川琦台日料理 (已結業)

今日口淡淡冇乜特別食慾 淨係想食飽啲醫肚仔呢一間係醫肚之選😊價錢經濟。食過兩三次都唔失望但係你話要強烈推介5**就未去到呢個層次😂俾佢平均總分三粒半星啦街坊生意，好過食茶餐廳又好過食100%或者食大X X 🤭佢嘅好處係嘢食係即刻整 夠熱，份量夠選擇多，有定食、炒飯麵、湯拉麵、等等。男見到隔籬枱杯凍奶茶係用金屬冰杯，好似幾正可惜我唔飲凍奶茶 😄 下次叫男朋友試吓先♥️

中午大約12:45來到，只剩下兩張四人枱及一張六人枱，幾乎坐滿，有一半都是中學生。照燒雞扒拉麵有很多粟米和雲耳作配菜，喜出望外🍜 生薑汁燒豬頸肉飯有很多子薑🍛，朋友點了少飯、飯量剛剛好但有點硬。凍百香果綠茶及熱香芋珍珠都很好喝😋🥤☕️

剛才諗住用八達通買外賣,點完佢按緊,已話用八達通,佢話手快快按左,問我有冇現金,我話冇,佢問另一個姐姐點算,個個姐姐話冇法,叫我去攞現金咪得囉！我呆左一陣,我再講我想用八達通喎！咁我話唔要喇!佢立刻叫廚房唔煮,我諗住佢會再入比我,點知佢叫我走,我話我想買喎！係度等..佢話你未比錢架麻!!得架喇!!!咁我唯有走人,去第二間買,我仲諗住見佢少人幫襯,專登幫襯佢,點知態度咁差,以後都唔幫襯佢!!!

2 日都係屯門工作，lunch 行過見到呢間店就決定試下呢間係主打日台料理有拉麵、定食，滑蛋飯等都幾多選擇而且仲包$18 蚊內嘅飲品黑椒牛柳絲炒烏冬 $60本身好鐘意食黑椒牛柳絲 , 黑椒幾多，好夠味，烏冬份糧唔小，一個人食好夠仲有啲蔬菜！泡菜豬頸肉炒烏冬 $60本身係炒拉麵，但個人真係好鐘意食烏冬，都係轉配烏冬！泡菜嘅香辣好夠味， 豬頸肉都幾多而且好大塊又唔會肥膩😜 呢個烏冬十級推薦！超級好食😆泡菜同烏冬真係幾夾😄配珍珠奶茶可以一個烏冬加珍珠奶茶 $60 ,真係好抵食珍珠奶茶雖然茶味差啲，但珍珠夠煙韌算不過不失！

今日去川崎食，叫左個午餐，黑醋煙鴨胸炒意粉，酸酸地，好開胃，好好味，但分量一般，唔大食都夠飽，另外跟餐包飲品，我叫左柑桔薑茶，天氣凍凍地，飲返杯薑暖胃最適合不過喇

星期日唔想出街，訓到3點，落街食野，呀仔又想玩，所以行去新屯門中心，一上到商場，經過川崎唔洗等位就坐低，我地叫左一個咖哩飯，拉面餐配多士，下午茶黎講算豐盛，味道唔錯，埋單價錢還可，$99另外一提，我地坐係餐廳較入位置，冷氣較大，去食都記得要帶返件外套

工作需要，有時會係屯門返工，整體黎講，屯門區小店選擇比較多。今次同事揸車，去咗新屯門商場食，見有幾間差吾多既餐廳就隨便入一間試試。 午餐menu大概有4至5款, 餐牌亦有數十款可供選擇配飲品只需補差價。今次嗌咗L1漢堡，整體份量相當夠， 配有薯條及雜菜。漢堡包包皮略嫌乾咗少少，可能因為冇乜醬料，牛肉尚算可以，連珍珠奶茶60蚊，可以話係物有所值！p.s. 商場滿一百大元可以免費泊車，下午12點去食，到1230左右已經滿座鳥。可以既話午餐早少少去吾洗排隊

川琦 台日料理 就在家附近新屯門中心，今天想去這商場吃...晚餐$98 紐西蘭穀飼肉眼（8 oz ）配意粉，伴菜： 黃/ 青椒、茄子🍆嫩肉，煎 剛剛好，味道不錯！雜錦海鮮炒烏冬 $60 洋蔥、椰菜、帶子粒、蝦、蜆肉蟹柳、蘑菇片、魷魚份量頗多，飽... 滿足 番薯天婦羅 $26 是普通黃色番薯，味道一般沒叫飲品，奉上水 埋單 $184

平時都有幫襯開，野食係ok，但係啲員工真係好唔得。大部分店員次次都好無禮貌，食物質素好參差，啲野飲成日都會好難飲，試過有一次，杯野飲好淡無味，同平時飲開既唔同，想換過一杯佢又話唔比，係咁問我杯野究竟有咩問題，最後只係入一入廚房求其加咗啲糖水落去，之後攞出黎仲要話返我轉頭，話咩嗌咗冇得再轉， 面口又窿，今晚去姑姐咁問題。仲成日落錯單話係我嗌錯，嘢食又唔係平，唔淨只係呢幾次，服務真係好差，建議大家如果唔想受氣就千祈唔好行入嚟。

🔻川琦台日理料做完運動攰攰地求其係商場搵間餐廳醫肚💁🏻‍♀️呢間台日理料食物款式都幾多選擇😯.咖哩煎和牛漢堡飯🍛和牛漢堡煎得好香又吾會太乾日式咖哩汁夠香濃 整體配搭不錯😛.香煎豬扒肉燥飯定食🍱肉燥份量可以撈晒成碗飯加埋酸菜涼拌送飯係幾唔錯👍🏻不過豬扒醃得唔夠味 而且煎得有D乾🙅🏻‍♀️

朋友成日話佢呢度嘅早餐好好食，今日就特登嚟一試星期六既朝早都幾多人都要等下位先有得食早餐選擇幾多掙扎左陣食麵定食脆豬包好，食麵就多嘢食啲，但食包又特別啲喎如果有個餐係有包同有麵就好啦想食個豐盛嘅早餐所以就揀咗公仔麵，下次再試佢個包沙嗲牛出前一丁拼煙肉炒蛋配牛油多士 $31好豐富嘅一個早餐連埋凍檸茶都只係$31，經濟又實惠質素就係普通茶餐廳咁嘅質素，沙嗲唔濃郁，牛肉又有少少鞋每樣野都唔難食，不過不失咁絕對對得住個價錢$31一個餐，咁多嘢食連凍飲就真係好抵食📍超主觀+有偏見評分 (5為最多)📝📃hunger(食物🤤/🤮): 🤤📃anger(感覺🥰/🤨): 🥰📋hangry(整體🤬/😟/😛/🥳/😍): 還可以😛

佢個名改做台日料理真係冇錯，因為又真係有台式，例如肉燥飯定食同珍珠奶茶；日式就有拉麵同烏冬，仲有好多唔同小食比大家選擇。尼間店係做附近嘅街坊生意比較多，價錢唔貴，食物都唔差咖。今次同屋企人每人叫左一個唔同既主菜：香辣雜錦海鮮炒烏冬、香辣牛柳粒炒飯同埋泡菜雞絲涼麵。佢尼到既麵食都好新鮮，唔會話上菜已經凍左，不過就要等一排先會上。至於佢既綠茶都好飲，不過晚市唔係免費送，所以都係加左一杯就算。

在川崎餐廳食午餐~餐廳主打日式 台式食品40多元一個Lunch set 都算抵食~~餐廳環境唔錯 餐廳裝修令人感到好舒適我地點左兩個set 第一個係黑醋煙鴨胸炒意粉第二個係咖哩和牛漢堡扒飯黑醋煙鴨胸炒意粉的意粉係天使麵~ 肥瘦適中的煙鴨胸加上黑醋香味 令人感到十分開胃不知不覺就食完一盤意粉 咖哩和牛漢堡扒飯咖哩味濃 有少少辣味 配飯好好食仲有兩杯餐飲lunch set 可以配價值16元的飲品 可以有奶茶咖啡等等 當中仲有珍珠奶茶可以選擇跟餐都可以有珍珠奶茶飲 感覺好滿足

呢間川琦台日料理自開張以來真係愈做愈差， 上次同屋企人落樓下食飯， 叫咗一個五香牛肉飯同埋一個卡邦尼意粉， 牛肉非常硬硬到咬唔開， 牛肉又有無乜味道，只係肉燥飯嘅肉燥叫做有d 味道，屋企人個卡邦尼意粉仲衰， 佢居然可以用個碗嚟上，似公仔麵多過似意粉， 咁味道亦都非常嘔心，忌廉味太過火，感覺只係一堆白汁嘅難食意粉

已經好耐無食過港式早餐今日就特登過左黎食~嗌左一個沙嗲牛肉麵, 火腿奄列同多士既早餐麵係出前一丁黎既~ 唔洗另外加錢仲有凍飲都唔洗加錢添呀!!未諗過而家仲會有餐廳凍飲係唔洗加錢咖埋單一個餐都係$31 , 好抵食~下次再黎試埋啲午餐晚餐先