小泰國 (已搬遷) 新店位置

小泰國位於大角咀一個極不起眼嘅地方，由旺角站行過去，大約10分鐘到!第一次試串燒私房菜，要預先同老闆訂位同預訂食物，我哋今次主要試燒海鮮，每款海鮮非常新鮮，最中意椒鹽海花蝦，仲有泰國小食啊👍🏻串燒店老闆是一人主理，煮嘢食、沖嘢飲、招呼客人、收錢，全部都係佢呀，招呼非常好，有時仲出嚟同我哋吹下水傾下計☺️食物質素同服務非常高質，其實好想私藏，好擔心太多人去食，就好難訂位🙈😂◭ 燒帶子～燒得啱啱好，好鮮嫩◭ 燒鑽石蜆 ～勁多汁，要飲埋d汁😂👍🏻◭ 燒刀貝～又係勁多汁，好鮮甜◭ 椒鹽海花蝦***推介必食，椒鹽勁惹味，超級彈牙嘅海蝦◭ 燒聖子◭ 燒鮑魚◭ 燒鱔◭ 海南雞～好滑身嘅海南雞，滑到筷子夾起都有啲難◭ 燒豬頸肉～粒粒豬頸肉，有咬口又好味◭ 燒菠蘿～又甜又多汁◭ 燒翠肉瓜～多汁又爽口◭ 洛神花梳打