滾得棧

營業中

休息中

天氣又變凍最岩打邊爐！🥘（不過其實都唔關天氣事😝）係深井嘅《滾得棧》開左好耐但keep 住好多人，原因係佢嘅質素保持得好！佢有好多湯底俾你揀，之前試過醉雞都幾好，今次就試胡椒豬肚湯，胡椒味夠勁，又多豬肚！配料就一定要叫手切牛頸脊，肉質好嫩又有牛味，例牌都夠三人用。四寶手打丸好彈口，魚餃細細粒但口感好，雞子大粒又新鮮，總括來講食物份量足又幾好味！座位都好寬鬆又唔會催人走，不過星期五六就會好多人，可能要等位。