壹火鍋

今天晚上又在旺角，老婆最愛吃火鍋，她記得之前食過壹火鍋，她好喜歡只海鮮船，我就訂了位六點半，我們六點二十分到了，一出電梯已經見到要等位，好彩訂咗位，可以直入。我們揀了+$30刺身，另外+$59升級海鮮船。另外要麻辣/芫茜鴛鴦湯底打邊爐。刺身雖然選擇唔算多，不過都算新鮮，都係好食。😋😋😋海鮮拼盤成只船咁，內有半只龍蝦、帶子、大蝦、生蠔、珊瑚蚌、鮑魚、龍躉片、蟶子、貴妃蚌，所有海鮮都好新鮮👍👍👍，我覺得每位加$59係好低。火鍋配料我們點墨魚滑、鮮蝦滑、札肉、黑毛豬腩肉、白鱔、海中蝦、雪花肥牛、脆肉魚腩，我覺得白鱔、鮮蝦滑、海中蝦、肥牛好好味。醬料有十幾種，而我最喜歡都是柚子醋，因為點它可以吃多些。而飲品有十幾款，不過有種碧螺春的飲品，味道就唔係幾啱我飲。來這裡吃東西，記得訂位，因為我們走時，已經有很多人等位。