影片
更多
2010-02-12
190 瀏覽
傳統菜都食過好幾間，今次就試下得龍，名就聽過好耐，亦有朋友黎過。4日前已經訂位，但係就唔記得訂野食，食之前1日打去，D單已經full哂啦…唯一個佛跳牆仲未fully book，照殺！菜式基本上是睇左食評先叫啲~花雕話梅豬手 - 花雕酒好濃，好香(我實在好鍾意花雕果種酒香味)，加上話梅果種酸酸甜甜，作為餐前小食，就最適合不過。佛跳牆 - 叫左個4人份量，都足夠我地7個人分，每人1碗啱啱好。如果自命係湯神啲就唔該order個大D架啦~湯啲味道濃郁，材料的精華完全溶響湯裡面個，賣相亦非常清澈，入口鮮又味，望下個碟湯渣先~有烏雞、瘦肉、金華火腿、花膠、海蔘、正淮山、螺頭、杞子…材料好豐富呀！古法太爺雞 - 味道特別，而且好入味，食落有陣好清啲茶燻味(好似茶葉蛋咁，但係冇咁濃烈)，以為咁入味，D肉就嚡口啦?又錯啵~D雞肉啱啱好，夠熟又嫩滑，燻過啲雞皮特別好食，配合埋雞肉啲黃油…嘩~膽固醇?咩黎架！?果然係得獎啲菜色，好味!呢個太爺雞今我想起我媽媽做啲油燻雞，我立即問番坐響我旁邊啲媽咪D味道似唔似，佢都話似呀~不過因為油燻雞啲烹調時間好耐，媽咪近呢10年都冇煮過啦~(我老公一聽到就立即叫佢整啦~因
菜式基本上是睇左食評先叫啲~
花雕話梅豬手 - 花雕酒好濃，好香(我實在好鍾意花雕果種酒香味)，加上話梅果種酸酸甜甜，作為餐前小食，就最適合不過。
佛跳牆 - 叫左個4人份量，都足夠我地7個人分，每人1碗啱啱好。如果自命係湯神啲就唔該order個大D架啦~湯啲味道濃郁，材料的精華完全溶響湯裡面個，賣相亦非常清澈，入口鮮又味，望下個碟湯渣先~有烏雞、瘦肉、金華火腿、花膠、海蔘、正淮山、螺頭、杞子…材料好豐富呀！
古法太爺雞 - 味道特別，而且好入味，食落有陣好清啲茶燻味(好似茶葉蛋咁，但係冇咁濃烈)，以為咁入味，D肉就嚡口啦?又錯啵~D雞肉啱啱好，夠熟又嫩滑，燻過啲雞皮特別好食，配合埋雞肉啲黃油…嘩~膽固醇?咩黎架！?果然係得獎啲菜色，好味!呢個太爺雞今我想起我媽媽做啲油燻雞，我立即問番坐響我旁邊啲媽咪D味道似唔似，佢都話似呀~不過因為油燻雞啲烹調時間好耐，媽咪近呢10年都冇煮過啦~(我老公一聽到就立即叫佢整啦~因為我honey都未食過…嘻~)
砵酒焗桶蠔 - 賣相就真係一般啦，而且價錢我覺得高左少少(好似$178，仲得果6隻咋)。但味道方面又的確好味啵~砵酒味好濃，外層做得好香，個汁收到啱啱好，當一啖咬落去果陣，蠔啲鮮味立即充滿響口腔埋，配合生菜一齊食，口感頓時清爽，一D都唔覺得油膩，仲想食多隻添，不過得果6隻…份量少D囉…
蝦籽柚皮 - 點講好呢…柚皮一D苦澀味都冇，又夠厚身，而且煮到好軟綿綿，個芡有味，但係就入唔到落個柚皮到，而且個蝦籽既唔鮮，又唔香…冇咩味道可言…失敗
山揸咕嚕肉 - “埋飛佛”~當然要試啦！酸甜味啱啱好，唔係果D一入口就酸死果隻，個芡汁完全黏住粒咕嚕肉，而隻碟底係唔多汁啲，炒功一流，脆漿都OK(唔係話佢唔好，不過我食過更好啲，係拔絲咕嚕肉…真係諗起都想食)~如果可以再用靚D啲肉排會更好，(一層肥一層瘦果D呢~)因為我一咬落去就係肥肉，感覺當堂膩哂~
雞蛋焗魚腸 - 我唔食魚腸，不過我媽咪同我honey就話一D腥味都冇，而且仲有D粉絲、冬菇粒同火腿粒，見到佢地食完又再添，應該好味啲~不過我honey食食下至問”乜冇油炸鬼啲?” 話雖如此，佢地依然清哂囉…
蝦多士 - 油左D，同埋好淡口，用D甜酸醬非沙律醬黎點…唔得，都係太子鳳城出色好多~
瑤柱扒豆苗 - 好細碟，賣相唔得，味道一般啦~
壽包 - 估唔到呢樣係先家製啲，D蓮容唔係太甜，OK啵~
紅豆沙 - 個紅豆沙起沙兼有陳皮香味…得！
杞子桂花糕 - D桂花唔靚，有D仲刺到我個口腔…no good！
整體上，食物質數都OK，但係環境同衛生方面就有好大啲改善空間，地下非常滑，滑到我唔敢用佢地啲洗手間，因為樓面都”咁乾淨”… 洗手間唔方乾淨得去邊。侍應啲服務態度就一DD啦，可能有幾個係老伙計…態度就差D囉。
一試都無妨啲~
張貼
