金滿多餃子店

營業中

休息中

【油尖旺區】【金滿多餃子店】同同事春哥相識多年，但係唔係咁多機會一齊食飯。適逢時間同地點許可，就搵埋佢一齊試呢間好多人都話唔錯嘅餃子店。咁點解無啦啦要試餃子店呢，又幾得意嘅，係有次無啦啦同春哥講開食嘢，佢就話佢中意食餃子喎。其實我都幾中意餃子，因此就促成咗今次呢餐。入到去發覺都幾光猛，進食嘅氛圍唔錯。餐牌大大塊，清清楚楚，印象幾好。我哋先試 $55 十隻嘅「芫茜牛肉餃」，本身係湯餃咁上，加 $2 轉煎餃，香口啲，春哥又中意嘛。個芫茜牛肉餃個餡幾大、幾足料，食落勁香芫荽味，因為就算係春哥食嗰陣，我都聞到啲餃陣陣芫荽味啊。而我哋接住試都係 $55 嘅十隻「麻辣白菜豬肉餃」，都有加 $2 轉煎餃，而佢都係好惹味，辣辣哋又唔會話太辣，好好食。加 $8 試「粉葛鯪魚豬骨湯米線」，無味精住家湯湯底，掂。再試碟 $13 嘅新鮮油菜「豉油菜心」，清清哋，一流。嘢飲方面春哥飲加 $11 嘅「檸檬水蜜桃綠茶」，我就飲加 $12 嘅「山楂雪梨茶」，都幾好，埋單 $158，唔錯啊。。。（地址：太子荔枝角道136號地舖）#1amfoodie #foodie #hkfoodie #thatfoodiething