天外天

原來尖沙咀，好難搵到可以飲早茶嘅地方 。我地仲要喺星期五晚先諗，更加已經book唔到，好在當日朝早打去天外天，攝到一圍枱俾我哋，真係萬分感激。入到去，超開揚，高級感滿滿，全部用落地玻璃，採用天然光，但因為正正中午時份，啱啱太陽照射，所以要落窗簾，變相感覺好暗。呢度啲點心好精緻，味道亦都好食，今次帶外國朋友過嚟食，全部都大讚，個炸雲吞嘅碟，好懷舊，佢哋好鍾意。尤其是灌湯餃，個別每人一碟上，好隆重其事😂另外員工們嘅服務態度真係一流，完全冇失禮我哋香港人，服務業需要好似你哋咁，要keep住！