祥榮餐廳

營業中

休息中

以前成日經過呢間茶餐廳，總係覺得佢暗暗沉沉，所以雖然係正黃埔站出口好方便，但係都冇特別想入去食。 直到最近發現佢全新裝修完全光猛晒，價錢唔貴，又多卡位， 感覺幾舒服， 所以就專登去幫襯吓啦🥣。🌟 古法蒸馬友🐟佢有好多款魚，同埋有唔同嘅整法俾你自由配搭。 馬友肉質嫩滑而且大條多肉💫🌟 XO醬西蘭花炒花枝🥦餐廳好細心，因為蒸魚需時， 餐廳等上左條魚之後先至上小菜同埋白飯，變咗啲餸唔會凍晒。上枱時熱辣辣， 花枝仲多過菜，超足料整體食物質素OK，唔會太鹹太味精，對於我哋呢啲無飯家庭🏠黎講有時唔想餐餐又煎又炸。 有時想叫下小菜蒸條魚食下，呢間茶餐廳都係一個唔錯嘅選擇。😍