影片
營業時間
星期一至日
12:00 - 22:00
以上資料只供參考, 請與餐廳確認詳情
食家推介
講起山打根，就會令我回想起當年梁朝偉同梁家輝既一套戲。但係山打根係邊？原來係位於馬來西亞沙巴東海岸，當地人普遍以廣東話溝通，聽落又幾有趣，有機會可以走返轉。家陣又無須去到咁遠，因為係將軍澳早前就開了間［山打根］餐廳，主打東南亞菜色。望望餐牌可說是新意滿滿，當中有兒時回憶的［黑牛］，即是可樂配朱古力雪糕，正。前菜就來一份好香口的班蘭葉包雞。而當然更少不了馬來沙嗲雞串，但靈魂所在一定係沙嗲醬。之後是兩款打卡名物椰香咖喱雞西多士以及椰香咖喱牛肉西多士，莫以為只得外觀，下點糖漿，味道好特別，尤其是感覺似加入港式餐廳元素。講得係秘製，總會令人期待，其實秘製是南雞翼又真係好香口又大隻，醃得好入味。而越南蔗蝦炸得色澤亮麗，外層蝦膠柔彈，不錯。主菜的香茜胡椒花甲湯粉絲食落好有深圳街頭風味，湯底鮮甜帶辛勁，花甲毫無砂粒，食得安心。幾款主菜中，自己就最鍾意招牌蝦湯飯，蝦湯底真的好香又濃稠，飯粒泡了湯後依然有嚼口，三扒兩撥便清碗了。不想食飯，又有招牌海蝦煎蛋撈麵可選擇，麵條是近似油麵，掛汁能力一流，所以食落好惹味，尤其是弄碎雞蛋一齊食，就更有風味。食得太多肉類及澱粉質，一於來碟香蔥醬油時蔬同埋蝦頭油時蔬，的確好香口，個人覺得蝦頭油味道更濃郁。
繼續閱讀
65蚊都食到五星級酒店嘅水準😋 將軍澳山打根開頭會以為係某連鎖大集團嘅餐廳，點知係原來曾係五星級酒店Ritz-Carlton擔任主廚主理嘅東南亞餐廳🍴想將美味平民化西多士 ～ 下午茶時間$50 有找配熱飲，大推熱奶茶☕️1️⃣ 椰香咖喱雞西多士 ⭐️⭐️⭐️⭐️⭐️ $48將平日常吃的咖喱雞變成邪惡嘅西多士，別有一番風味😋西多士炸到金黃酥脆，沾滿咖哩醬汁真係令人停唔到口2️⃣ 美祿恐龍西多士 ⭐️⭐️⭐️⭐️⭐️ $50西多士有上面滿滿的美祿朱古力粉，係下午茶或者飯後甜品嘅最佳之選🍫飯🍚3️⃣ 椰香咖喱牛肉飯 ⭐️⭐️⭐️⭐️ $58咖喱汁充滿椰香味少少辣，撈飯一流，食到停唔到口！4️⃣ 招牌蝦頭湯飯 ⭐️⭐️⭐️⭐️ $65湯頭用左西餐蝦湯嘅做法製作的，加上東南亞食材配合西餐方法，蝦湯味道出色濃郁🦐小食 ～ 晚餐加配可以用跟餐價叫嘢飲，$100有找搞掂晚餐5️⃣ 腐乳炸自家製鯪魚球 ⭐️⭐️⭐️⭐️⭐️ $28這款鯪魚球口感彈牙爽口冇魚腥味，淋上濃濃的腐乳醬，滿分嘅開胃菜6️⃣ 斑斕葉苞雞 ⭐️⭐️⭐️ $28 味道比較普通，炸雞塊非常嫩滑，都有淡淡的斑斕味，但相對冇咁突出
繼續閱讀
因為工作關係入咗去將軍澳，收工去左DONKI 行下，一落嚟留下就見到呢間裝修充滿南洋風味小店，星期六都有唔小人幫襯，睇下餐牌都好多野食而且價錢唔貴！叫左個招牌蝦湯油麵，湯好飲，而且有3隻蝦 低食，腐乳生菜嘅腐乳好香而唔會好咸，炸鯪魚球係最有驚喜，應該係自己打，後悔只係叫小份。3款都好食，尤其是炸鯪魚球好香，下次要再試下其他小食先睇返其他食評話樓面態度唔太好，我又唔係好覺，樓面哥仔都好好禮貌呀，呢間下次可以再黎！
繼續閱讀
之前經過Donki見到開左間新餐廳，今次就專程散步過黎試下啦！當日係假日下午茶時段！！望落價錢完全係親民價位😳😳 因為澳南一般既餐廳都比較貴！我地兩個人被安排坐喺Bar枱！餐廳環境唔錯，裝修簡約，行小清新風！呢個價位，環境算係超靚！！！😆😆😆我地點餐既時侯，侍應小弟應該係新黎？好多野都唔知... 例如叫餐飲需唔需要加錢，加幾錢。我叫左蕃茄豬扒湯河。好濃好濃既蕃茄湯！ 食落係好清新既蕃茄香味，完全唔係瘋狂落茄膏嗰款！！ 豬扒雖然係比較薄，但煎得好香！😋😋同行既朋友就叫左大碗飯。呢個大碗飯等左40分鐘以上。我已經食完碗麵先黎... 中間我地問過店員，先知原來冇晒飯要等40分鐘？仲問返我地“乜落單嗰陣冇同你講咩🫠？”個飯都唔錯既，蛋炒得好滑，但真係等得太耐囉！叫左美祿恐龍同虎咬獅。呢間餐廳既飲品全部都好特別！！ 要睇英文先知係咩黎😂下次可以再試下其他野😋 可能仲係新開比較混亂，希望下次會改善啦！
繼續閱讀
蔥油雞扒煎蛋飯 ＄52汁都多，蔥油加半熟蛋撈飯依個配撘一定冇得輸雞扒煎得夠脆班蘭葉包雞 $28（細）似係一舊細細哋嘅雞攞去焗/烤冇太重嘅香料味咖央奶茶 $28 比較苦，咖央味唔太出美祿恐龍西多士 $38一食落口勁油，一咬全部油都出哂嚟美祿醬同粉都唔多，諗住可以中和下都冇最後油到係食唔哂味道⭐️⭐️⭐️環境⭐️⭐️推介⭐️⭐️
繼續閱讀