影片
更多
2018-07-24
31 瀏覽
今日係平日，一放工就係佐敦附近搵野食。朋友本身話黎到逸東酒店地庫，以為酒店會係好貴好貴既餐廳~點知原來係一個有好多唔同食肆既地方~ 價錢仲好平民化添！望下個MENU先。見佢有個特別牛湯河，睇黎係呢度既招牌，仲寫住有6種唔同款式既牛製品。包括：生牛、牛坑腩片、牛筋片、手打牛丸 、牛腩邊、牛柏葉 咁多。另外再叫個生牛肉湯河，標住係用美國安格斯牛架。佢有R同L Size簡，因為想食埋小食，唔想食太飽，所以就叫左R Size~ (但估佢唔到都好大碗)除左Size之外，湯粉都可以簡類別，而我就簡左河粉既~上碟既時候，另外有一碟越式既葉、辣椒、青檸，如果鐘意可以依自己愛好加落去，可以食到一半先加又得 ~ 好正呀，可以一碗入面唔同時間食到唔同既風味~我就係食一半先一路落一路加既 ~ 係真係越食越有越式風味!!XDD飲一飲啖湯，清清地但已經有好香既牛味，佢既河粉好幼滑、唔易斷之餘仲好吸到湯汁。牛丸切左片更加易去食、但又不失彈牙既口感~ 牛坑腩、牛腩鬆軟得黎牛味好濃。生牛肉更加唔洗講，一d都唔韌，由熱湯去滾熟佢，可以自己控制佢既成熟度，呢個都係我鐘意生牛肉湯河既原因之一。呢一碗R Size雖然都要$98
朋友本身話黎到逸東酒店地庫，以為酒店會係好貴好貴既餐廳~
點知原來係一個有好多唔同食肆既地方~ 價錢仲好平民化添！
望下個MENU先。
見佢有個特別牛湯河，睇黎係呢度既招牌，仲寫住有6種唔同款式既牛製品。
包括：生牛、牛坑腩片、牛筋片、手打牛丸 、牛腩邊、牛柏葉 咁多。
另外再叫個生牛肉湯河，標住係用美國安格斯牛架。
佢有R同L Size簡，因為想食埋小食，唔想食太飽，所以就叫左R Size~ (但估佢唔到都好大碗)
除左Size之外，湯粉都可以簡類別，而我就簡左河粉既~
上碟既時候，另外有一碟越式既葉、辣椒、青檸，如果鐘意可以依自己愛好加落去，
可以食到一半先加又得 ~ 好正呀，可以一碗入面唔同時間食到唔同既風味~
我就係食一半先一路落一路加既 ~ 係真係越食越有越式風味!!XDD
飲一飲啖湯，清清地但已經有好香既牛味，佢既河粉好幼滑、唔易斷之餘仲好吸到湯汁。
牛丸切左片更加易去食、但又不失彈牙既口感~ 牛坑腩、牛腩鬆軟得黎牛味好濃。
生牛肉更加唔洗講，一d都唔韌，由熱湯去滾熟佢，
可以自己控制佢既成熟度，呢個都係我鐘意生牛肉湯河既原因之一。
呢一碗R Size雖然都要$98，
但份量又大、又可以一次過咁多牛既部位可以食，可以話係必試。
另外都叫左一碗R Size既生牛肉湯河，
頭先特別牛都提及過生牛肉，所以都唔需要多講 ~
本來兩個人食，簡左張四人枱，但可以見到份量大到真係放滿左張四人枱。
柚子鮮蝦沙律
$65
8 瀏覽
0 讚好
0 留言
除左主食，都叫左個小食，而我每次去到東南亞類既餐廳，
都會鐘意叫柚子沙律，今次就叫左鮮蝦柚子沙律。
本身個沙律盤大到驚人不在話下~ 柚子更加係佔左四分之一~ 又清甜又多汁。
但最令我驚喜係佢鮮蝦既Size，真係大大隻~ 而且係鮮橙色好新鮮。
用沙律菜包住一齊食，好清新健康呢。
牛油果奶昔
$38
14 瀏覽
0 讚好
0 留言
因為本身都口渴，見到特色飲品有個奶昔，仲要係我呢排勁鐘意既牛油果。
果然無令我失望，奶味同朱油果味好平均，無話邊一邊會cover另一邊既味。
奶味夠濃、牛油果個種清甜味都完全可以表現到出黎，
本身牛油果既口感都好Creamy、再加上奶，係Creamy上加Creamy！！！
凍青檸梳打
$22
8 瀏覽
0 讚好
0 留言
最後就係呢杯凍青檸梳打 ~ 其實除左青檸、梳打之外，
仲有咸檸架，所以飲落去唔會得個甜字，反而有多種層次，
係幾特別呢，而且係夏天飲係好消暑 ~
呢一餐食得好滿足，推介！
張貼
