影片
更多
2024-05-10
32 瀏覽
諗起以前喺PP返工真係好開心，地點方便環境靚，Office樓下仲有呢一間我鍾意嘅泰國菜。而家喺鰂魚涌返工地點唔方便，office醜樣，樓下又冇乜嘢好食，啲同事仲要人品差，搞到日日返工都唔開心。所以今日收工就約上舊同事，黎呢一架我哋嘅回憶泰菜食晚餐。～有一段時間冇你裝修依然別別緻，晚飯時間都幾多人，我地兩個人，一人叫咗一個主食再加一個沙律，一齊share份量啱啱好。～Pomelo Saladwith Soft Shell Crab🦀軟殼蟹柚子沙律 $158原隻軟殼蟹非常飽滿，入邊啖啖蟹肉同蟹膏，香口不油膩，唔係平時食元氣嗰啲瘦削嘅軟殼蟹，柚子清甜多汁，加埋少少魚露汁，成個味道平衡得幾好，開胃。～Tom Yum River Prawn Fried Rice🦐河蝦冬蔭炒飯 $138以前冇見過呢一款炒飯，今次就決定試試，本身真係貪得意，點知竟然有驚喜到，河蝦肉質爽彈，冬蔭炒飯微辛微酸，加上裡面的薑絲、草菇和蝦粒調味，乾爽又熱辣辣，係好食。Pandan Noodles Khao Soiwith Fish Maw & Shredded Chicken花膠雞絲班蘭金麵 $158呢一款就好似咖喱撈麵咁
～
有一段時間冇你裝修依然別別緻，晚飯時間都幾多人，我地兩個人，一人叫咗一個主食再加一個沙律，一齊share份量啱啱好。
～
Pomelo Salad
with Soft Shell Crab
🦀軟殼蟹柚子沙律 $158
原隻軟殼蟹非常飽滿，入邊啖啖蟹肉同蟹膏，香口不油膩，唔係平時食元氣嗰啲瘦削嘅軟殼蟹，柚子清甜多汁，加埋少少魚露汁，成個味道平衡得幾好，開胃。
～
Tom Yum River Prawn Fried Rice
🦐河蝦冬蔭炒飯 $138
以前冇見過呢一款炒飯，今次就決定試試，本身真係貪得意，點知竟然有驚喜到，河蝦肉質爽彈，冬蔭炒飯微辛微酸，加上裡面的薑絲、草菇和蝦粒調味，乾爽又熱辣辣，係好食。
Pandan Noodles Khao Soi
with Fish Maw & Shredded Chicken
花膠雞絲班蘭金麵 $158
呢一款就好似咖喱撈麵咁，湯底比較濃及稠身，啱晒我呢啲鍾意食重口味嘅人。花膠都幾厚身而且份量唔少，加上爽彈嘅麵條同炸金麵🍜，係幾惹味。
張貼
