影片
更多
2016-08-20
1149 瀏覽
又趁有團購試下呢間都幾就腳嘅餐廳。見佢對比起同一大廈嘅其他餐廳，好似冷冷咁，為食豬都冇咩特別期望。最後發現冇咩伏位，都算唔錯。團購餐好豐富，首先送上南瓜湯，沙律，同蒜蓉包(冇圖)。南瓜湯夠濃郁但都尚可，用咗黑醋調味嘅沙律菜都幾新鮮。為食豬鍾意蒜蓉包，雖然只係用一般嘅麥包，但烘得好脆。而蒜蓉醬似用新鮮蒜頭製作，好香。餐前小食係焗蠔，parma ham，同溫泉蛋。為食豬覺得焗蠔好味，半生熟嘅蠔好creamy又有海水味，連唔好蠔嘅為食豬都話正。parma ham 亦齒頰留香。呢個餐前小食係唔錯嘅但幾樣嘢完全唔夾。西冷要咗五成熟，切開的確係五成熟嘅效果。可惜塊扒肉質偏韌，牛肉香味比較淡。海鮮拼盤上枱時個樣都幾吸引，有魷魚，大蝦，煎帶子同煎魚。每一樣海鮮嘅味道都唔錯，可惜都有一個通病就係太有穫氣，微微嘅焦味蓋過咗海鮮嘅味道。飲品竟然可以揀一系列嘅手調咖啡，為食豬就揀咗凍熱薄荷朱古力各一。呢度嘅薄荷朱古力沖得唔錯，朱古力濃淡適中，而且薄荷味濃郁。甜品有焦糖燉蛋同new york cheese cake。焦糖燉蛋嘅焦糖太焦，變咗燶味。燉蛋亦唔夠香滑，整體一般。new york cheese cake
團購餐好豐富，首先送上南瓜湯，沙律，同蒜蓉包(冇圖)。南瓜湯夠濃郁但都尚可，用咗黑醋調味嘅沙律菜都幾新鮮。為食豬鍾意蒜蓉包，雖然只係用一般嘅麥包，但烘得好脆。而蒜蓉醬似用新鮮蒜頭製作，好香。
餐前小食係焗蠔，parma ham，同溫泉蛋。為食豬覺得焗蠔好味，半生熟嘅蠔好creamy又有海水味，連唔好蠔嘅為食豬都話正。parma ham 亦齒頰留香。呢個餐前小食係唔錯嘅但幾樣嘢完全唔夾。
西冷要咗五成熟，切開的確係五成熟嘅效果。可惜塊扒肉質偏韌，牛肉香味比較淡。
海鮮拼盤上枱時個樣都幾吸引，有魷魚，大蝦，煎帶子同煎魚。每一樣海鮮嘅味道都唔錯，可惜都有一個通病就係太有穫氣，微微嘅焦味蓋過咗海鮮嘅味道。
飲品竟然可以揀一系列嘅手調咖啡，為食豬就揀咗凍熱薄荷朱古力各一。呢度嘅薄荷朱古力沖得唔錯，朱古力濃淡適中，而且薄荷味濃郁。
甜品有焦糖燉蛋同new york cheese cake。焦糖燉蛋嘅焦糖太焦，變咗燶味。燉蛋亦唔夠香滑，整體一般。new york cheese cake做得比較好，面頭嘅一層帶有檸檬味，可以中和cheese cake嘅膩。
張貼
