Bugis@叻沙・海南雞飯 (已結業)

今日，5/8/2017, 去左屯門 V City揾食，剛巧見到有新開店(呢間舖位原先係越南菜舊店), 新加坡過江龍，一定要試下佢，係咪真材實料。我地叫了：新加坡海南雞飯 $68, 海鮮叻沙摻摻 $72, 午餐就包一杯檸檬薏米水 or羅漢果茶。新加坡海南雞飯：雞都算軟滑，但有雞毛，食落味道ok, 但未算好正，包中湯：冬瓜湯，ok啦。海鮮叻沙摻摻：有3隻蝦，3片魚片，3 件開邊豆卜，半隻蛋，有芽菜，內有半米粉+油麵。味道一般，湯底唔夠味道，奶多左d, 唔多有椰香味，還可以吧。材料真充足，可能就係咁，價錢都唔平。但過江龍黎講，係唔夠突出，無想像中咁好味。我未食過正宗新加坡的食物，但以呢間黎講，我唔太鐘意食。