So爐 (已結業)

朋友介紹嚟呢間打邊爐，卡位坐得好舒服，侍應都好nice，一坐低就問我地食幾多蟹，幫我地落單蒸咗先，因為做緊大閘蟹promotion，三十幾蚊隻仲可以任叫，質素仲要唔錯！生蠔百幾蚊半打，啤酒又廿幾蚊人頭任飲，感覺幾抵！我地叫咗個胡椒豬肚湯底，個湯夠香。碟牛好靚，又夠牛味，但最估唔到係碟豬都好好味，平時打邊爐多數都係叫牛肉拼盤，今次呢個豬幾surprise！打邊爐隔離原來仲有間bar，轉場直接行過隔離就ok，幾方便，可惜聽日要番工⋯⋯呢間可以encore!!