影片
港鐵旺角站 C3/E1 出口, 港鐵旺角東站 B 出口
繼續閱讀
特色
飲o野傾計
營業時間
星期一至日
12:30 - 00:30
以上資料只供參考, 請與餐廳確認詳情
喜歡來到13/F hapoy hour, 環境寧靜，望上去有個藍藍的假天空，坐得又舒服，是把酒談心的好地方。先來小食拼盤,有洋蔥圈丶炸雞翼丶炸魷魚同焗薯皮,炸粉比較厚,口感硬,味道不夠濃,有待改善！蟹肉魚子醬扁意粉,不夠熱,蟹肉份量太少,味道淡,意粉不夠彈牙！下次來還是飲啤酒好了,食物質素真的不太好!
繼續閱讀
這晚相約了和另一半的友人們一起晚餐傾計，於是找尋一下適合晚餐和飲野傾計的地方，而找來一個氣氛環境都不錯的餐廳。預約晚上六晚半，兩位友人先到達位於朗豪坊十三樓的餐廳，我倆則沿十二樓的樓梯行上去﹔一種居高臨下的感覺由此起，遠眺到整個朗豪坊的景致，人們在我們腳下顯得更為細小。我們先點選了凱撒沙律($78)另加配煙三文魚($38)，一碟份量四人分享，作為開胃菜份量剛好。沙律菜賣相鮮綠，配上沙律汁，新鮮菜汁和沙律汁配合完美，入口酸酸甜甜的確開胃，煙三文魚煙薰味濃烈一點層次會更分明。而我則點了一杯Bellini($72)，是蜜桃甜酒與香檳結合，原以為此杯更能帶出甜味，但入口甜味不突出，酒味較重之外，味道亦較酸。餐廳上菜速度快，令每款主菜接踵而來。其後，便是西班牙大蝦雜錦海鮮鑊仔飯($178、小)，有大、小之分的鑊仔飯，如果再另點其他主菜，小份量其實已足夠四人分享，鑊仔飯最吸引眼球莫過於擺放上面的大蝦和海鮮，﹔大蝦蝦質新鮮彈牙爽口，反觀青口則有殘渣在青口內，大大減少了不少分數，而飯粒味道亦較淡，雖則未至於意大利飯粒一般濕潤，但飯粒亦較為淋身。而另一樣則較值得推介-扒虎蝦拼比目魚柳配忌廉汁燴海鮮汁伴蒜蓉包($188)，很長的一個菜名，不過材料亦如菜名一樣富足﹔忌廉汁燴海鮮汁在底，遠看會感覺在忌廉汁湯上放有兩隻被扒開的虎蝦和比目魚柳，不過近看便知汁身較濃稠﹔虎蝦被扒開，蝦殼易拆之外，新鮮度亦十足，蝦身很爽口彈牙﹔嫩滑有肉汁的比目魚柳蘸上忌廉汁燴海鮮汁，鮮味更上一層樓﹔將汁料蘸上蒜蓉包，令面包增加了汁潤感之外，海鮮汁中的魚塊、蝦粒、八爪魚大大豐富了面包的層次感﹔汁料入口鮮甜，如果蒜蓉包上的牛油減卻一部分、減少了不必要的油份會更出色。另外一款主菜-西班牙串燒精選(黃薑蒜香雞柳、芥末砵酒牛柳)($108、兩串)，先嘗試黃薑蒜香雞柳味道，與青椒相間的雞肉帶來獨特的串燒香，雞柳因雞皮油份所致不會乾身，入口亦十分嫩滑，帶來淡淡蒜香味﹔芥末砵酒牛柳，砵酒為牛柳帶來香氣，然而牛柳太熟入口較韌，較為遜色。有美酒、美食，當然也小不了甜品，我們分別點了特濃朱古力班尼蛋糕伴雪糕($68)，餐廳提供的是Movenpick雪糕，可以選擇呍呢拿、瑞士朱古力、意大利草莓奶凍和榛子，而配班尼蛋糕當然是選擇經典的呍呢拿雪糕﹔班尼蛋糕富有朱古力濃香，入口帶有微微苦澀味，配上有呍呢拿籽香的呍呢拿雪糕，能減輕班尼蛋糕的膩口感。另一個點選的是雪糕士多啤梨船($78)，可以先自選兩款雪糕味道，而我們點選了呍呢拿味及意大利草莓奶凍，以一片片的士多啤梨形成船的模樣，雪糕上再倒上士多啤梨醬，整個賣相以紅、白、粉紅工免而成，女生至愛，士多啤梨片入口較酸，加以雪糕點蘸則帶來酸酸甜甜效果，甜而不膩，而意大利草莓奶凍雪糕帶來微微宜多啤梨肉粒，更添美味。一頓晚餐，美酒、美食和甜品，滿足三個願望，吃得痛快亦傾得開懷。
繼續閱讀
最近番工忙到都冇時間食好野，心裡面雖然不停諗住要book枱食飯，但諗諗下就諗到happy friday night都殺到黎都冇book到...happy friday night冇book位就多數都得等位等到2036又或者食快餐、food court之類。好彩男朋友仔呢一刻竟然諗到上朗豪坊13樓食13樓有幾間餐廳，有兩間食過，於是我就話揀間未食過架啦，所以就揀左Mes Amis。我地入去果陣係7點，我地入左冇耐就開始要等位，非常好彩！侍廳俾左個menu我地，我不嬲都好快諗到食咩，但係男朋友仔係有選擇困難症，叫佢揀食咩都揀左好耐。但男朋友今次睇menu睇左好耐，原來唔係因為揀唔落手：「咪住先，點解你岩岩講果d野食我個menu冇既？」！！！之後我地先發現，原來Mes Amis同隔離間Txxxz share同一個menu，等我仲以為有得試新野...由於我地記得上次食Txxxz多到食唔哂要打包，所以今次改做叫一個snack、一個salad、一個main course同一個甜品。snack: 雜錦小食拼盤(小)細size每種snack有三件：分別有雞翼、洋蔥圈、芝士薯皮同魷魚圈款都算多，樣樣都有得食啲，個甜酸醬好食，男朋友差唔多撈哂成個醬而我個人認為薯皮好食，不過唔知係咪炸定左既好似琳左少少。salad: 三文魚西柚沙律因為己經揀左個炸物，所以salad就揀個fresh啲既。西柚其實有啲酸，啲菜冇乜菜味(草鯹味)，就好似食緊一堆纖維落肚...煙三文魚剛剛好唔會太咸main course: 肉眼扒上菜發生左一啲小插曲，我地食完salad同snack好耐之後都未上main course，眼見遲過我地入座既人都已經有肉眼扒，但我地都等左好耐...同埋我諗佢地唔係好夠人手，我地想叫個waiter跟一跟單，但全部都唔見哂，應該入哂去傳菜出黎。其實肉眼扒煎得幾香，肉眼扒既quality都唔錯，幾juicy，肥瘦岩岩好，唔會覺得佢太肥太膩，但好似切得薄左啲。肉眼扒仲拌左薯條，不過佢啲薯條係幼薯條，仲幼過麥xx果啲...一條一條咁吉黎食真係食得唔係好過癮甜品: browny + ice cream雪糕好滑好creamy，但太甜太多香精味，我唔好甜所以食左兩啖就食唔落。browny就一定係超甜架啦，不過我都有試左啲。唔知係咪over cooked，個面好硬，完全焗乾哂browny既水份，好彩佢都幾大舊，可以挖番中間果啲出黎食。呢度啲野食係中規中舉，不過我覺得唔值呢個價，可能飲野傾計係一個唔錯既地方，但下次食晚飯都book其他餐應好啲
繼續閱讀
餐廳位於13樓，地方環境幽靜，而座椅也座的舒服，感覺是另一面的「朗豪坊」。如與好友模模酒杯底，談天說地，它絕對是一個不錯的選擇！餐廳的菜式都不算是正宗的西班牙菜，可能是因為要頗合香港人的口味。芝士味濃, 加上青椒及茄汁,口感清新!簡單的SALAD,芝士味就是一切, 完全沒有特別吸引的地方!包包香口,有著濃濃的茄汁和洋蔥香, 口感香口!炸物火口不錯, 賣相都吸引, 可以口感及味道留不到我的心!千層NOODLES, 有著濃濃的茄汁和肉漿香,味道是可以的, 份量就一般!菜式都是朋友點的，口味比較健康而且多以蕃茄為主，感覺也蠻不錯！菜單的選擇頗多，但每碟份量一般。
繼續閱讀
*菜式：不算是正宗西班牙菜，但頗合香港人口味。菜單的選擇頗多，每碟份量也不少。兩個女仔點一碟頭盤、兩碟主菜已經很足夠。*頭盤：Potato Skin $72重點推介，十塊小薯仔皮焗芝士配酸忌廉，又香又濃，有少許沙律菜伴碟。*主菜：Seafood Pizza (Regular) $128+ Crab Meat Linguini $138Pizza薄、脆，料多但不均匀，還不錯。Pasta頗輕盈，魚籽醬很多，但蟹味不重，整體來說一般般。*飲品：Bellini (Happy hour) $58蜜桃氣酒，有半粒草莓浸着，非常喜歡*環境：當晚跟一位友人聚舊，環境清靜，但燈光略暗，不適宜拍照。*服務：很好，頭盤跟主菜的時間分配很合時，服務周到。
繼續閱讀