雞匠 (已結業)

係朋友介紹黎食，如果想食好西最好提早訂！由於食得太開心關係，我無影到相🙈，但就講下有咩令我非常愛。首先係雞皮！其實我唔多好食皮，但佢既雞皮真係食到我地停唔到口，一串幾塊，炸到卟卟脆，同啤酒一齊食簡直係完美！仲有炸魚皮，都係秒被清🤣🤣想講斧頭扒好大件好正，我地提早就訂左，一上枱果然😍😍😍非常大份，對我而言今日扒稍嫌多肥肉，易膩，不過其他人就食到唔停口🤣有另一推薦係牛舌！好味！超好味！本身我愛食牛舌，佢烤到岩岩好，口感極好，又係我地搶哂🤣🤣由於近來喉嚨唔舒服，叫左杯羅漢果茶，都幾好飲，微甘甜，飲落極為養生，唔錯！總結而過，都幾適合朋友聚會，但店好細，如多人一定要提早訂！想食好西可以訂時打去問下有冇咩好推🤤