影片
更多
2012-02-22
71 瀏覽
11月23日, 成日嚟到i Square都會經過呢度, 見到佢門口棟咗個餐牌都幾吸引, 不過就次次都過門而不入. 今晚終於有機會坐低試下, 座位有分外同內, 裏面有卡位梳化位, 出面就比較似café多d, 唔理咁多有位坐就得~::: Philly Cheese Steak ::: $98話晒呢個都係全店推介必食包, 我地梗係要試下~ 雖然英文冇介紹到係咩牛, 但係中文嘅費城芝士和牛柳包感覺用料好似好高級咁喎~ 有half同埋full兩個份量揀~ 我地揀呢個full嘅份量係足2人份! 個包好大, 用上法式麵包, 有外脆內軟嘅感覺~ 餡料都好豐富, 芝士有好濃郁嘅味道, 配上好重牛味嘅和牛柳一齊食又唔會互相搶味. 和牛係半肥瘦似肥牛帶有香濃肉汁, 略為燒得熟咗d, 生少少會更有肉味~ 除咗兩個主角, 仲有配菜好似洋蔥絲, 青椒絲咁, 既可以點綴一下, 亦可以帶出d蔬菜香甜爽口感, 仲可以中和下芝士同牛肉嘅膩~ yummy~ 跟餐薯角同一兜coleslaw沙律仔, coleslaw確實太細兜, 只有幾條椰菜絲同大堆沙律醬… 薯角都炸得幾夠火喉, 香脆得嚟啖啖肉, 唔錯~::: Carbona
::: Philly Cheese Steak ::: $98
話晒呢個都係全店推介必食包, 我地梗係要試下~ 雖然英文冇介紹到係咩牛, 但係中文嘅費城芝士和牛柳包感覺用料好似好高級咁喎~ 有half同埋full兩個份量揀~ 我地揀呢個full嘅份量係足2人份! 個包好大, 用上法式麵包, 有外脆內軟嘅感覺~ 餡料都好豐富, 芝士有好濃郁嘅味道, 配上好重牛味嘅和牛柳一齊食又唔會互相搶味. 和牛係半肥瘦似肥牛帶有香濃肉汁, 略為燒得熟咗d, 生少少會更有肉味~ 除咗兩個主角, 仲有配菜好似洋蔥絲, 青椒絲咁, 既可以點綴一下, 亦可以帶出d蔬菜香甜爽口感, 仲可以中和下芝士同牛肉嘅膩~ yummy~ 跟餐薯角同一兜coleslaw沙律仔, coleslaw確實太細兜, 只有幾條椰菜絲同大堆沙律醬… 薯角都炸得幾夠火喉, 香脆得嚟啖啖肉, 唔錯~
::: Carbonara ::: $49
Carbonara味道係唔係正宗就唔係太清楚, 但係味道就好似爭咁d, 只有煙肉、忌廉同芝士, 應該就係冇咗蛋香… 味道都算ok啦, 不過Carbonara汁跟長通粉嘅感覺唔係咁夾, 我會想食意粉多d. 但$49一份其實價錢好相宜~
終於一試, 漢堡包類確實係唔錯, 食物味道都幾好~ 但係服務要改善下, 個黑人姐姐仔語氣keep住都唔係咁老脾, 賣單又求其, 同自己店員講野都大大聲咁.
張貼
