影片
港鐵元朗站 B 出口
繼續閱讀
電話號碼
28131110
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
以上資料只供參考, 請與餐廳確認詳情
相關文章
芭堤雅泰國餐館喺元朗已經開業10多年，喺元朗幾乎無人不曉。最近重新裝潢，搖身一變成為打卡嘅泰式Cafe，就拉埋老公一齊去試下。純白色嘅店面，竹藤狀嘅吊燈，加埋綠色植物嘅點綴，充滿小清新。餐廳有上下兩層，座位都算多。翻新後嘅芭堤雅泰國餐館人氣十足，假日座無虛席，好彩排隊唔算等太耐，大概等15min左右就可以入座啦！午市套餐好抵食，選擇都好多。泰國海南雞喇沙湯粉($78)呢個喇沙湯底好有驚喜，泰式香料味道突出，入口辣辣地，加入椰漿後味道香甜，集濃香辣於一身，好惹味！海南雞竟然係髀位，皮香肉嫩，完全唔嚡口，面頭再放上大量炸牛蒡，增添口感！Pattaya地踎撈麵($72)撈麵淋上泰式醬汁、擠少許青檸汁，味道清爽開胃！配搭脆炸五花腩、肉碎及炸牛蒡，多重口感。而我特別鍾意脆炸五花腩，炸到香脆，肉質爽口彈牙，好食！午市套餐可以另外加配小食：黃金蝦餅(+$25)蝦餅炸到脆卜卜，口感彈牙，真材實料。紅咖喱魚餅(+$20)魚餅充滿檸檬葉及紅咖哩香、混合豆角粒令口感更有層次。套餐送飲品，揀咗蜂蜜香茅茶，味道清香。老公揀咗比較少見嘅泰式綠奶茶(+$10)，奶香絲滑順口，茶味淡雅，不過甜度就稍高。炭燒豬頸肉($88)賣相勁靚！必點！豬頸肉燒得好香，邊邊位燒到脆口，肉質嫩滑又彈牙，蘸上泰式秘製醬汁更加惹味！奶茶雪山($68)賣相好打卡！味道亦有水準，刨冰口感綿密絲滑，毫無冰感，泰式奶茶味香濃之餘又唔會太甜，不論加椰漿醬定係落脆脆，味道都好夾。整體食物質素好高，服務都非常殷勤友善，絕對會回頭！
繼續閱讀
前幾日上網睇到有人介紹元朗泰菜館🇹🇭裝潢超靚超岩打卡，一睇先知原來係芭堤雅泰國餐館🏖️餐廳開業多年，最近裝修成精緻泰菜餐館🔥今日約埋家姐去嘆返個lunch試試新茶式😋🔹打拋和牛飯第一次食打拋飯用上和牛，鮮嫩又多汁，配九層塔等香料同炒，特別惹味！中間仲有一隻荷包蛋，增添層次感～🔹脆炸五花腩飯五花腩炸至外皮鬆脆，肉質依然軟腍juicy，咬落皮脆肉嫩，口感一流，每啖都香氣十足！🔹黃金蝦餅金黃色酥脆外皮，內有鮮嫩蝦肉，味道香、質感夠彈牙又食到蝦鮮味！🔹香茅雞翼雞翼煎至甘香脆口，滿滿香茅清香，雞翼夠大隻，食落啖啖肉。🔹奶茶雪山賣相好吸晴！綿密雪山入口即溶，奶茶味十足，口感絲滑細膩，而且甜度剛好，令人一試難忘！🔹香芒糯米飯正值芒果季節，芒果肉特別香甜多汁，配軟糯綿密嘅糯米飯及濃醇椰漿，面頭再撒上黃色米碎，增添咀嚼感，既簡單又滋味～🔹泰式檸檬茶檸檬獨特清香與泰式茶底完美融合，茶濃而不澀，舒爽透心涼。🔹泰式咖啡特別用上煉奶嘅泰式咖啡味道更為濃郁，咖啡甘甜又清爽～芭堤雅泰國餐館✨📍元朗安樂路1-11號明珠樓地下1號舖
繼續閱讀
和牛船河 Beef boat noodle $88 : 私心鍾意食船粉，見到有和牛就更加唔使諗，必點！和牛肉片切得極薄，肉質鮮嫩，入口即化。寬河彈牙，湯汁濃郁鮮美！鴨肉生菜包 Duck Breast Lettuce Wrap $98 ：第一次見用鴨胸肉整生菜包，呢款創意十足嘅料理梗係要試試佢！鴨肉粒鮮嫩多汁，生菜清爽爽脆，搭配微辣醬汁香氣四溢。絕對值得一試❤️明爐鮮青檸蒸烏頭 Steamed mullet fish w/ fresh lime on stove tray $168 ：明爐鮮青檸蒸烏頭結合了新鮮的烏頭魚和清新的青檸，以明爐烹調方式保留了食材的原汁原味。烏頭魚肉鮮嫩細軟，搭配青檸的清香酸爽，帶來一種清新怡人的口感享受，最後食到連香料都冇得剩😆特色蒜蓉包 Special garlic bread $38 ：圓形蒜蓉包真係有啲特色～ 以酥脆的外皮包裹著香氣濃郁的蒜蓉餡料，每一口都散發著誘人的香氣。如果有咖哩醬一齊食係完美配搭！我地怕太飽所以留待下次先試埋咖哩😚
繼續閱讀
今日約左朋友仔黎元朗食依間好出名既泰國菜 !! 果然係好出色 , 兩個人食得大滿足 , 店鋪環境打卡 able , 店員態度好好 , 抵得一讚 , 12 點一開門即卡黎左 , 坐底無耐已經差唔多滿座 , 果然好高人氣炭燒豬頸肉炭燒味好香 ! 原圖睇得出豬頸肉烤到岩岩好金黃色 , 色澤超靚 , 賣相吸睛之外 , 食落肉質爽口彈牙 , 仲有配埋秘製醬汁食落更加鮮香泰式秘製黃咖哩牛腩 + 香酥薄餅咖喱好香 , 食落好濃椰汁味 , 而已黃咖哩唔算太辣 . 食唔到辣既人都可以食 , 入面仲有好多牛腩 , 牛腩煮得岩岩好 , 軟腍而牛味香濃 , 薄餅配上咖哩好惹味 , 好有泰式風味乾炒大蝦金邊粉依個大力推薦 !! 又抵食又高質 , 大大碟金邊粉 , 炒得好香 , 鮮蝦大大隻 , 色澤通透食落去好新鮮爽口 , 仲有花生粒調味 , 勁好食香芒糯米飯食泰國菜點可以唔嗌芒果糯米飯 , 賣相勁精緻 , 椰汁自己淋上去 , 配埋新鮮既糯米飯食 , 芒果亦一 d 都唔酸 , 簡直係一流出色既甜品
繼續閱讀
-「香港亦都感受到泰國風情🌿」｡:.ﾟヽ(*´∀`)ﾉﾟ.:｡🤍網上見到呢間泰菜好吸引，所以專程過嚟元朗食，原來係開咗10年嘅老店，但環境經過重新裝修，有樓下樓上座位，門面帶有純白𝒞𝒶𝒻𝑒的感覺，仲有綠色植物點綴，𝒮𝑜 𝒸𝒽𝒾𝓁𝓁!🍛紅咖喱五花腩 $98 🌶️呢個紅咖喱唔辣，椰奶味好濃郁，香氣四射，入面仲有好多配料，加咗粒粒菠蘿，青檸同蕃茄仔......有啲似咖喱雜果煲，估唔到粒粒菠蘿好甜，五腩肉肥瘦適中，不會只得肥膏，整體材料好豐富，送飯一流！🧄🥯特製蒜蓉包 $38好特色的外型，上面有迷迭香，外皮微脆，內層屬於鬆軟麵包，塗抹住牛油的蒜蓉包入面仲有成粒蒜頭，單食或配咖喱都好味！ヽ(✿ﾟ▽ﾟ)ノ🍳炸蛋蝦醬肉碎炒飯 $88一上枱就望到隻蛋，隻蛋炒得超靚，仲加咗甜豉油調味，而炒飯粒粒分明，仲有少少飯焦，入面有肉碎、臘腸、洋蔥、蔥花等配料......蝦醬令到個飯味道更豐富，整體嚟講似食臘腸煲仔飯，仲要係有飯焦嗰隻，ʏᴜᴍᴍʏ！🥬飛天炒通菜 $72 🌶️🌶️通菜色澤仍然翠綠，證明幼嫩唔會煮得太過火，調味方面有豆豉醬同泰國辣椒，真係有🌶️🌶️辣度，單食都唔會太鹹，菜葉莖比例適中，好惹味！🧋泡沫泰式奶茶（C）$35上層加咗奶蓋，由於正宗泰式奶茶太甜，今次點了少甜所以甜度剛好，茶味好香濃，不會全被奶味覆蓋，入口順滑香濃，不錯！🍹🥭芒果梳打 $38平時最怕芒果味道似藥水味，但呢杯芒果味道好清新香甜，入面加咗薄荷葉點綴，底層仲有粒粒果肉，泰國芒果非常香甜唔酸，飲呢個芒果梳打好似食緊芒甜品一樣，大滿足！💕🇹🇭所有食物都擺得靚又好食，難得地冇一樣中伏，份量都足，兩個人食唔晒，超飽！另外侍應姐姐都好好人，影相話幫我打燈，好有人情味，加分！(〃∀〃)下次會想試吓甜品：芭堤雅泰奶雪山，望到人哋食好吸引！呢度唯一缺點係要排隊，晚飯時候可能要排30分鐘以上！-
繼續閱讀
您可能會有興趣的...