茶A

營業中

休息中

午餐叫咗呢個「XO醬蔥油雞扒隻蛋飯」加紅豆奶茶冰，塊炸雞扒唔乾，雞皮少少脆，內裡啖啖肉夠 juicy，葱油好香，仲加埋 XO醬，兩隻太陽蛋佢寫係日本蛋，個蛋黃夠杰身＆黃，好有蛋香，鐘意篤穿佢加埋葱油和XO醬撈落飯，真係好美味，個飯平身有啲甜豉油可以撈埋一齊，好正！下次要試埋豬扒先得！紅豆奶茶有好多紅豆，夠淋又夠甜，令到奶茶更好飲。朋友仔嗌咗乾炒牛河，都炒得夠乾身，河粉夠彈，又條條分明，唔會勁油。牛肉分量夠，大大片，仲有牛肉味＆咬口！我本身偏重口味，覺得如果再多啲調味，更濃味就更好。