匯景燒味點心館 (已結業) 查看

一入到去就冇人主動招呼你，但明明舖頭入面都冇乜客。企咗一陣就有人叫我哋隨便坐，我哋諗住叫點心就搵吓有冇點心紙，問一個比較後生戴眼鏡肥肥地嘅女職員，佢就黑口黑面咁隨手拎一張外賣紙叫我哋喺上面寫。到我哋寫完之後比另一個年長少少嘅女職員落單，佢就叫我哋寫返係張過咗膠嘅點心紙度，俾佢地點來點去，完全冇系統。叫完點心又無人主動比碗我哋（佢本身只係放低咗一個洗碗嘅兜，餐具同茶杯，因為有人會就咁叫碟頭飯）咁佢冇收+1服務費，我以為係要self service啦，又唔係喎，望一望隔離枱有乜都有齊晒，服務又殷勤d，黑口黑面個女職員都會有啲笑容。之後等咗半個鐘先有點心食，差啲仲以為漏單，我明即叫即蒸係要啲時間，但平時都頂盡都15分鐘姐。原來佢係一次過整晒成間鋪嘅點心order。嘢食黎講不過不失，但以呢個質素要我等咁耐寧願求其去點心店好過。