樂滿餐廳 (已結業)

今日去咗博物館，行咗三個鐘，於是去佐敦站附近睇吓搵唔搵到好嘢食，係橫街見到呢一間貌似屋村茶餐廳嘅樂滿，想食啲地道風味，係門口睇吓餐牌，見到下午茶餐都係廿零三十蚊 ，今時今日香港，仲可以去邊度搵到呢個價錢嘅茶餐，望吓仲有吉列豬扒/魚柳拼沙律：薯條，當然入去試吓啦。坐低叫咗吉列魚柳拼沙律，等咗5至10分鐘，上枱見到碟吉列魚柳，當堂話一聲，大件夾抵食，魚柳啱啱乍起，卜卜脆，香噴噴，切開入邊仲好juice,沙律都唔錯，雖然用罐頭雜果做沙律，但係成本都唔平，因為唔會加咗大量薯仔紅蘿蔔入去，伴碟仲有塊新鮮嘅蕃茄同幾條生菜絲，有啲高級餐廳嘅擺盤， $32可以食到好食又抵嘅茶餐，真係要俾個5⭐️⭐️佢。

Came by for a quick breakfast. This place has a steady trickle of customers who seem like regulars.The place is small and not very clean, with toothpicks on the floor that seem to have been left there for some time.There are several breakfast sets available, and I get the most basic one, which is a choice of noodle plus breakfast topping, with a hot drink ($31). I get the luncheon meat on rice vermicelli with a hot milk tea.The bowl came all piping hot with freshly fried pieces of luncheon meat

請大家避開。劇透：曱甴。我今日做咗成一日嘢，忙到午餐都冇機會食，終於放工衝返屋企搵野食。我返到佐敦諗住搵吓屋企附近有啲咩餐廳未試過。去到廟街就見到呢間，決定去嗌外賣。望入去覺得有啲污糟，但係又勁肚餓，想快啲食嘢，又落雨唔想周圍行。睇完餐牌決定食河粉。拎返屋企準備開飯嘅時侯，開盒就見到有一隻死曱甴浸住喺啲汁入便。隻曱甴有成寸咁長。好彩仲未擺入口度。勁核突，好想嘔。已經抌咗成盒嘢，但係仲心有餘悸。大家如果你身處喺佐敦要搵嘢食，千祈唔好冒風險喺呢間食嘢。

<超抵下午茶>😍🍴炸魚柳沙律 19 蚊呢間喺佐敦站廟街既茶記係好舊式嗰款 有卡位 中間仲會有 d圓枱 上面開住舊風扇 應該都起碼開左廿幾三十年 . 見到 openrice都幾多負評 但好肚餓諗住求其食個下午茶算。又冇想像中甘差😂 而且 19 蚊 好抵 凍飲加兩蚊 都 ok啦！ 魚柳可能啱啱炸起 所以香脆熱辣入面軟熟🐟 點埋沙律醬個人覺得 都唔錯 😃沙律都落足料 有蘋果薯仔 奇異果 青瓜等 🥒🥝🍎都幾豐富 19 蚊黎講好抵食 👍🏻#炸魚柳 #沙律 Score 平均分 <7.2/10>Taste 味道：👍🏻👍🏻👍🏻Present 外觀：👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#樂滿餐廳佐敦廟街 263 號地下~~~~~~~~~~~

體驗很一般。。因為離公司近，而且附近餐廳提供早餐的不多，於是選擇這家。剛去時，裡面有些人，以為應該不會很差。點了雙拼三文治，剛叫沒多久想加一個烘底，於是問可不可以加。服務員看了眼說不行了，已經做好了。我想這也太快了，才1分鐘不到。一會兒之後就拿到了點的三文治。這麼快就好了有點詫異，拿上來吃了之後才發現，裡面是冷的，牛肉和番茄感覺剛從雪櫃拿出來的。。外面的麵包也是冷的。。非常無語。。以後應該不會再選擇這家了。

平時行過見到呢間餐廳好多人 ,今朝可能時間比較早見冇乜人,睇吓個價錢牌比起附近啲餐廳較平,就入去試吓,入面啲裝修比較舊,燈光稍為陰暗, 睇完餐牌之後, 就叫左個牛扒米線同凍檸茶,牛扒冇牛扒味, 凍檸茶冇檸檬味,都好失敗牛扒米線+凍檸檬茶 $30

Openrice 搜一下, 無笑臉, 而且有3個喊臉. 哈哈, 因為太耐無食”咸蛋肉餅飯”了, 就係唔信邪, 係要入去試試.午餐六款, 其中一款就是: ”咸蛋肉餅飯”, 上檯時, 已失望, 咸蛋是入貨式”單蛋黃”貨式, 一小塊在面, 肉餅也不好, 應該肥肉太多, 又落了太多醃粉, 入口軟淋淋. 全無肉質感覺.唯有白飯算是合格貨式, 夠熱, 無濕, 無一舊舊, 粒粒飯身無爛.菜乾湯材料, 質感超韌, 咬不入口, 唔知咩嚟?凍奶茶, 少甜, 無奶味, 無茶味, too bad....

同波友係佐敦打完羽毛球 就腳係附近食個TEA散隊門面看來幾企理 其實店內陳設頗舊水 同暗淡各自點了一份餐 價錢不太貴 份量一般..叉燒粗湯麵 麵幾爽口 嫌叉燒得3片 少得過份黑椒腸仔豬扒飯 賣相極差 食落味道不差 豬扒都算鬆化另跟羅宋湯 料多 但用茄膏溝成.. 牛肉炒意 味道剛好 牛肉偏淋魚柳拼沙拉 魚柳炸得夠香脆 肉質滑無腥味餐飲'熱華田OK 奶茶味道幾適中 咖啡有酸味 凍檸茶 茶香少甜OK

是日又要抄佐敦之路上深圳. 為何老是揀佐敦大家都知. (方便搵野食嘛). 是日時間有限, 就爽脆地找一家就腳既茶餐廳, 快快醫肚餓.來到一間叫做樂滿的茶記. 看見快餐$28一份. 感覺非常之抵食. 便叫了一個蒜蓉雞扒, 而且套餐有湯有飲品. 始終要係係呢D舊區才找到咁既價錢.湯同飯基本上是一齊來. 紅湯看來足料, 有西芹, 有紅蘿蔔, 味道又夠濃夠辣. 不過檯上欠了胡椒粉就差了少許. 這一餐總算有一個叫做可以既開始.蒜蓉雞扒.......塊雞扒完全過唔到......因為塊雞扒係冇煎過架.....!!!!! 份量雖然都幾大下, 雞扒亦有醃過. 不過, 像是一大煲煮熟的, 不是煎香的雞扒肉. 香口欠奉. 而且個蒜蓉汁.....上次食個暗只是勁蒜, 但起碼有味道. 呢個蒜蓉汁, 完全沒有taste唔到味道, 用此汁來撈飯, 感覺似用蒜蓉來撈飯一樣. 只有蒜味, 沒有豉味, 沒有咸味, 沒有其他任何味道. 只是蒜蓉而已.我食唔哂碟飯, 不是因為份量太大. 而是難食到我吃不下去.......食哂兩塊所謂的雞扒就算........

我幫襯過3次, 2次外賣, 一次堂食, 2次是早餐, 一次是午餐早餐都普普通通, 無話好難食, 又無特別好食, 午餐的公仔麵都唔錯如評食的ok, 但評服務態度, 真係十個差那兒的女侍應好有問題, 第一次我買外賣早餐, 入面明明咩人都無, 都趕我出去等, 都算啦,見價錢同味道都ok, 第二次買外賣, 叫個麥皮三文治餐, 我都講左要抄蛋, 佢問抄蛋咩呀, 我咪話揀一樣嘛, 佢話... 0甘咪抄蛋羅, 仲要好呼喝個隻, 尤其係曲長髮個個女人但好其怪 ,佢地對住男客人就好有禮貎, 唔怪得個間野9成入座都係男客人啦...我去俾錢幫襯仲要唔係無禮, 頭2次都覺得偶然, 但第三次就真係唔駛旨意我再幫襯...

為左睇溏心，拿拿聲走左入來呢度，叫左兩個餐，都好banal。個雞煲好少雞，又油，豆豉鯪魚炒菜心d鯪魚好油，菜又老。呢度寫收１２點，其實收１０點，未食完就接晒凳趕人走，服務差到死，唔駛有下次。

早前食過廟街的「美新」不錯，今次行過對面的「樂滿」試試，原來差好遠！同樣是$25一客快餐，選了黑椒牛扒腸仔飯和芙蓉蛋飯，前者黑椒汁味道太淡，欠了黑椒的香辣，牛扒也只是無味的一塊肉；後者不過不失，可是那塊芙蓉蛋份量較小。連餐湯和奶茶也同樣令人失望：羅宋湯太甜，古古怪怪；已經少奶的奶茶還是喝不出幾多茶味。唯一滿意的是杯咖啡！