影片
港鐵灣仔站 B2 出口, 步行約5分鐘
繼續閱讀
開飯介紹
以火鍋為主打的小肥牛有多種選料上盛的湯底，配以極級肥牛，的確令人吃過回味。
繼續閱讀
附加資料
少量素食菜式每天供應
營業時間
星期一至日
18:00 - 03:00
以上資料只供參考, 請與餐廳確認詳情
招牌菜
天氣開始凍, 打邊爐癮開始發作~ 本人鍾意港式火鍋多過日式火鍋~牛魔皇嘅我, 港式火鍋之中特別鍾意小肥牛同金牌, 本人住港島加小肥牛多分店所以勝金牌~因為要等老公收工, 唔知情之下book左9:00後原來有優惠~ 好彩今日book定位, 因好多人walk-in都無位~ 佢地枱與枱之間都唔算迫, d staffs都好有禮貌介紹~ 叫咗豆腐清湯$40, 因我見淨叫山水/玉子豆腐都要$30~9:00後優惠係三選一"小龍蝦(暫停)/安格斯牛頸脊/象拔蚌", 牛魔皇主力當然食牛, 揀咗安格斯牛頸脊, 原本估以為$10碟可能得幾塊, 點知送黎都算多~但我地兩個主力食牛, 同呢度安格斯牛頸脊太好味太有口感, 所以再encore大碟一份$168~ (例牌$128, 但我地食好多)另外特別鍾意呢度嘅牛肉粒$108, 一碟都算多, 又係好好味~美國雪花肥牛$118, 都好味, 但太薄, 都係鍾意安格斯牛頸脊多d~另外叫咗炸腐皮$36, 算新鮮炸好脆~白牛柏葉$29, 掉哂落鍋唔見哂, 原來因為熟咗超級縮水 #_# 好好笑~ 寧願佢收貴少少, 唔好再切得咁細食唔到!!豬牛墨丸$42, 意料之外豬肉丸反而幾好味~另外金菇$36, 魚皮餃$36~飲品竹蔗水$26, 可樂$9/支(算食水唔深)~總括, 非常滿意
繼續閱讀
因朋友生日(佢想食小肥牛)及星期五行書展, 所以一早book左灣仔區食火鍋.呢間唔太爆場, book了20:30pm上到去還未full, order食物如下:叫了沙爹/清湯湯底響鈴 - 超大舊份量亦多安格斯肥牛片 - 入口充滿濃濃既牛肉味, 那種融化質感真係一般肥牛比唔上的, 但牛肉片切得太薄了..一碟好似食陣風咁, 好吊癮.蟶子 - 呢啲海鮮亦都係唔會差得去邊, 正路的十分鮮甜, 賣相亦佳~~黑松露水餃 - 堅好味, 鮮蝦好大隻又彈牙, 木耳好爽口, 一粒粒黑色既黑松露味道好香亦不會搶左蝦的鮮味~芋頭 - 唔太易散,入口冇渣~三寶丸 - 手打不過不失;魚頭 - 我冇食但frds話一般不見味道突出;另外亦點了豆腐, 唐生菜, 飲品則叫了竹庶茅根及啤酒5人total連加一$992, 俾我預期算平了(我預左over$1000的)
繼續閱讀
book 左八點打邊爐, 七點半左右上到去, 張檯已經準備好, 完全唔駛等, 正!睇下餐牌, 揀下湯底, 點下食物, 再加埋調味料, 朋友們差不多都到了, 真係時間啱啱好. 呢度調味料唔算好多樣化, 但勝在簡單整潔. 料子有蔥花, 蒜茸, 紅椒粒, 炸蒜粒, 另有醬汁: 麻醬, 醋, 豉油等.我地本來想試試"北海美仁"湯底, 可惜無貨, 最後揀左: 花彫藥膳同埋蕃茄薯仔牛腩兩款. 兩款湯底味道都偏淡, 感覺溫和, 冇乜驚喜.手切肥牛冇貨, 於是叫多左安格斯牛, 美國肥牛等等牛類以作補充. 其實打邊爐都係亂點野, 印象中大概有: 羊肉片, 豬頸肉, 花彫豬肉片, 蟹子蝦丸, 芝士腸, 芝士牛丸, 豬皮, 粟米, 蘿蔔, 四寶丸, 蟹子墨魚滑, 炸魚皮, 豆腐, 枝竹... 不能盡錄.當中芝士牛丸有驚喜, 牛肉夠實有味, 但內裡芝士澎湃, 相當有睇頭. 花彫豬肉片則冇乜特別, 中間放果一小兜花彫, 點左都唔覺有味. 羊肉片有 d d 蘇味, 算好, 最怕食左都唔覺係羊肉果 d, 好怪的. 炸魚皮稍為厚身以及硬左 d, 有部份浸完湯都咬唔開, 嘛嘛地. 其他大部份野食都好有水準, 有鮮味, 每碟份量亦算適中, 唔會話要爭食咁.呢度食物款式唔係話勁多果種, 不過都唔算少, 傳統野有, 新派野亦有 d, 勝在食物新鮮, 味道可口. 再加上一大班朋友嘻嘻哈哈, 真係食得好鬼開心!
繼續閱讀
有个朋友要庆生 仲头痛紧去边度吃饭 天气一冻 有个Friends 建议不如 去十下十下 去咗湾仔小肥牛 “服务” 和“质素” 都比其他火锅店 略胜一筹 环境就较为逼滴 似”大排档“ 多滴 我地带咗蛋糕去 有个吖姐 好亲切地 问我地 帮你将蛋糕 摆雪柜先 啦 费事溶咗 啦 估唔到一间 ”大排档“ 的火锅店 竟然有甘好的 服务 我地8个人去吃 咗将近 1800元 平均消费 都是230 左右 相当抵食 我们叫咗 1 鱼头汤 鱼头真系好新鲜 好巨大 吃咗 2条 象拔蚌 口感鲜味都几好 我就觉得少咗滴 （有个Friends就话188元条算系甘上下啦 ） 炸腐皮 我们8个人竟然 食了2大 碟 个个真系 狼嘅 美国肥牛 就普遍咗滴 手打鲜虾滑 又系值得 一赞 黑松露水饺 唔觉有黑松露味 炸鱼皮 比我系云吞铺食嘅更松化 几好味 青岛石豪 灼完就细咗滴 味道还可以 炸芋头 好香 又够粉 皇帝菜 打边炉真系正 食完打边炉 要食蛋糕 有个侍应上嚟 帮忙清咗枱 先至上蛋糕 和水果 给我地 朋友都话 下次生日 再去 其他小肥牛 试下
繼續閱讀
見openrice有幾好的評語,所以去左試食!!!!只不過太失望啦!!!!因為我是打電話訂位,所以不用等位,但我見有空桌!叫左個沙嗲湯底,普通有$10安格斯牛肉叫(每二人只可叫一碟)好味過$38個手切肥牛!!起碼是有D鮮味!!but好細碟$38手切肥牛,好差,好難食,又無鮮味!!!!$88肥牛,比$38個個好食少少,但吾覺佢比出面好!!!$60芝士牛丸,好難食,D芝士重有點酸!!!根本芝士同牛丸二樣野系吾MATCH!!!芝士腸,呢個好D,比出面好味,因為真系有芝士流出黎!!鮮墨魚丸,呢個系全部最好既唯一一個,起碼是彈牙!!!炸腐皮,幾好味啦,不過不失!貪得意想叫個$88刺身食,但話賣晒,唯有叫個$55迷你刺身拼盤點知,中晒伏,真系迷你到,有四款刺身,每款得三片!!!!O晒咀!!呃錢!!!final6個人食左$1320.我覺得都幾貴呀!!而且,返屋企柯左幾次,我同另外一個人, 其他人就吾知!!BUT我覺得系間野吾好搞到我肚柯!沒有值得的感覺!!!希望D人去食,要認真試清楚
繼續閱讀