小泰國 (已搬遷) 新店位置

見到openrice寫佢6點先開門以為一定無早餐/lunch食啦😂點知原來佢朝早去到下午2點有粥同皺皮腸粉賣～價錢仲要幾相宜～粥唔係水稀稀果種 真係食到米粒 有屋企煲既感覺😍腸粉應該係即拉既 熱辣辣又幾足料😎做早餐超級滿足呀😋仲可以打電話去落定單 勁方便👍舖頭細細但都唔算太迫lunch經過有時都幾多小學生係入面食緊🤣好warm好有小店既感覺😊反而夜晚既泰國串燒我都未試過 哈哈有機會要去試下先得～

小泰國位於大角咀一個極不起眼嘅地方，由旺角站行過去，大約10分鐘到!第一次試串燒私房菜，要預先同老闆訂位同預訂食物，我哋今次主要試燒海鮮，每款海鮮非常新鮮，最中意椒鹽海花蝦，仲有泰國小食啊👍🏻串燒店老闆是一人主理，煮嘢食、沖嘢飲、招呼客人、收錢，全部都係佢呀，招呼非常好，有時仲出嚟同我哋吹下水傾下計☺️食物質素同服務非常高質，其實好想私藏，好擔心太多人去食，就好難訂位🙈😂◭ 燒帶子～燒得啱啱好，好鮮嫩◭ 燒鑽石蜆 ～勁多汁，要飲埋d汁😂👍🏻◭ 燒刀貝～又係勁多汁，好鮮甜◭ 椒鹽海花蝦***推介必食，椒鹽勁惹味，超級彈牙嘅海蝦◭ 燒聖子◭ 燒鮑魚◭ 燒鱔◭ 海南雞～好滑身嘅海南雞，滑到筷子夾起都有啲難◭ 燒豬頸肉～粒粒豬頸肉，有咬口又好味◭ 燒菠蘿～又甜又多汁◭ 燒翠肉瓜～多汁又爽口◭ 洛神花梳打

上年８月那天後，便沒到過大角咀。今次再來，先來到晏架街球場旁的小泰國，吃個簡單晚餐。小店位置不大，只有兩三張枱。老闆每天親自選購食材，確保食材新鮮。Order紙的選擇也貴精不貴多。生燒豬頸肉飯 $50飯粒分明，口感軟熟。自家醬汁酸辣惹味，撈飯一流。即叫即燒的豬頸肉帶點油脂，入口爽嫩。更喜歡其有點燶邊，夠香口。$50一大碗，抵食之選！燒雞中翼 30/4隻雞翼很嫩滑，不錯。羊架 $40大啡菇 $20老闆說是日羊架較肥，問我們介不介意，可先去走一點肥膏，很細心。大啡菇也很juicy，但最令我念念不忘的是生燒豬頸肉飯呢！餐廳是上善若水BE WATER的社區互助自救計劃，由議員向有需要人士派發消費券，到小店消費。咁有義意，絕對值得支持！朝早還賣埋石磨腸粉，試完再向大家分享吧～餐廳資料:小泰國    地址: 大角咀槐樹街6號麗華中心地下21號舖電話: 55022180

呢間餐廳都食左好多年呢度d 野食，真係搞到定期都要去食番一次呢排疫情搞到好都冇乜點去圍去同玩，見疫情好番小小，都忍唔住同朋友兩個出去食飯最好就建議Book 左位先去la, 唔係都幾Full 下首先，環境就唔係好靚打卡果d 餐廳黎既，食物同人情味先係呢間餐廳既特色由於book 左位亦講左話想食海鮮，就有以下既野食la, 如果walk-in 係好難有海鮮食Ga, 因為佢每日都去入貨，唔Keep 海鮮留到第二日Ga所以一定係新鮮。外面有小小脆，中間岩岩好，食落仲有帶子本身既水份，完全食得出帶子既鮮甜。鮑魚入口爽彈，唔會咬唔開/𡁻到口攰，相當新鮮！。呢隻聖子真係唔係講笑，本身既汁，加上老闆又係燒到岩岩好，入口爽甜。第一次食既鑽石蚌，比一般花甲鮮甜，仲要無沙Ga!!。大蝦既肉質都依舊爽甜。燒豆卜送野飲簡直係一流丫。呢個雞翼保持外脆內Juice 既原質，香口得黎，又唔會話燶。呢度特有既，啡菇係牛肉既下面，牛肉既肉汁，全部落晒去個菇度，又有另一層食法牛肉既油脂分部，牛肉唔會太韌，入口d 牛肉汁、肉味全部係口入面爆發，必試推介。本人就好怕腥既，但係呢度燒出黎既比目魚呢我就覺得自己好似係度食緊蟹柳咁，一

呢間小泰國其實係食串燒既深夜食堂黎本身係欈搵串燒食又想搵番間黃店黎食就揀左呢間小泰國，喺大角咀同旺角既中間？類似咁既位置今次係我第二次黎，所以已經係一早同老細落order 話想食d 海鮮，叫佢特意去攞貨d 食材好新鮮睇得出佢對野食係執著同埋有要求整既時間需時所以大家黎既話都需要預d 時間黎等候趕時間就真係千祈唔好黎因為好的食物係需要等待既跟住佢既燒菠蘿好食牛肉又燒得剛好老細又健談會同我地傾計推介呢間小店比大家！

作為一個超級串燒控，真心想推介呢間良心串燒店俾各位老饕。門口大大個招牌已經導出老闆的心意“燒出心機*烤出味美”。小店的裝修非常簡單，只可以説是乾淨企理，沒有甚麽花巧的佈置，賣的只是新鮮的食材和老闆的真誠。一向喜歡支持黃店的朋友，也不妨多“懲罰”吧！店舖的面積不大，但食物的款式及種類也不少，任君選擇。今晚有幸坐近燒烤爐旁邊可以近距離與厨師（即老闆）聊天，细問之下原來上述的點菜纸並未能盡錄所有食物。例如：鮑魚、日本皇帝蟹及久違了老闆親手醃製的海南雞（一般都是熟客預訂）所以要有食神眷顧才有幸品嚐以上的美食。生燒豬頸肉飯$50，這是一碟令人驚喜的碟頭飯，唔怪得老闆用佢嚟打頭陣，豬頸肉醃得夠入味，肉質新鮮爽口彈牙，即燒即食，美味可口。值得一讚係淋喺飯面的汁，味道似一般泰式燒烤咸得嚟帶酸的汁，但經老闆不斷親自改良，加入青檸檬汁，令汁料唔再死咸，同時可以中和燒烤肉類的油膩感，十分夾配。肥美的廣島蠔六隻$100，蠔的醃料唔多，可能新鮮的關係，蠔肉本身已經很鮮甜，隻隻都很大，食的時候有種很滿足的感覺，吃後很飽肚呢！這款墨魚春卷比較特别，喺其他串燒店都好少見，其實係用腐皮包住墨魚滑燒，薄薄的一片片，入口有

打包一份回家，一百蚊卻連二分之一餐盒都沒有裝滿，太少了！豬頸肉味道還行，但是也沒有太多的驚艷，雞翅味道不好吃，感覺還不如自己烤的，台式烤腸很小一根，味道不如maket place買的速凍腸

平日夜晚10點去到得我哋一台客，老闆出嚟傾左一陣計，講明所有燒物都係叫完先生燒，就係呢份誠意已經令我哋好期待🤩 雖然等左20-30分鐘係耐啲，但絕對值得！豬頸肉燒到脆邊好正，又唔會成口油！配埋自製泰式蒜蓉辣汁，送飯勁開胃呀😍雞扒好嫩滑，雞皮燒到香脆，中間冇夾住層肥油，估唔到$50有成8件，抵食！仲試咗兩款串燒，雞腎同埋雞軟骨都好食，香口唔乾唔太咸。朋友叫嘅菊花蜜味道正常，但直接雪冇冰，加分。P.S. 朋友第二日再去試左其他嘢，特別一提翠玉瓜爆汁

二零二零年一月第二個星期三晚上，大角咀。下班後友人說帶我吃串燒，在他帶領下來到這家小店，來個串燒夜。名為小泰國卻是吃串燒，原來以前真的是賣泰國菜的，已經在這區開業十年之久。店面不大，裝潢就像小型居酒屋，從外面的透明玻璃可以看到店主忙著烤串，很有家庭式的味道。店裡各處都放有日本動漫的手辦模型，高達，龍珠，都是陪伴著大家成長的回憶，還有一堆非常凶狠的，友人看著很興奮。詢問之下原來小店有德國啤酒，我們點了一瓶Benediktiner Weissbier 艾塔修道院小麥啤酒，呈琥珀色，帶點點蜂蜜，焦糖味，整體偏淡口，挺適合配燒烤食物。燒豬頸肉，先點半份，彈牙不乾柴，還保留肉汁，配著自家製的泰式醬汁很醒胃，添上泰國風味。燒雞中翼，外皮微焦香口，肉質嫩滑，千變萬化的雞翼實在是必點之一。墨汁台腸，第一次吃墨汁腸是在台北，皮薄而脆，墨魚汁融入香腸之中，惹味突出帶點甜。10吋海花蝦，有人想要吃有殼烤蝦，很大隻而且非常新鮮，只有筷子的關係，這次就換他幫我剝殼囉，厚厚的蝦肉，灑點鹽跟胡椒已經很有風味，蝦肉爽甜有嚼勁，實在甜美。燒羊架，也是很大一塊，羊羶味夠，因為我們也是重羊羶味的人。比目魚扒，烤得金黃鮮香，

今次黎到大角咀呢間小店佢主打係泰式串燒～店舖位置唔多 可以坐到十個人左右我地兩個人7點左右食 咁岩有一張空枱小店都好有人情味 服務態度好好極nice👍🏻- 生燒豬頸肉飯：飯食左幾啖先影🤭🤭豬頸肉燒得好好食！飯有泰式辣醬 酸酸辣辣幾開胃- 雞扒半件+墨魚春卷雞扒好食 個皮燒得香口而肉都仲嫩不過對比下我偏愛豬頸肉🤭墨魚春卷幾得意 不過如果有醬點下就好了-雞泡魚乾平時食開日式有沙律醬 今次無所以相對較乾但燒得好香！都係好食既！-雞軟骨串無醬但香口唔太咸 不過不失！飲品叫左可樂同菊花薑蜜————————————————————總結：第一次試泰式串燒雖然醬料唔多 但好有燒既香味同燒得岩岩好最重要係服務態度好好 兩個staff都好nice價錢都合理 會再返去幫襯💛

突然間諗起一間前排食過大角咀嘅美食餐廳，所以分享一下！呢間野係朋友介紹，佢心血來潮話要帶我食好嘢，所以就嚟咗呢一間門面睇落去比較細，其實都有啲難搵，一個唔注意就會skip咗！但係香味就好遠都聞到👍🏻👍🏻 入到去，位置唔係太多！但係已經坐滿，聽佢哋交流，似係熟客~ 感覺人情味幾重既鋪頭我哋坐咗係出面~ 本身仲諗緊食啲乜嘢，老闆就主動介紹自己拿手菜，我就叫左燒豬頸肉，燒菠蘿同埋一啲串燒，加特製飲品，因為老闆話特製飲品超級好味，好多人飲完都話好飲因為餐廳老闆自己一腳踢，所以等得比較耐，等咗大概20-30分鐘左右，終於有得食~燒豬頸肉真係冇得頂~ 外面好趣，但係裏面嘅肉都唔會好乾，一咬落去仲會有汁，燒得啱啱好，又唔會太窿，熱辣辣送飯超級有風味~ 燒菠蘿果然係招牌，非常甜，燒完食落都好多汁 仲有推介嘅飲品，都係好用心，好有誠意，睇落去好似啤酒，但飲落唔多似啤酒！好似有果汁，調得非常之好~不過我嫌杯野太少，仲想飲多啲

今次又有2個朋友生日，佢地又鐘意食海鮮又鐘食燒物，岩晒喇！老闆每次都好細心，幫我地安排好，先食海鮮後再食其他燒物。必食之選：燒鮑魚。朋友們個個都話好正好正。平時我地會每人一隻，今次想食多幾款不同野食，所以決定share. 大家爭爭下先好食仲有大蝦同扇貝都要必食，次次都好大隻，但係又唔會燒到好乾身！大家一路食一路叫好味。另外，咖哩蟹又係必食，朋友食左一啖，即刻要個白飯，唔好浪費左d 汁。另外的小食： 翠肉瓜，茄子🍆，菠蘿🍍，雞翼，啡菇，牛排羊排等。仲有我最愛飲的菊花密加soda ! 想啤啤佢的朋友，要自己買的酒去喇！記得要預早同老闆訂定海鮮！因為當日新鮮買架！

生日朋友話一定要食這間！老闆好細心，親子去街市入貨入靚海鮮！一去到老闆就比海鮮我地睇！勁新鮮！蟹膏多到呢！整咖哩蟹送飯一流！燒青口，不會太熟又保持到海鮮的鮮味！正呀！這個鮑魚係最最最好食，又有口感又不會太硬，我cool牙人士來說，一大正貨！再加左少少調味，又唔太咸！下次必定encore 唔夠飽，仲可以叫其他燒物。燒雞脾正呀！翠肉瓜是燒物必叫的！這個也不錯！價錢夠抵食！唔係日本菜，3小件幾十蚊！另外仲有老闆整的飲料同燒菠蘿，都超讚呀！大家想食海鮮要預早同老闆講呀

豬頸肉色香，肉嫩，味道濃。燒雞排配上自制的海南汁，回味，每一口前我都忍不住聞一下。由於是現做，必定需要等20分鐘以上的，但是用心，專心的燒烤，真的值得等。除了我，全部都是回頭客。

今晚諗住去大角咀揾野食,睇見一間小店,小店老板話經營了六年,老板介紹了一些食物,小店用了安格斯小牛排去燒烤,不但肉質美味加上老板的專業燒烤技術,完全冇得輸,另外燒了紐西蘭羊架,泰式汁燒石蠔,還有很多燒烤,所有食物不用加上汁醬內進食,完全帶出食材的味道,最後燒了件菠蘿,菠蘿的香甜透入心裡,簡直難以形容。老板話仲有燒海鮮私房菜,不過要預早book位,因為要買當日的海鮮,平均可做300-400蚊一位,其實真係食海鮮來計,也不算太貴,有機會約到朋友一定要來食一次。