SHY Xpress (已結業)

係，又係好忙嘅日子，忙到傻，食快餐係必然。大角咀開左呢間想食好耐，想食呢間好耐啦。早餐唔算貴，8點就開就少有啲，呢4款都夠玩，快呀嘛。我要左超級蛋牛治，啲料都幾多，呢份都幾飽㗎。早餐好開始，食好嘢都幾緊要。

經過被門口相片所吸引，於是入去買佢地個招牌疍牛治首先講吓職員態度：店內有二個女店員，收銀員用佢不太禮貌的聲線問烘唔烘底，這時我選了烘底，乖乖付上$26，之後問要唔要袋，這時我有疑問啦，無袋用咩包住，佢好唔耐煩既語氣話：用張紙包囉，我想我點好食都不會再來買了，因服務態度太差！之後見到佢地衛生意職好低，沒帶口罩及手套。見到一店員將整好的烘底疍牛治放在一張紙上，之後就到剛才收銀那個店員，用佢收錢的手拿着疍牛治用紙包再用袋袋住給我第一次食到軟淋淋既烘底疍牛治，整體來講偏咸，揾笨囉！

記得上年食lunch嘅時候仲係覺得好食的。因為飯會有茄汁炒，蛋會好大塊好滑，再加上好多的豉油汁，大滿足😍 可惜此情不再。今日lunch食左個BBQ雞翼蛋包飯～飯無左茄汁，而且有點硬，好似未煮熟咁。蛋又無之前咁大塊咁滑。BBQ雞翼就只係無乜味嘅雞翼吱左幾篤BBQ醬係面。無左豉油汁😭⋯換上份量好少又無乜色又無乜味好似啫喱嘅芡汁。。唔知會唔會可以食返之前的味道呢⋯⋯？或者下次應該試下呢度最出名嘅蛋牛治。

Excellent little lunch time stop. Their speciality is the omurice lunch sets with 6 options. I usually go for chicken steak. Food is very tasty but note the egg is underdone compared with normal western style eggs. I'm fine with this but many people may want to ensure it's cooked properly. You can add a drink for a small surcharge. Staff are friendly but occasionally are asleep at the till!$39 is good value for what you get.

昨天晚上，在奧海城放工了，這個晚上帶著疲累身軀，感冒了幾天，我決定要早點回家睡覺。 當我決定不晚飯回家抱頭大睡時，我突然看到公司對面的SHL完全無人。 前天晚上，在家中看舊相片看到了新香園的相片，懷念那吃過十多次的蛋牛治，突然很想再吃一下。 當然，突然靈機一觸，我想試吃一下這新店都幾出吃的另一蛋之佳作，蛋包飯。 由於太眼瞓，又想試一下其真章，試吃了那個板煎雞扒蛋包飯。 三十九蚊，平到笑。 回到家不用十分鐘，立刻開飯盒睇下，說真，樣子一點也不吸引。 不過蛋是煎得不錯的，在剛剛煎好的蛋黃，美得不行，又滑又香。 只不過佢唔係蛋包飯的正宗，沒有完全牢牢的包著那個效果。 飯也是不錯的，只不過，如果你是健康人士，你會覺得油太多。 那件雞扒煎得也不錯，香噴噴又不算太肥的雞扒，雞肉啖啖都是叫人吃得愉快，連蛋連飯吃，最是愉快。 飯更有那點點的蔬菜和蕃茄仔，叫我回憶小時候的飯盒。 吃完就吃藥睡覺去，勁滿足，說真，三十九蚊有這樣質素的外賣飯盒，的確有驚喜，我相信，在那裡吃，應該會感覺更好。 下次吃個蛋包飯，來個蛋牛治，飲杯乜冰乜冰，應該是不錯的選擇。 我總是羨慕在這裡工作的同事們，你們沒

.SHY Express事隔幾個月再食...出事了...首先嗌個超級蛋牛治，啲蛋有啲老，都算了，可能個員工比較新，唔係好識控制火候，再叫個美式肉醬瘋薯...一望睇到啲薯條因油溫唔夠搞到吸哂油，同埋說好的肉醬呢？？得牛肉絲同唔識溶嘅原塊芝士😨第一次知道原來美式肉醬係咁樣樣...我盡所能去撈芝士，希望佢肯溶下，可惜最後失敗了...再唔改善哩個問題，相信好快會向大角咀消失。

是次品嚐到由吱吱鼠哥哥主理既蛋牛治，因為係托同事買回來既，所以打開時都有d濕濕地，但都無礙嘗試 “招牌蛋牛治”。雞蛋部份依然滑滑，而牛肉亦味道十足，麵包都好新鮮（如果烘底唔知會唔會更好呢？），全部夾埋一齊食係非常好味。

本以為專營店蛋包飯會很好吃，結果令人非常失望。原因如下：1. 蛋包飯沒有包住飯，只是一塊炒蛋放在飯上2. 我們點了雞排和魚柳，都不是很熟3. 飯也是像昨天的剩飯，整個飯盒很油膩

今日行經見到就決定試下，叫咗2份早餐，分別係沙爹牛麵同五香肉丁麵，套餐包火腿，蛋，蒜蓉多士，見佢包緊嘅時候已經奇怪，因為個麵係用平嘅外賣盒裝，仲以為係撈麵，但有2杯嘢，咁應該一杯係湯！第一時間食多士先，一打開，個多士係黑色，燶哂咖，其實燶到咁樣真係唔應該食，更加唔應該比客食囉！2份都係！太過分了，0蒜蓉味，唔熱嘅，唔知係唔係整定？到麵啦！啲湯都係唔係好熱，因為係分開上嘅原因，啲麵需要浸一陣先食，唔係就有啲硬同乾，牛肉就一定會整定嘅，唔熱但牛味都濃嘅，個麵就不過不失，奶茶就麻麻地，有啲澀！其實如果食過唔好食，最多下次唔幫襯，但係佢塊多士絕對係趕客，叫你唔好再嚟食咁真係唔明白點解可以比呢塊多士去到個客手上

話説Shy Xpress 嘅老闆係深水埗勁排長龍新香園嘅女婿。唔怪得蛋牛治味道一樣，可謂意外驚喜！今日再光顧，見老闆在場。大膽講一個喺深水埗新香園不能實現嘅要求。。。。。蛋多加鮮牛！老闆超好人！完成左呢個小小心願！多謝！脆多士與荷包蛋夾住滑滑嘅牛肉絲。咬落去蛋黃幽幽流出~如果你同我一樣嫌三文治兩片麵包太多，又愛荷包蛋多啲嘅話。。。揀佢啦！蛋多加鮮牛與蛋牛治同價ps. 老闆話正常用刀义食。但獨愛用手品嚐

香煎雞扒蛋包飯 ($39)其實佢唔係我想像中d蛋好流心嘅蛋包飯, 係一塊幾薄嘅蛋舖o係飯面頭, 不過塊雞扒即刻煎, 雞肉尚算嫩滑唔鞋口,整體有小小sauce同雞油, 飯底唔會好乾身, 睇番價錢黎講都算ok~

首先…佢一碟飯先$39其實都好平 附近好多餐廳都做緊5x先一個飯 所以我決定坐低比個機會呢個香煎雞排蛋包飯首先的醬汁好濃 但有的太咸 好重味精味 好口渴 之後佢既雞排 煎得好香 肉質都好滑 好焾 最緊要係唔會太油 如果可以用多少少料去醃會入味的蛋都係薄薄一塊 就咁食有的啖味 同埋煎得有的乾 要沾上醬汁食會好的 overall 以平價蛋包飯黎講係ok ge

早前老公到此店食完呢個要成33元既超級蛋牛治，佢話一定要帶我黎食，嘩，我話咁貴？？但當我食左第一啖，已經不停講好好味，真係好好味，佢除左有蛋牛外，仲夾了一塊厚切牛餐肉同一塊芝士，芝士於半溶狀態，熱辣辣的好味到不得了，另外我地仲叫左牛排蛋包飯，龍利柳蛋包飯，兩個飯都一般般啦，店內座位較為狹窄，不過為左再食超好味既超級蛋牛治我係會再黎既，仲有呀，呢度既老板係前藝員文生哥哥，佢仲好nice添

位處於深水埗的名物新香園蛋牛治，相信許多饞嘴人都有試過嚐過，自己當然也不會例外 ---- 說老實話的，打從這裡還沒有成名之前小弟已發現到這個寶了....話說有一天拖著小友於大角咀內閒逛順便找吃的，找到在博文街近大路的一段，離遠看到了一塊黃色的banner，寫著甚麼 "專營蛋包飯、蛋牛治"的....小弟和小友對這兩味東西都非常有興趣，而且睇睇它的價位收費亦十分的公道，看來今天的午飯，就在這兒處攪定吧....食物的選擇都沒有甚麼懸念了，當然是這裡招牌的雙蛋 ---- 蛋包飯加蛋牛治。東西來之前先兩個人share一杯冰涼的凍檸茶。茶味一般的原因乃源於冰下得太多的關係弄得味太淡的。此時心裡唯有安慰一下自己，說夠冰夠涼入口夠爽快也是一個好處來的....蛋牛治一上桌時給人一種似曾相識的感覺，賣相和新香園的差不多是一模一樣的，鮮牛肉和蛋是混在一起煎成一塊，這樣入口肉的甜就可滲進蛋中。過往在新香園吃到的是一個最好的示範，現在在此嚐到的呢，相似度也有七成的，肉本身是滲進一個近似蠔油的獻汁，味很濃偏甜的缺點就是蓋過了應存在著的蛋香。好處則是蛋煎得頗香口，另外包也烘得蠻crunchy的，整體上做得還可以。若

小店開了好一陣子。之前嚐了它的蛋包飯，美味，再來早餐。一試響往已久的「招牌蛋牛治」。這裡的牛肉用的是新鮮牛肉並不是一般的罐頭咸牛肉。加上蛋漿包著碎牛煎香，夾在烘得均勻的麵包裡。一口咬下，肉汁夾雜著蛋漿在嘴裡流轉。非常飽滿。但因店面細小，坐位較為擠逼，亦可考慮外賣。其實蛋包飯都好吃，但個人較為喜歡它的蛋牛治，令我每天都想來早餐。