金皇朝海鮮酒家 (已結業) 查看

親友從外國回港未曾吃過大闡蟹於是就跟他們去試試大家都知道有間專吃的酒家但每人要吃至少兩隻本人覺得太多了於是就去了金皇廷每隻$38不太大但我們只是想讓親友嚐過這味道所以都沒有太高要求所有都是蟹公膏不是太多但都足夠有我最喜歡的透明膏不是太甘又不是太甜始終這個價錢的貨源也有限制我們一行四人每人一隻蟹另外ORDER了咕嚕肉、炸蝦餅、壽包、芝士龍蝦E麵、法式焗元貝埋單只是五百多各種菜式都各有賣點咕嚕肉我欣賞其配料足除肉外青椒、紅椒、洋蔥、菠蘿肉炸得外脆但又未至於內滑不過甜酸汁恰到好處至於蝦餅個脆漿薄而脆一點油膩感都沒有而且蝦餅內混了西蘭花另外的壽包當然有拳頭的大熱呼呼的端上一手擘開就有個圓圓的蛋王在中間芝士龍蝦E麵只係$68由於係必食推介所以限四個人只可叫一隻龍蝦都有肉當然這個價錢不要期望有啖啖肉因為汁量多而且濃每件龍蝦每注麵都能沾上芝士汁令每口都好滿足法式焗元貝元貝切粒混入肉、葡汁伴薯蓉焗有創意而且味道好要知道這是富臨集團旗下食物有水準環境好客量少所以這餐飯很抵呢

金皇廷?何時又改了名..算了,點心紙上還不是印上富臨集團..與同事兩個人飲下午茶 點了六款點心蝦餃 皮幾薄 蝦爽肉甜蒜香茄子 煎得香口 好味春卷,蒸排骨,鴨掌,流沙包 都OK 但唔特別..茶都幾香 奈何不夠伙計 要多次揚手先加茶

是晚晚餐令大家很滿意, 原來此店水準絕不低, 很意外呢很多大大隻的鮮蝦, 蝦是有點兒甜, 很鮮味的, 配以芝士焗, 簡直令人涶涎多肉大件又大碟, 新鮮美味全不反感, 不吃魚的都吃起來, 真不簡單很好肉的雞, 整隻香脆美味, 少骨多肉, 很難得!絕不會太甜的糕點, 很清新的味道, 令人想吃完一個又一個

鳳爪肉厚，夠「林」，味道奇好，個汁用來撈麵仲正。外層穌脆，一咬破，蘿蔔絲爆出來，味道好，必食推介。好特別，用了切薄的芋頭片包住糯米飯，第一次見。粥不好吃，又水又稀，D米不見了，豬潤好實。不夠辣味，甜酸味重，豬手夠「林」。

公司請食飯. 近近地就諗住試下附近的呢間. 寫左二圍二千零蚊的菜, 睇見佢有幾道似樣嘅菜名, 都好似有板有眼.有香酥鴨, 蒸頭斑腩, 如意玉盤...以為無衰啦....點知…菜式用料粗劣, 香酥鴨就如香酥芋頭, 完全沒有鴨肉, 外觀求其. 蒸頭斑腩, 極之碎件, 頭頭尾尾堆砌而成, 真的可悲.如意玉盤. 原來就係清湯切絲金華火腿淮白, 酒樓的算盤真的打得何其如意. 淮白也可以當酒席餸菜之一.二千零蚊雖然不算什麼大金額, 但我們也沒有點大魚大肉大煲翅, 但求食餐美味餸菜. 郤是失望收場.

前身係金皇朝, 友人說金皇朝大裝修兼改埋名, 好~趁7一就扶老攜幼去試試先。 裝修後真係堂煌好多, 尤其個廁所, 真係值得一贊。 食物亦都保持一貫水準, 尚算抵食。 义燒飯: 一流, 值得食, 半肥瘦义燒, 最緊要係唔乾唔油。 咸菜豬肚: 同未改名前相比, 略嫌細碗咗, 湯好少。頭抽干炒牛河: 好味, 唔會油油, 炒得好乾身。

Auntie請食飯叫咗個套餐, 承惠$1488。 唔使我比錢仲要又食又拎, 真係食得寧舍痛快。 金皇朝位置完全唔起眼, 亦無乜豪華裝飾, 但係勝在夠yummy 1/清蒸海虎斑: 蒸得時間啱啱好, 好嫰2/脆皮炸子雞: 好食, 好有雞味3/生炒燸米飯: 炒得好爽身, 唔會一嚿嚿

這間酒樓現已改名為金皇庭。早上9時多已致電訂了枱，去到12時55分，一坐下就發覺涼風陣陣，原來其中一個位是風口位，我們只有5人坐6人枱，便決定吉咗個風口位，以為無事啦。怎知當食物送上來後，便出事，所有食物極速變凍。食物：-南瓜煎堆：有少少南瓜味，不太濃，不會太甜，很大個，十分香口。好。叉燒包：普通，無特別。春卷：普通，無特別。豆苗餃：普通，無特別。潮洲粉菓：普通，無特別。蘿蔔絲鬆餅：普通，無特別。鮑汁雞腳：個賣相很吸引，可惜我不吃雞腳，但朋友話好好食，最少有10隻雞腳及有很多花生，很抵食。帶子腸粉：有很多帶子及翠玉瓜，個腸粉又薄。將每條腸粉分了三份，通常（大部份酒樓）餡料都會分佈不平均，但今次每份都仍然塞滿帶子及翠玉瓜。好。只係大點，十分抵食。茶：鐵觀音，茶葉太碎，幾乎每口都會食到茶葉，飲到最後仲有苦澀味。我都知道不會提供靚茶葉，但都無可能碎到咁囉。服務：正常，無特別。整體上，與普通酒樓沒有什麼分別。唯一可取的是南瓜煎堆，但又不必專程來。

鮮椰皇燉海星賣相就真係一點也不吸引，就在潛水時見過這水中生物，現下要食牠有點怪怪的感覺，湯味鮮甜，有椰子及雞味的老火湯，湯底很清看不出味道是頗濃味的，平日甚少飲湯水，今次全不客氣地一碗再一碗地喝盡，薑蔥銀絲海蝦煲陣陣蝦味噗鼻，蝦煲不油膩而粉絲吸收了蝦的精華，沒有黏煲底又不太乾身，幾好食，蝦新鮮而爽，這個蝦煲算抵食清蒸立魚蒸魚的鼓油太多了，味道一般魚肉蒸得剛剛好，魚肉鮮甜而好食糖水糖水是晚飯時段免費送的，送的糖水都有差而無誠意南瓜西来露、紅豆沙，糖水似即沖的，紅豆沙完全沒大“起沙”感，南瓜更沒有南瓜味，建議用心做一款糖水較送兩款為佳，兩款任選而不好食的糖水，太可惜了其他服務員態度一般，酒樓在晚飯時段也不算繁，很多家庭飯聚