TLCBBQ

營業中

休息中

一班朋友想BBQ又想打邊爐？小朋友才做選擇！大美督TLC BBQ 滿足晒你😉💜呢度個場真係要力推，超大嘅燒烤枱，唔使自己揸住燒烤叉咁攰，最正係中間位置仲可以打邊爐，食下公仔麵、烏冬、芝士撈麵⋯💜燒烤場有職員幫大家加炭，起爐，超方便。💜食物款式亦都超多選擇，淨係雞翼都已經有六款不同味道可以揀，仲有各式扒類、蔬菜、丸類，嘢食真係數都數唔哂，食到勁飽~💜好多BBQ場都限定飲品數量，如果不夠就要自費，依度係有飲水機同埋汽水機，可以無限添加，款式仲好多😍💜呢度仲好岩一家大細帶埋小朋友黎添，燒烤場旁邊有小攤檔，可以俾人玩下遊戲，撈下金魚，仲有得DIY Pizza, 自己整嘅Pizza特別好食😙有得玩又有得食，玩足全日都得👍🏻🥢整體評價：✅CP值超高✅地方大，乾淨企理✅有得食有得玩✅食物款式超多✅食到勁滿足

同朋友燒烤癮起,就打算去大尾篤燒下野食今日就黎到TLC燒烤 一入去首先要買飛先既 跟住就會有職員幫你打理好一切 咁佢同傳統燒烤場都幾唔同 佢除左燒烤仲有唔同食物可以打邊爐 幾新穎 無論係環境同埋整體既氛圍,場內充滿住唔同既led燈,同埋就係超級超級乾淨.真係好值得一讚,用餐既感覺好好多成個area都係有瓦遮頭既 離拎野食既自助bar都唔遠,非常方便 特別要一提係佢既牛仔骨 雪花好靚 油香但又好嫩 忍唔住一拎就拎好多 整體食物質素 環境 服務都十分滿意 價錢也都唔貴味道: 8/10環境: 8.5/10服務: 9/10人均: $150-250

成大班frd係冬天, 總係好岩BBQ 今日就跟著班frd去到大埔, 個位係去大尾篤既半路, 係weekend可以超平泊車~ 我地都見到唔少人係踩單車黎食🚴🏻‍♀️weekend既價錢都好親民, $18x每人就可以任食呢個晚餐時段. 去到個場超大, 每張枱中間既空間都好闊落, 唔洗驚嘈到/整到大家. 仲有好多狗仔一齊🐶😍食物選擇都算唔錯, 有丸、腸、肉、菜、麵包+唔好既公仔麵🥩🥬🍞, 有個煲仔可以煮麵同菜. 肉類同丸類既調味都不錯, 係某d會咸左d. 我地幾鍾意佢有得煮麵, 冬天加埋配菜一齊食就好暖笠笠哈哈. 🥢總結: 如果有一大班frd想BBQ會再揀呢到, 時間充裕地方又大, 係無揸車既朋友黎會麻煩d~

TLC BBQ在大埔有分店了💕場內食品及飲品都是自助的，有不同的肉類及蔬菜類供選擇，可以去凍櫃慢慢挑選🔥除了燒烤外，還有一個小鍋可置講於爐中間作自助火鍋🍲 自助吧有清湯提供，但火鍋食材選擇不多~ 場內除了燒烤火鍋，還有其他娛樂設施及大電視💕可以一邊燒烤一邊玩樂~

聞說大埔大尾篤多了間燒烤場，身為BBQ迷的我不容錯過。位於汀角路202號的TLCBBQ，如果在大埔墟火車站出發，坐75K或者275R在汀角站下車行一段路仔就到達，指示牌都十分清晰。呢間燒烤店主打係可以打邊爐同BBQ，而且價錢都算吸引。每位成人入場費用168元，爐費80元。進場的流程亦簡單列明，圖文並茂，簡而美。食物種類相當豐富!而且飲品係無限Refill! 百事可樂、香印提子汁、檸檬茶、忌廉梳打等等。有打邊爐的疏菜食材配料雞全翼，不同口味的雞翼、豬扒牛扒金沙骨 各種腌好的肉類任君選擇!多款公仔麵，有韓國公仔麵揀，其中明洞牌的麵都幾好食。盛載的器具都是紙制的，相對環保。燒烤爐的設計係一張大圓檯中間擺放爐頭，每檯都有一包炭，而燒烤網中間可以放置一個煲仔，目前打邊爐湯主要有豬骨湯，味道相當清甜甘香。

呢幾日天氣凍返，岩哂bbq🔥🔥見到大美督有個新開嘅BBQ場就同朋友一齊嚟試吓場地好大乾淨衛生👍🏻 呢度最特別係可以同一時間打邊爐&bbq中間有個窿，可以放個小鍋打邊爐😆價錢方面唔算太貴一個價錢任飲任食，食到飽飽☺️開爐費就一個爐$80所以一班人黎食除返開就會抵啲食物選擇非常之多😍😍有各樣嘅燒烤肉類，丸類，香腸，海鮮，蔬菜，蒜蓉豬仔包雞翼都有六款口味 每款到醃得好入味我就最鍾意孜然土匪雞翼，非常惹味😋重點推介牛仔骨😍 肥瘦適中呢個夾咗幾次黎食☺️ 朋友都好鍾意食燒嘢食燒到咁上下，就打邊爐湯底係豬骨湯底，味道清清地食完好多肉，就食返啲菜🥬，粟米🌽，蕃茄🍅 幾款麵包選擇: 法包，方包，豬仔包加上蒜蓉牛油，自製蒜蓉包👍🏻如果仲未夠飽，仲有即食麵，烏冬，印尼撈麵一定唔驚唔夠飽😆 食飽飽仲可以玩夾公仔，打街機😆😆總結: BBQ場地又大又乾淨，食物選擇多，價錢又實惠👍🏻 啱晒一大班朋友嚟燒嘢食☺️

【Weekday夜晚$168/位任食任飲｜爭咩吖溝埋一齊做BBQ+打邊爐！❤️‍🔥】推薦指數： 🌕🌕🌕🌕🌘*:.｡..｡.:*･*:.｡. .｡.:* ･*:.｡. .｡.:*･゜ﾟ･*📍HK #大埔 - TLCBBQ (大埔)TLCBBQ早排進駐大埔，有別於傳統燒烤場嘅raw味，呢度裝修好新淨，衛生情況唔錯，一入場就加分！✅職員耐心講解燒烤流程，又有職員幫手透爐，出去攞完野食就啱啱好燒得！估都估唔到可以喺燒烤場打邊爐，我講緊係烚吓烚吓嗰啲打邊爐！煲仔放喺燒烤爐中央，原本極易燶嘅位置用嚟打邊爐，efficient之餘好有創意！啲丸類🍡等等，既可燒又可烚，真係幾好玩👻價目摘錄（成人/夜間）星期二至五6pm-10pm: $168 + $80爐費星期六日及公眾假期6pm-11pm: $188 + $80爐費【𝗥𝗲𝘃𝗶𝗲𝘄 食評 💬】◐ 燒烤｜9/10 自助嘅選擇好豐富，淨係雞翼已經有6隻口味任君選擇，實有啱你嘅口味，又有9項丸類🍡同11種菜類🥬，基本上每樣夾一粒/份已經夠我飽。食材overall乾淨同都幾新鮮。美中不足係無得燒棉花糖，個人認為呢樣嘢係BBQ嘅必食！◐ 野炊小吊鍋｜7/10

之前去過佢嘅大欖店燒🔥~估唔到而家喺大尾篤開咗分店,方便好多👍!大埔墟站轉架20C小巴🚍,好快就好到~呢間店同大欖店一樣咁高質😋,啲嘢食款式夠多又夠整潔~今次仲見到有豬仔包同埋茄子🍆可以燒添~而且佢個網變成咗中間開窿,加炭只要拎起個火鍋就可以~每款嘢食都試下,最鍾意蜜汁雞翼🐔,牛扒,豬仔包(再瘋狂加糖漿🍯)~嘢飲方面,佢係汽水機自助斟🥤~個提子飲品最好味🍇,我見好多女仔都飲呢款~呢度燒一個下晝🌅或一個晚上🌃都只係二百零蚊~唔使自己煩食物煩用具,同埋一大班朋友嚟BBQ就最啱🍢!

TLC BBQ位於大埔汀角路202號鄰近大埔工業邨同人工沙灘龍尾灘附近係入口位於可供駕駛人士泊車，平日係免費周末要收費，以半日或全日為計算單位TLCBBQ本身係屯門大欖涌村的大欖燒烤今年進軍大埔TLCBBQ 特設獨家特大燒烤枱每圍都有大燒烤網，中間有個空位可以放入火鍋一邊燒烤一邊打邊爐非常享受而檯面仲有位置擺放食物同埋可以圍圓方便一班朋友聚會食物種類亦非常多同美味雞扒醃得好入味而且好多汁，必食雞全翼雞肉非常嫰滑脆豬包燒到香脆配埋蜜糖非常正燒粟米同菠蘿塗上蜜糖，燒到微焦必食燒腸仔兒時回憶火鍋配料貢丸，墨魚丸必食彈牙，真材實料蛙蛙菜，生菜，木耳，南瓜均勻飲食，非常新鮮飲品係冰凍汽水機或屈臣氏水機補充水份午餐時間係中午1點至下午5點半特長時間hea hea地悠閒地度過一個周末

第一次幫襯、比完錢去拎餐具之後自己搵位坐低，完全冇人招呼冇人理、無人開爐！ 問拎餐具職員多幾句就黑哂口面、態度超差！ 食物款式算多、環境夠大舒服嘅、係比教大煙！ 不過下次都唔會再去幫襯😤😤

🔥上個星期天氣仲有啲涼, 同豬生入咗大埔大尾篤BB蕉😙 呢度個場真係不得之了嘅正同大, 我哋2人獨佔超大嘅燒烤枱, 最正係中間位置仲可以打邊爐, 食下公仔麵, 滾下蔬菜食😋 燒烤場有職員幫大家加炭, 起爐, 超helpful~ 野食方面都超豐富同高質, 肉類包括雞翼, 叉燒, 扒類, 牛仔骨都有; 腸類包括廚師腸, 台灣黑椒腸, 紅腸, 芝士腸, 司華力腸; 各類型嘅丸同埋海產類, 超開心可以燒鯖魚, 墨魚仔! 野食真係數都數唔哂, 我哋2個食到勁飽~ 呢度仲好岩一家大細帶埋小朋友黎添, 燒烤場旁邊有小攤檔, 可以俾人玩下遊戲, 撈下金魚😆 .📌 TLC BBQ大埔大尾篤汀角路 202 號

📍 TLC BBQ （大埔）襯天氣仲係涼涼地既時候，當然要圍爐取暖一下，約埋三五知己食個燒烤聚會就最岩不過了～今日黎到大美督新開無耐，但己經深受大家歡迎既BbQ場，TCL BbQ～一入到場內，店員已經好有親切感，亦都會幫我哋開爐，唔使自己大汗踏細汗，呢個服務好細心😘係我去過BbQ場既加分位💕優點多籮籮，首先係寵物友善BBQ場，有一塊大草地，各位可以帶自己嘅主子一齊享受燒烤嘅樂趣，途中我哋就見到有龜喺度散步。係一間好融洽既bbq場😊好多BBQ場都有限定飲品數量，如果不夠就要自費，依度係有飲水機同埋汽水機，可以無限添加，款式仲好多，有好特別嘅香印提子味，唔會太甜，而且好好飲😙食物款式亦都好多選擇，淨係雞翼都已經有六款不同味道可以揀，仲有牛扒，蔬菜，丸類，最有特色嘅係公仔麵/烏冬，燒烤場嘅特色係除咗可以BBQ之外，仲可以放一個煲喺中間煲水洽野食🍜可以自制糖水😙包您食到飽😍另外場內仲設有小朋友工作坊，可以比大家有親子嘅活動空間，一齊共享天倫之樂。大家可以喺依度玩足全日，喺場外仲有一個免費嘅停車場🅿️方便大家可以揸車🚗服務夠哂到位👍

每當一想起燒嘢食，就一定會去大美督嘅麥師傅，但自從佢冇做，燒嘢食都唔知去邊度好，因為大美督剩返嗰幾間冇間係好食嘅！無意中發現原來麥師傅個位開咗另一間新嘅BBQ場，上OpenRice又未有評語，唯有去搏一搏，一入門口已經覺得與別不同，感覺好有規模，員工又好有禮貌，地方又寬敞，食物擺位都好整齊清潔，爐與爐之間有好大嘅空間，仲可以打邊爐添！當然係冇肥牛喇！整體食品都唔錯，蔬菜都好新鮮，唯一麵包和粟米就麻麻哋啦！最後想講佢連個洗手間都好乾淨👍🏽👍🏽由於佢係新開，希望佢唔會虎頭蛇尾，我一定再會幫襯.

星期六的下午，一行十人有長者有小孩到這燒烤場。這場吸引之處是既可以一邊燒烤，也可以一邊打邊爐，這樣更適合不同取向的人。三點到，七點多離場，大家都食得飽飽，滿足離去，成人每位$208。去到燒烤場，幾大，很多位置可揀，燒烤爐很大，中間可放置鍋作火鍋。牛仔骨是我們都力讚，encore 再encore. 肉質不錯，不論是牛仔骨還是牛扒，不會un, 也不霉，醃得不會太鹹。還有叉燒、厚厚五花肉、咖哩魷魚、多款不同醃料的雞翼、多春魚等等，這些質素不錯。還有不少火鍋料，丸類、菇、菜蔬、腐竹等等，居然還有韓國麵、出前一丁等等。還有方包、細法包及類似農夫包可以烘，許多配料可自製醬料，我哋加蒜蓉和牛油，食左不少。機斟的飲品是任飲的，有汽水、檸檬茶等，質素當然不如罐裝，但最讚是任飲，而且還有凍水。每位都附有一份餐具，碗及杯質地很好，食到尾都不會熱溶或變形。還有一個全家人都讚好的就是洗手間，數量不算少，而且乾淨企理。這是我去過的燒烤場最高評分的。*如果孩子圍坐就可能有啲悶，因為那兒只有撈金魚、夾公仔機、街霸遊戲機等的自費玩意。