影片
開飯介紹
供應多款台式料理、夜市小吃及任食火鍋；火鍋有多款湯底選擇，並按所選的牛肉級數收費，豐檢由人。店內更設有「櫻花樹」，讓食客掛上許願卡。
繼續閱讀
營業時間
今日營業
11:30 - 23:00
星期一至五
12:00 - 23:00
星期六至日
11:30 - 23:00
公眾假期
11:30 - 23:00
以上資料只供參考, 請與餐廳確認詳情
有關獎賞計劃
相關文章
台式火鍋食得多，喺櫻花樹下你又食過未？餐廳位於荃灣，除咗有多款湯底選擇之外更供應特色台式料理夜市小吃同特色手搖。店內設有櫻花樹，俾食客掛上許願卡，成個feel唔同晒🤣湯底要咗椰皇雙子同芝士牛奶，前者採用新鮮椰皇水，飲落清甜，後者帶淡淡奶香氣，值得一試。牛嘅品種按套餐而定，有肥有瘦，個人喜歡牛胸腹，油花香，入口即溶，邪惡增肥之選😋QR code落單，好欣賞呢度嘅小食，唔會hea你，樣靚又好味，大大力推介雞扒，外皮炸至酥脆可口，肉質超級嫩滑，咬落多汁，完全做到台灣夜市嘅味道，encore咗好多次！另外比較印象深刻嘅包括：澎湖花枝丸，外層夠薄，肉質彈牙、台灣香腸，又鹹又香，越食越上癮、宜蘭蔥肉餅，餡料飽滿，有汁、自家醃製蘿蔔，夠酸，好開胃。自助區有多款炸物，菜品同丸類，可能係因為多客人，全部新鮮熱辣辣，炸雞翼外脆內嫩、脆皮香蕉微微甜、香芋球軟綿綿、仲有台灣紫蘿蔔，麻吉燒，甜不辣等，大胃王表示滿滿幸福感。最後一定要留肚食甜品！有齊多款雪糕、沙冰、涼粉等，鍾意呢度嘅Waffle，唔係脆卜卜，偏軟腍嘅，勝在帶淡淡蛋香氣而且甜甜哋咁，配雪糕真係好match、飲品就更加唔使講，基本上諗得嘅都有，仲可以選擇甜度冰度凍熱等，滿足✌️
繼續閱讀
天氣極潮濕，最好都係留商場嘆冷氣，晏晝揀左去別忘了打邊爐，貪佢有甜品任食🤤叫左B餐澳洲M7$278/位，湯底就揀左酒香麻油雞同芝士牛乳鍋，前者有啲失望，無乜酒味同麻油味，芝士湯就幾好味，奶香奶香的🍼呢個餐有三款牛～牛胸腹、卡樂Beef同牛板腱，三款都唔錯，個人覺得卡樂beef牛味最重，牛板腱較滑，牛胸腹有咬口，有款都encore左好多次🤤另一樣返叫最密嘅係羊肉卷，有羊騷味得黎入口甘香，正🤤各式台灣小食都正㗎～鴨血、台式香腸、鹽酥雞、宜蘭蔥肉餅、花枝丸等，黎嘅份量都係1-2件，過下口引真係唔錯。而自助區有大量蔬菜、丸類、麵食、炸魚皮、響鈴等，旁邊仲有滷肉飯添🤤唔少得台式特飲任飲啦，少冰少甜全部有得揀，唔覺唔覺都一人飲左三杯😆食飽飽就係時候食埋最期待嘅甜品啦，個list有十幾款野揀，正啊😍食足兩個鐘唔使趕，輕輕鬆鬆食到飽飽，大滿足😘
繼續閱讀
📍 別忘了之前經過已經比餐廳門口嘅櫻花樹吸引住，襯🐷爸去旅行，約咗🐷媽喺櫻花樹下撐枱腳！餐廳入面周圍都放住櫻花樹，仲會比啲許願牌客人寫上願望掛上去，好特別嘅體驗！—————————————————————❣️ Set B 澳洲M7 $278🍲湯底有11款湯底，好多選擇🐷就揀咗椰皇雙子鍋同香濃豬骨鍋！推介椰皇湯底，超！級！香！好濃！淥咩都好食！🥩牛肉呢個set有澳洲M7牛胸腹、精選牛板腱、澳洲250日穀飼卡樂Beef、日本鹿兒島茶美豚梅肉、西班牙栗飼豬梅片、羊肉卷🥗配料出面自助區夾，大量選擇！好多好特別嘅嘢，值得一提嘅係牛丸，係振興牛丸😍係Qr code有得點蘭王雞蛋🧋飲品好開心！有得任飲廢水，嗌左珍珠奶綠、水果茶、鮮檸檬紅茶、都好好飲，有台式手搖嘅水準！🍮甜品超級多甜品選擇，好出色！雪糕已經係基本！呢到有窩夫🧇大量台式甜品，仙草、檸檬愛玉！—————————————————————🏡地址: 別忘了 (荃灣)荃灣眾安街68號荃灣千色匯I 2樓2032號舖👉🏻天水圍都有分店！🕑營業時間: 12:00-23:00—————————————————————
繼續閱讀
今日特登跟🐧🐧 朋友仔入到荃灣，一訪依間櫻花滿滿嘅台式任食火爐😋 入面放置了多棵粉嫩迷人嘅櫻花樹🌸 牆身以文青風濃厚嘅海報作點綴，感覺韻味十足，打卡啱曬👍 餐廳仲會提供自家設計小書籤，供客人寫下願望或回憶，讓客人掛在牆上作紀念，超有心思🥰❤️ 今次我地㨂咗澳洲M7 牛牛set😋 有六款精選肉肉可以任添任食🤩🌟 包括澳洲M7 牛胸腹、澳洲250日穀飼卡樂Beef 、精選牛板腱、日本鹿兒島茶美豚梅肉、西班牙栗飼豬梅片同埋羊肉卷🫶 全部色澤紅潤有光澤👍 油花肥瘦比例均勻❤️ 超級高質極有誠意👍 另外，客人可以外出自助區，㨂選多款台式火鍋配料❤️ 貢丸、甜不辣、米血糕等地道台式食品都有提供👍 客人亦可在自助區，按心意調製喜歡嘅火鍋醬料😍❤️ 熟食方面，除了自助區會不間斷供應小食炸物，客人亦可透過QR code 下單，試勻多達十幾款嘅台式地道小吃😋 全部都係新鮮製起，保證熱辣辣香噴噴🤭 邪惡又惹味😋 飲品可以透過QR code 下單，㨂選多款台式精選茶飲❤️ 有凍有熱，同時可自行㨂選甜度和冰量👍 台式飲品嘅杯子同樣由餐廳自家設計❤️ 夢幻又可愛🥰 黎到🐧 最喜歡嘅甜品❤️ 除了火鍋常見嘅麻吉燒之外🥴 餐廳仲提供多款自製甜品😍😍😍 包括不同口味嘅窩夫、雪花冰、杏仁豆腐、寒天等等😚 食得超級滿足又開心🤭 最後還會每人奉送一客精選甜品（有Movenpick 可以㨂🤩🌟 ) 餐廳仲特別設計了「惜食之人」小卡片，鼓勵客人珍惜食物避免浪費，好有心👍👍👍
繼續閱讀
店內也有櫻花樹，每枱都會送上一張別忘了嘅心意卡，可以隨心寫下你的心意，掛上樹上，很有意思。揀左澳洲M7和牛餐 。火鍋湯底係鴛鴦鍋昆布湯同藥膳鍋。肉類澳洲250日穀飼卡樂Beef(油花多肉質腍)日本鹿兒島茶美豚梅肉(肉質嫩夠肉味)西班牙粟飼豬梅片(肉質肥瘦均勻口感嫩)精選牛板腱(有咬口肉味濃)澳洲M7牛胸腹(味道濃口感嫩)羊肉捲(口感滑唔覺腻)花雕嫩雞肉(濃厚花雕酒味雞肉滑)整體而言:肉類嘅不同部位，都有質素叫完會再叫。台南府城蝦捲(蝦肉做餡炸過更香口)澎湖花枝丸(墨魚鮮味口感彈牙)台式墨魚滑(魚肉同墨魚混合，味道有層次感)揀番夏天啱食嘅:東瓜、南瓜、蘿蔔、粟米、萵筍。滾在昆布湯令瓜類更清甜。
繼續閱讀
您可能會有興趣的...