影片
更多
2018-03-23
3263 瀏覽
呢間食店又係一路收藏左好耐都未去食，因為佢係要多人嗌餸食飯先抵，而且又要book枱，要好難得先約齊咁多人唔甩底去食👯👯 偏偏就俾我遇到呢個機會，一行九人有男有女唔嫌佢位置唔近地鐵站，終於去左食🤤我地叫左砵酒焗桶蠔、蝦多士、啫啫芥蘭、大良炒牛奶、魚湯肉碎浸翡翠苗、椒鹽鮮魷、馳名得龍燒鵝皇、原籠金蒜糯米蝦飯，可能仲有不過唔記得影相～🐚砵酒焗桶蠔無記錯係一人一隻，或者有一兩個人可以食多隻。每隻都超大舊而且個味係超濃既，可以用下面啲生菜包嚟食，好惹味然後個蠔唔會有腥味🍞蝦多士都係佢其中一款招牌菜，食咗就覺得真係值得一試！完全唔油膩而且成塊野都超脆，如果蝦肉可以大舊啲就好啦（忍唔住食晒先影）🥗啫啫芥蘭原來都係多人會order既菜色，我自己本身鍾意食啫啫既配塔，因為個汁好惹味，呢碟菜都唔例外🍶大良炒牛奶唔係到到都有得食，有得食又未必煮得好食，但呢度就唔同啦，個炒牛奶好滑而且唔會無味，煮出嚟亦都唔會太杰，成道菜好適中好岩食🐟魚湯肉碎浸翡翠苗就正正常常，個魚湯撈埋肉碎成個味道好鮮好清新🦑椒鹽鮮魷就係去到邊都一定會嗌嘅！一個好味嘅椒鹽鮮魷除咗啲炸粉唔可以太厚之外，魷魚亦都唔可以韌，要煮嘅時間拿捏得好先至
我地叫左砵酒焗桶蠔、蝦多士、啫啫芥蘭、大良炒牛奶、魚湯肉碎浸翡翠苗、椒鹽鮮魷、馳名得龍燒鵝皇、原籠金蒜糯米蝦飯，可能仲有不過唔記得影相～
🐚砵酒焗桶蠔無記錯係一人一隻，或者有一兩個人可以食多隻。每隻都超大舊而且個味係超濃既，可以用下面啲生菜包嚟食，好惹味然後個蠔唔會有腥味
砵酒焗桶蠔
50 瀏覽
0 讚好
0 留言
🍞蝦多士都係佢其中一款招牌菜，食咗就覺得真係值得一試！完全唔油膩而且成塊野都超脆，如果蝦肉可以大舊啲就好啦（忍唔住食晒先影）
蝦多士
48 瀏覽
0 讚好
0 留言
🥗啫啫芥蘭原來都係多人會order既菜色，我自己本身鍾意食啫啫既配塔，因為個汁好惹味，呢碟菜都唔例外
啫啫芥蘭
38 瀏覽
0 讚好
0 留言
🍶大良炒牛奶唔係到到都有得食，有得食又未必煮得好食，但呢度就唔同啦，個炒牛奶好滑而且唔會無味，煮出嚟亦都唔會太杰，成道菜好適中好岩食
大良炒牛奶
52 瀏覽
0 讚好
0 留言
🐟魚湯肉碎浸翡翠苗就正正常常，個魚湯撈埋肉碎成個味道好鮮好清新
魚湯肉碎浸翡翠苗
52 瀏覽
0 讚好
0 留言
🦑椒鹽鮮魷就係去到邊都一定會嗌嘅！一個好味嘅椒鹽鮮魷除咗啲炸粉唔可以太厚之外，魷魚亦都唔可以韌，要煮嘅時間拿捏得好先至出得街。就咁睇幅圖都知道呢碟椒鹽鮮魷有幾好食啦
椒鹽鮮魷
39 瀏覽
0 讚好
0 留言
🦆馳名得龍燒鵝皇真心名不虛傳，啲肉係嫩既咬落去會分開，成個烤肉味出左黎，一咬落去就連埋脂肪同少少汁咁散發係個口到，真係好正，撈埋白飯真係一流😛
馳名得龍燒鵝皇
58 瀏覽
0 讚好
0 留言
🦐原籠金蒜糯米蝦飯要同大家講係必嗌既。雖然要到更多人推薦蟹個款，但係因為學生哥銀彈有限，唯有叫平啲呢款，但結果都係咁正。啲蝦同蒜味已經入哂落個飯到，啖啖都係充滿住鮮味，亦有啲蒜粒係到撈埋一齊食仲正
原籠金蒜糯米蝦飯
47 瀏覽
0 讚好
0 留言
呢度啲人都幾好，我哋成班食晒飯都傾左好耐，啲人都冇話趕我地走，雖然我哋最後都有自動自覺～ 個地點雖然唔近地鐵站，不過附近都好多巴士小巴出返去第到。極度推介比一大班朋友黎食，尤其係啲姨媽姑姐親戚黎食應該會好滿意☺️
張貼
