusion菜, 不過粟米真係幾甜芝士忌廉全洋蔥蝴蝶粉 $69洋蔥鮮甜, 面頭有唔少芝士粉, 所以比卡邦尼更重芝士味, 汁雖然杰, 不過配上細細粒蝴蝶粉, 啲汁可以完全上晒意粉, 個人認為比卡邦尼做得更好風味炸雞 $39好好味, 調味唔重手, 最重要係炸得非常好, 表面香口, 入面好Juicy, 一點都冇過火香脆金黃牛小排 $99全晚最貴, 不過最遜色, 牛排炸得過火, 變得太韌, 個汁亦太杰, 變得有啲似啫喱總括黎講, 食物未算十分出色, 但考慮到價錢, 其實個性價比都算好高. 始終將呢間平均一碟意粉紅$60-70既餐廳同其他相對地高級既餐廳黎比較 對佢實在唔公平

工作關係到將軍澳，經過新都城發現間裝修幾得意既餐廳，成個花園咁幾骨緻...見佢lunch價錢OK，即管試下...個人喜歡pesto sauce，所以味道都好滿意如果無咁油就會食得開心D薯仔都幾多下，不過部份都幾碎，食到後面都夠夠地...lunch set $49包沙律同汽水任飲，都還可以不過汽水任飲對我就無乜吸引力咖啡用奶仔，唔係用鮮奶，味道平平，仲要加$10，呢方面有待改進

雖然現在是暑假，但可以跟媽媽出去的機會不多，星期六難得偷到半天出去走走，當一回孝順女！因為有親人住在將軍澳，所以新都城曾經是我的遊樂場，可是近幾年的變化太大，基本每去一次就能發掘到新的店鋪，這家是我鎖定了想嘗試但錢包付不起的餐廳，這次終於可以觸動我的Dining List而絲毫不損(還說要孝順，還不是要洗媽媽錢＞＜)可能是假日沒有午市套餐，我們只能單點兩個pasta和一個salad海鮮沙律原價要50UP，但現在只需要３Ｘ，抱著貪小便宜的心態當然要點一個試試味道：沒有發現海鮮的雪藏味，雖然也不覺得非常新鮮，但是醬料卻很不賴，酸酸的汁配上爽脆的蔬菜是一個不錯的開始，而它甚至成為後來的重要救命草～這是我點的田園番茄pasta，價格是＄４９，在這個地區算是高價位的食物，本來身為番茄狂熱飯的我滿心期待，但它一上桌便讓我從天堂掉回凡間，原因是上面鋪滿了白雪雪的cheese粉，而我正好是討厭cheese的挑食小孩，所以在吃的時候都非常小心，在這裡先提醒像我一樣的食友在下單時先說明～味道：撇除cheese不說，它的味道還不賴，每根有咬口的pasta都有掛上番茄醬，但唯一要扣分的是太少的配菜，就如圖中所

工作關係途經寶琳站，一出地鐵站就見到這間田園feel的西餐，格局幾特別，於是提議同事試下，一行4人坐下，各選各的意粉set，2位叫左carbonara, 1位叫左鯷魚椰菜意粉，另外1位食海老青醬意。午餐跟沙律，無咩特別，味道尚可。等左大約8分鐘意粉就來啦。嘩！比想像中大份。Carbonara 好大份，我就食唔晒啦，男同事那碟就清左去。大家口痕痕，中途叫左個薯條食，比想像中好吃，睇起上來無咩特別，原來係加左松露油，個醬都ok，我唔太鐘意沾醬食，就咁食，一會就比我地4個蝗虫吃光光！哈哈！可能早來(12:40pm) , 入來食時，只有4-5檯，食完差不多埋單就full 場8成到啦。可以再試

又來生日飯, 大家對我真好!  今次一行六個女仔, 到了一間主打Pasta的餐廳。之前見過雜誌介紹, 碟碟Pasta的賣相都很吸引, 所以一直都想來試下, 今次終於有機會。環境設計簡約, 門口擺滿了一包包意大利麵和不同蔬菜, 好有田園感覺。餐廳以木枱木桌為主, 與田園很配合。 地方都算闊落, 坐得很舒服。服務服務員很快手和友善, 臉帶笑容, 感覺很不錯!本來我們想order兩壺相同的茶, 服務員建議可試不同口味, 因每壺茶都可refill水, 真細心。食物我們order了不少食物, 包括: 一個2人餐, 再加兩個意大利飯、兩份小食、一碟意粉及一份甜品。1) 我們所選的2人餐有：凱撒沙律、風味炸雞、檸檬香草南瓜長通粉、朱古力雪糕、Tiramisu、一壺水果茶及一壺洋甘菊。($238)凱撒沙律- 賣相有點誇張, 好像將半個生菜放在碟上, 味道不錯, 生菜亦爽口新鮮, 但由於太大片生菜, 又沒有提供刀子, 所以食起來有點困難。而凱撒沙律多是用羅馬生菜, 為何用西生菜, 有點失望....風味炸雞- 炸得剛好, 又脆又熱辣辣, 不錯!檸檬香草南瓜長通粉- 賣相和味道都非常好, 整個南瓜又稔又甜

「檸茶」很喜歡吃 Carbonara, 雖然是一款非常邪惡的食品, 卻又令人難以抗拒。來到這家以 Pasta 為主打的食店, 自然會點選一客 Carbonara, 而這裡的版本名叫 Pasta Marche 特製煙肉甜粟卡邦尼意粉 ($65)。押上店子名字的食品, 自有其過人之處, 其中一個賣點就是加入了大量甜粟米粒, 以往曾經遇過數次加入青豆的版本, 加入粟米的倒是首次。原以為效果會像青豆般畫蛇添足, 誰不知粟米又跟這款意粉的味道甚為配合, 並且帶來額外口感; 加上忌廉汁煮得出色, 意粉又不會煮得過軟, 整體來說是具質素又有新鮮感的一款意粉。

Before我講野食之前, 要提提大家pasta marche既帶位服務係幾慢的. 明明見到有吉枱, 都唔會俾人入. 要問佢係咪唔可以坐, 佢先至彷而大悟咁帶人入去....  呢吓真係....@@到食物喇...pasta marche係呢個商場黎講,都係貴貴地既. 不過菜式特別, 所以都有得做.呢個starter好清新, 味度好好. 值得推介.南瓜意粉份量唔多, 但味道剛剛好, 岩D鍾意食淡味既人仕.呢個ribs就把鬼...唔值...份量同價錢唔成正比.  不建意.總括我覺得價錢偏貴(住宅商場內消費), 份量偏少...兩公婆普通一餐晚餐都要差不多$300.同商場內其他食市選擇可以唔駛$200一餐.  所以唔可以當"飯堂"咁成日去.

平時去到將軍澳新都城食飯，都沒有很多選擇。後來D聽說一間在日本很有名的意式餐廳最近在香港開了第一間分店，就是在新都城。據說這餐廳主打健康食材和田園風味的Pasta。看看Menu，價錢不貴，又不用等位，就決定進去試試。這間餐廳很有空間感，而且裝修看得出很別出心裁，日本餐廳果然一點也不馬虎。桌椅也是木製的，很有農場大自然氣色，坐得也不會太不舒服。1） 田園鮮茄香草意粉 ($49)聽說這裡的蕃茄都是從日本運到，很新鮮的，果然十分清甜，不會太「茄」！賣相也很好，伴著綠色的香草醬，很好味，不會太膩。喜歡蕃茄的朋友一定不能錯過！2） 芝士忌廉全洋蔥蝴蝶粉 ($69）最有趣是能從焗香了的洋蔥挑出一個又一個熱騰騰的洋蔥圈，很好玩和新鮮。那芝士忌廉汁十分香濃，食起上來非常好味道。3) 玉漾粟米意粉 ($55)另一得意作品！粟米粒粒數量多得遮蓋著意粉，而且醬汁也是由粟米煮成的，格外甜美！還加了少許青椒辣味，配合的很好呀。要說明之前很少吃這些意日式Pasta，但份量真的不大，而且每道菜差不多都全是蔬菜為主，真的沒有甚麼肉吃，或許會覺得不太抵食。還好不是很肚餓，所以也剛剛夠飽。在這個人流那麼多的商場，能有如此