隨意饌 (已結業)

好多時去尖沙咀睇戲都臨急臨忙食嘢,之後趕住上戲院,當我每次都咁匆忙嘅時候,我就會拉朋友一齊嚟呢間拉麵店食嘢,呢間拉麵店位置比較唔起眼,所以有時都會行過忽略咗,但其實呢間真係不錯,一個套餐可以簡拉麵或者烏冬配一客餃子,而且佢會畀一個綠茶茶包,熱水任加,落咗order之後仲會好快就有得食!!今次我同朋友又係趕住去睇戲所以又嚟咗呢間度食烏冬,睇左一陣menu,我簡返我最愛既蒜白麵豉湯叉燒烏冬定食,朋友就簡左豚骨湯叉燒烏冬定食,因為呢度可以揀拉麵又或者揀烏冬,對於我哋呢啲烏冬控實在太好!!叉燒軟硬適中口感幾好,餃子唔太油又唔太林好好食,食咗咁多次水準都一樣咁好!!