影片
更多
2010-05-09
212 瀏覽
母親節, 問媽媽想去邊, 佢話想去D無咁多人,價錢唔會因節日MARK UP太多，又好味既地方食海鮮...~.~.......諗咗一陣，咁不如去試下容龍食ＬＵＮＣＨ啦， 講完既刻打電話ＢＯＯＫ位，果然，夜晚ＦＵＬＬ ＨＯＵＳＥ，但下晝兩點零鐘大把位。。。。哈哈， 起行～！首先去三聖村買料， 好易揾啫， 三聖邨總站落咗輕鐵向黃金海岸方向行就係。 去咗關財記。。。。下午兩點零鐘，無乜人，呀叔叔好好心機咁幫我地擇咗一隻龍蝦，四隻大聖子，兩隻大瀨尿蝦，同埋一桶桶蠔，（一共三百五十元正） 樣樣都好生猛，係咁跳。。。之後行上容龍，又係向黃金海岸方向行五分鐘左右， 見到指示牌轉上去就係。。。不過有一段斜路要行上斜坡，有老人家就最好驅車ＮＡ。。。 上到三樓大堂已經係下午兩點四十五分，連ＲＥＣＥＰＴＩＯＮ個部長都落咗場，但係堂內仲係半滿， 即刻入去坐底交帶番整法。。。兩人食咗四樣, 每一碟都被我同媽媽風卷殘雲~! 因為實在太好味喇~!!!! 開邊芝士焗龍蝦 正如相中可見,龍蝦炸到外層卜卜脆(但真係一D都唔油), 中間的芝士處於半融狀態,而龍蝦肉由於新鮮, 肉質爽實嫩滑, 同芝士的香味實是天造地設的一對..
首先去三聖村買料， 好易揾啫， 三聖邨總站落咗輕鐵向黃金海岸方向行就係。 去咗關財記。。。。下午兩點零鐘，無乜人，呀叔叔好好心機咁幫我地擇咗一隻龍蝦，四隻大聖子，兩隻大瀨尿蝦，同埋一桶桶蠔，（一共三百五十元正） 樣樣都好生猛，係咁跳。。。
之後行上容龍，又係向黃金海岸方向行五分鐘左右， 見到指示牌轉上去就係。。。不過有一段斜路要行上斜坡，有老人家就最好驅車ＮＡ。。。
上到三樓大堂已經係下午兩點四十五分，連ＲＥＣＥＰＴＩＯＮ個部長都落咗場，但係堂內仲係半滿， 即刻入去坐底交帶番整法。。。
兩人食咗四樣, 每一碟都被我同媽媽風卷殘雲~! 因為實在太好味喇~!!!!
開邊芝士焗龍蝦
正如相中可見,龍蝦炸到外層卜卜脆(但真係一D都唔油), 中間的芝士處於半融狀態,而龍蝦肉由於新鮮, 肉質爽實嫩滑, 同芝士的香味實是天造地設的一對....... 好好味啊~~~~~~~
鼓椒炒聖子皇
本人不喜聖子,(因為自己係屋企炒過一次, 見到有好多蟲), 但此聖子皇就不可不吃, 因為大廚將聖子處理得好乾淨, 食得好放心 仲有佢個汁同鑊氣真係滿分, 鼓汁加上青紅椒粒, 惹味中帶點微辣,又不會太鹹, 是家裏炒不到的超好味道 再談聖子, 大廚的功夫很到家, 因為這麼大的聖子, 一點都不會過火, 吃在口裏是爽脆又惹味, 一絕~!
砵酒焗蠔
這味亦是不可錯過呢. 錫紙包住上枱, 樣子不怎特別, 但一咬, 砵酒的香,加上蠔的嫩滑, 真係非筆墨所能形容
椒鹽瀨尿蝦
很入味的瀨尿蝦, 肉質飽滿又皮脆惹味, 好味~!
容龍的廚功真的很利害, 吃得我和媽媽如癡如醉, 心滿意足.... 加工費二百四十元, 物有所值~!以後又多一個飯局好去處~!
張貼
