豆漿大王

營業中

休息中

Item: 豆漿大王
Rating: 4
Author: HoChingWONG1412

3.5

257 食評

味道

環境

服務

衛生

抵食

17437

新蒲崗

$50以下

滬菜 (上海) 粉麵/米線雲吞/餃子中式包點

135

HoChingWONG1412

等級2

原來呢間豆漿大王竟然係米芝蓮獲獎餐廳，今日即管試一試佢。門面噏耷，入去成排都係人，非常逼夾。店員服務都算可以，即刻俾到位我哋，可惜凳上有油漬，抹過先敢坐😂。有潔癖嘅要留意吓啦。🔎釀豆腐上海麵魚肉釀豆腐熱辣辣，又香口。諗佢唔到配料菜莆都好多。🔎肉鬆奶脆多估佢唔到超級爆炸好味，肉鬆足料。所謂嘅奶脆多即係炸銀絲卷，菜式非常有諗頭。🔎熱豆漿用碗裝夠晒正宗，冇糖糖糖！大家可以酌量加返少少糖，本人就鍾意原汁原味黃豆味嘅。總結//兩個人食平均每人都要$60左右。雖然環境逼夾，但應該會再encore，試吓佢出名嘅粢飯❤️

原來呢間豆漿大王竟然係米芝蓮獲獎餐廳，今日即管試一試佢。門面噏耷，入去成排都係人，非常逼夾。
店員服務都算可以，即刻俾到位我哋，可惜凳上有油漬，抹過先敢坐😂。有潔癖嘅要留意吓啦。

🔎釀豆腐上海麵
魚肉釀豆腐熱辣辣，又香口。諗佢唔到配料菜莆都好多。

🔎肉鬆奶脆多
估佢唔到超級爆炸好味，肉鬆足料。所謂嘅奶脆多即係炸銀絲卷，菜式非常有諗頭。

🔎熱豆漿
用碗裝夠晒正宗，冇糖糖糖！大家可以酌量加返少少糖，本人就鍾意原汁原味黃豆味嘅。

總結//
兩個人食平均每人都要$60左右。雖然環境逼夾，但應該會再encore，試吓佢出名嘅粢飯❤️