影片
港鐵銅鑼灣站 A 出口, 步行約7分鐘
繼續閱讀
電話號碼
28828013
營業時間
今日營業
12:00 - 14:30
19:00 - 22:00
星期一至六
12:00 - 14:30
19:00 - 22:00
星期日
全日休息
以上資料只供參考, 請與餐廳確認詳情
近期網上議論紛紛，da Domenico $1000/份嘅紅蝦意麵。 😅我係澱粉控加好奇心驅使，又有同好作伴，不加思索立馬行動！💪🏻💪🏻🤣網上劣評不少！有批評服務，有批評價錢，更加有唔少批評$1000嘅紅🦐意麵性價比低！😅今晚二人行，我和女友決定做先鋒解疑點！💪🏻🤣意大利籍老闆親自為每枱客人落單及建議，好處係有任何要求，馬上可以有答案！👍😜老闆快直爽！👍👍😍可能意識到我倆想試多幾款意麵，主動建議我哋每款半份，轉數快嘅我即時打蛇隨棍上，要求半份再幫我哋分兩碟上！🙏🏻🤣服務方面-唔覺得太差，不過，員工對餐廳菜式唔多認識，係一個問題！🤦🏻♀️食物方面-值得一讚係佢嘅爆漿Burrata Cheese，係我返香港以來最好食！👍😍😍紅🦐意麵已加咗價，唔係$1000係$1200😅，紅蝦肉質正如網上批評真係有啲霉，好彩紅🦐醬汁好味，意麵口感非常好，al dente! 😜不過，更好彩係我哋只叫咗半份！🤣唔多理解係，紅蝦既然咁多劣評反應，店主仍然堅持，唔換供應商？🤦🏻♀️今晚我和女友兩人試咗三款唔同味道嘅醬汁和三款麵條，總結會再嚟！👍😍二人前：BurrataLinguine w/GamberiFettuccine (Homemade)w/RaguSpaghetti w/Puttanesca Lamb ChopCoconut Ice cream 😋😋😋😋😋
繼續閱讀
早前預先訂好了枱，點知早途計劃有變就打去餐廳更改booking information， 接線生態度惡劣，電話中鬧人，話有咩更改就一次過改，唔好打幾次電話！🤬超級惡！
繼續閱讀
慕名而來到比人吹捧到天上有地下無嘅西班牙紅蝦意粉餐廳，一碟$1200。本身睇過食評，對呢間餐廳嘅services同食物都無乜抱有太大期望，但冇諗過居然有野食係劣質到放唔到入口。羊扒又簿又well done，熟過蜜桃成熟時，柴過柴狗。西班牙紅蝦意粉完全無擺盤無賣相可言，但意粉味道的確唔錯，掛汁彈牙。但紅蝦又霉又無味係霉到無牙都食到嗰種！紅蝦仁，蝦米咁細舊，收$1200你比咁嘅貨色我？呢碟野如果$400比我可能會食，但人地出面米芝連一星二星都無收咁貴，仲好食好多，你呢間野收$1200就極度搵笨，又做水魚俠至於個羊排，就免費都唔會食
繼續閱讀
紅蝦意粉🍝🦐大家都為紅蝦意粉而嚟。1200一碟⁉️如果出面好食少少都要400，仲要得嗰少少。咁Da Domenico一啲都唔算貴，因為份量起碼比起外面嘅多4、5賠。值得一提，呢到點餸有少唔多。老闆好有性格，要你嗌幾多就幾多。如果真係唔夠，你係要求佢😂。除咗意粉，都有以下幾款食物介紹✅Ox Tongue✅Calamari Grilled(Squid)🦑✅Burrata Cheese 🧀✅Monk Fish口感似龍蝦🦞，個樣似撻沙。✅Tiramisu✅椰子雪糕🥥📩Email Rating: 🌝🌝🌝🌝🌜
繼續閱讀
呢間意大利餐廳歷史悠久，極端意見眾說紛紜，有啲話中環歌賦街牛腩店X記招呼、但收你天價一碟紅蝦意粉，有啲人話就算你喺意大利都未必食到呢種高質素嘅意大利菜，絕對係南拳北腿孫中山辯論話題。唔少朋友同我講一碟紅蝦意粉盛惠$1200，值得咩？成碟蝦仁多個紅蝦，啲紅蝦又細隻，一碟兩個人份量都唔知夠唔夠，重要嘅事情講多次，$1200一碟意粉喎……我另外個好朋友語重心長同我好似沈大師分析股票形勢Chok 住同我講「先唔好理佢幾多錢、先問吓自己究竟喺香港有邊一間可以做到俾佢更靚嘅意粉, Burrata 呢？再講啦佢個蔬菜湯濃郁到都唔知落咗幾多蔬菜落去先至有呢個味道」，佢亦都好公道咁樣講「唔係樣樣野都好食嘅，當然有伏，睇吓你識唔識叫啦」點解話佢係意大利版X記，好簡單老闆充滿性格，就算我好朋友一年到晚幫襯佢幾十次，佢話齋「我哋呢度兩點閂門夠鐘啊、又或者我哋想嗌多碟意粉，唔好意思我覺得你哋夠食啦」撞着我呢啲VUP 想叫 baby squid pasta , 你會見到隔離食到舔舔脷、佢會答你賣晒，等於你去到九幾想叫碗爽腩冇得食，但係隔離個個都食緊一樣，識人好過識字啦我忘記晒所有數字遊戲，專心食呢一餐飯，好耐冇試過西餐可以令我有幾道菜第一啖放落口到即刻面露笑容，呢個效果通常我係食壽司同埋去私房榮Boy 12 先至有 …. 總括來講：Burrata 真係 我老友記話齋 「best Burrata on the planet, 其他意粉各樣真係好味道，係開心嘅，開心時間過得特別快又係時候講拜拜
繼續閱讀