影片
港鐵屯門站 B 出口
繼續閱讀
營業時間
星期一至日
11:30 - 22:00
以上資料只供參考, 請與餐廳確認詳情
今日一家三口去食放題，每位188再加一。估唔到食物水準差到食左半個鐘多D，已經唔想再落柯打。飲品得百事，七喜，獅威啤酒，罐裝橙汁揀，食物種類好少。魚生無鮮味，天婦羅一堆麵粉，鐵板炒雜菜係用碗上仲係得椰菜，最離譜，麵豉湯竟然無料，清湯一碗，豆腐渣都無。。。講真，食過多間放題，呢間最差！都唔平呀！
繼續閱讀
連放數天的第二日假期，早上在元朗做完治療要到屯市取旅行及歌劇票，想平平地吃點東西，見板長/前週年誌慶，不論消費，光顧一次便可入會，故便在超市樓層的分店幫襯，時間12點半，店內只有兩檯食客，此店食過數次，質素僅僅合格，沒想到越來越差!貪心鬼叫了C歺$38~咖哩吉列豬扒飯+麵鼓湯，另加$7要了三文魚手卷，再單點了個鹽燒雞軟骨串$18。三文魚手卷 (5.5/10) ~ 未知是否本人影相影得耐，手卷拿上手時已軟軟的，紫菜完全不脆，三文魚冇乜味。麵鼓湯 (3/10) ~ 完全唔熱，室溫熱度，豆腐亦是，唔敢再飲。雞軟骨 (3/10) ~ 一拿上手，枝棍是"冰冷"的，食了一串，都夠熱，第二串食了一半感覺未熱透，好生肥雞膏味，頂唔順吐了出來!咖哩吉豬飯 (3/10) ~ 飯正常，咖哩汁太"杰"食落好似薯仔蓉，圖片也見個汁好"挺身"，味道一般。再睇真D，塊豬扒同脆槳是三唔識七，大纜扯唔埋，豬扒充其量只可叫厚肉片(5mm厚)，死實又乾，而吉列皮亦唔脆，唯一好處是有些人不吃脆皮的慳了功夫去分開佢。埋單$69，只有手卷還可以，我當比了6X幾元去入會!
繼續閱讀
而家係屯門市中心食野都唔平嫁,一行三人行行下街見到有板長既放堤,星期六$198再加一,任食90分鐘,唔貴呀,由於未夠7點,所以唔洗等位,總共8張菜單,未入去門口都有得睇呢間放堤好鍾意將D唔同味既野放埋係同一隻碟,呢張相就係一個例子刺身,雪到冇乜味炸物,冇乜特別
繼續閱讀
同兩個女仔朋友去食放題刺身：三文魚新鮮，甜蝦 比起出面既都大隻小小 Sushi：他他三文魚燒得幾好味，叫左幾次鐵板燒：唔記得d名啦，好似係牛柳同金菇肥牛都好好食整體係幾好，價錢就中等啦，都會再黎幫襯既
繼續閱讀
"原來板長有放題？"記憶中板長壽司都幾好食~ 今次朋友發現板長壽司放題, $188一位加一, 任食兩小時, 於是我地一行5人星期五來到這家板長放題~星期五無得BOOK位要Walk in, 都幾多人等, 差唔多等左半個鐘先有位, 其實我地本來諗住實無死啦~ 咁多人等位, 應該唔差...8:00pm入座, 剛剛可以食到10:00pm店舖收工時間~~一坐低大家就有咁多畫咁多款, 務求試曬所有款式~~魚生-一般款式都有, 但係唔算太正, 三文魚好似無乜鮮味, 唔太肥美, 其他刺生都正常壽司-點了火炙芝士蟹柳, 原來真係咁普通o既蟹柳壽司上面放左一片芝士, 味道正常汁燒三文魚？唔記得個名, 食落去唔似三文魚, 味道都可以接受鰻魚壽司...嘩...咩黎咖=.= 清蒸鰻魚壽司？？見倒都唔想食, 難食。鐵板類- 牛肉粒、雜菜、大蝦、羊肉、尤魚鬚、豆腐...雜菜味道ok, 大蝦一般唔太新鮮, 羊架肉同牛肉粒完全分別唔倒, 無羊味同牛味,清一色黑椒味@@ 尤魚鬚都ok, 豆腐無乜味, 最大問題係佢一堆咁黎, 好似比人食過咁...菜餘一樣@@ 我地都明白放題大多數會一碟上曬同一類o既食物, 但呢碟野黎到時我地都嘩左一聲, 尤魚同肉類比d雜菜蓋住左, 豆腐又唔完整一件, 好亂@@炸物- 炸生蠔好腥, 我地每人都試左一啖, 無人食倒落肚, 炸大蝦同炸蕃薯好味。燒物- 雞軟骨串ok, 脆肉瓜好甜, 雞翼都ok雜菜牛肉鍋@@ 好難食, 黎到完全唔知係牛肉鍋, 有一件粟米, 有白蘿蔔、紅蘿蔔、娃娃菜, 但湯底非常味精。最後響鍋底發現牛肉, 鞋曬唔好食。燒玉子-好味青螺-朋友們話好多沙, 叫左一轉之後無再叫, 所以我無試到。清酒煮蜆-一樣係多沙, 叫左一份之後無再叫。燒三文魚-味道其實唔差, 但燒到好似魚乾=.=大家都幾唔滿意, 於是乎為左翻本要飲啤酒XD 任飲飲品有啤酒、百事同七喜。最後諗住飲啤酒就不如叫個送酒小吃, 炸洋蔥圈@@好油, 皮好厚...唉... 好食o既野太少, 評價一面倒, 應該無下次鳥~
繼續閱讀