影片
更多
2021-12-22
1890 瀏覽
2021年接近尾聲，12月除左慶祝聖誕節外🎄，仲有傳統節日冬至前幾日就同屋企人去左食半自助晩餐做冬❄️半自助晚餐由夜晚六點半開始，食到九點半🍽️成人每位$518， 滿65歲長者每位$498用APP訂座仲有85折優惠👍🏻今日先介紹一下主菜～主菜嘅款式唔少，魚素者都可選擇唔同海鮮菜式🐟🥬但可惜無全素菜式😌當晚我地仲加左$312（四位）,可以一齊free flow紅白酒🍷🌟澳洲穀飼牛肉眼扒🐮肉眼扒油花豐富，口感軟腍而且肉味濃，肉汁亦好多，最適合配紅酒～以呢個價黎講，份量十足，性價比高🌟薑蔥蒸石斑🐟石斑份量比想像中多，可以大家開心share條魚肉夠厚，但仍保持肉質滑溜、細嫩，味道鮮美骨唔多，小朋友、老人家都食到👦🏻👴🏻🌟威靈頓鴨肝配澳洲穀飼牛柳🐮屋企人話聖誕係要食下經典嘅威靈頓牛柳，所以揀左呢道主菜牛柳口感嫩滑，加入鴨肝後更加香外層酥皮酥脆，夠曬牛油香，又令口感更豐富🌟法國鴨胸甜酒黑櫻桃🦆通常食法式鴨胸時，我都會配搭橙醬汁🍊貪佢酸甜中帶一Ｄ苦澀，唔會太甜今次配櫻桃汁帶酒香🍒甜度啱啱好，解去鴨嘅油膩肉質扎實，無一般鴨肉嘅腥味，不過稍嫌有Ｄ overcook再介紹一下自助餐嘅部分～🍽️先講講海鮮，今次選
前幾日就同屋企人去左食半自助晩餐做冬❄️
半自助晚餐由夜晚六點半開始，食到九點半🍽️
成人每位$518， 滿65歲長者每位$498
用APP訂座仲有85折優惠👍🏻
今日先介紹一下主菜～
主菜嘅款式唔少，魚素者都可選擇唔同海鮮菜式🐟🥬但可惜無全素菜式😌
當晚我地仲加左$312（四位）,可以一齊free flow紅白酒🍷
🌟澳洲穀飼牛肉眼扒🐮
肉眼扒油花豐富，口感軟腍
而且肉味濃，肉汁亦好多，最適合配紅酒～
以呢個價黎講，份量十足，性價比高
🌟薑蔥蒸石斑🐟
石斑份量比想像中多，可以大家開心share
條魚肉夠厚，但仍保持肉質滑溜、細嫩，味道鮮美
骨唔多，小朋友、老人家都食到👦🏻👴🏻
🌟威靈頓鴨肝配澳洲穀飼牛柳🐮
屋企人話聖誕係要食下經典嘅威靈頓牛柳，所以揀左呢道主菜
牛柳口感嫩滑，加入鴨肝後更加香
外層酥皮酥脆，夠曬牛油香，又令口感更豐富
🌟法國鴨胸甜酒黑櫻桃🦆
通常食法式鴨胸時，我都會配搭橙醬汁🍊
貪佢酸甜中帶一Ｄ苦澀，唔會太甜
今次配櫻桃汁帶酒香🍒甜度啱啱好，解去鴨嘅油膩
肉質扎實，無一般鴨肉嘅腥味，不過稍嫌有Ｄ overcook
再介紹一下自助餐嘅部分～🍽️
先講講海鮮，今次選擇唔多，無以前有嘅長腳蟹、麵包蟹🦞
只有好普通蝦🦐青口、奄仔蟹🦀螺🐚瀨尿蝦
不過奄仔蟹蟹膏飽滿，值得一試
刺身有吞拿魚🐟三文魚、希靈魚、魷魚🐙甜蝦、鱆紅魚
可惜師傅刀功就麻麻🙈
每人會有一隻鮑魚直接送上枱
鮑魚口感彈牙，夠鮮甜，可以encore就好lu...
頭盤同沙律嘅款式好多🥗
有齊最基本嘅cold cut, cheese, smoked salmon等等🧀
當中日式蓮藕昆布沙津🥒、椰菜花燒牛肉沙律幾有驚喜
相當惹味，又夠健康
至於甜品方面，款式都有唔少，味道不過不失🎂
蛋糕亦配合埋聖誕氣氛🎄有樹頭蛋糕等🍰唔會太甜
另外亦有haagen dazs盒裝雪糕，有6款口味🍦
除左自助餐菜式之外，每晚都有搖鈴環節🛎️廚師即席烹調唔同熱食
當晚就有酒燒大蝦、香蒜白酒煮蜆、Carbonara、擂沙湯圓
廚師會將意粉倒入原個半溶芝士輪，意粉芝味撲鼻🍝
意外地擂沙湯圓唔hea🍡
外皮夠煙韌軟糯，入面黑芝麻餡亦有流心效果，而且甜度適中
自助晚餐食物Refill快，無空盤出現過
值得一讚係職員嘅態度👍🏻全部都好有禮貌，收碟速度都好快
餐廳坐位都闊落舒適，適合一家人去
張貼
