The Coffee Bean & Tea Leaf (已結業)

成日搭2號巴士經過coffee bean已經好想試，聽講佢喺韓國好出名，實情佢係一間美國咖啡連鎖店。去完避風塘睇完日落有啲攰，想食少少野先番屋企，於是點左一件窩夫。買完野食佢會俾個電子籌你等拎野食，等左好耐都feel唔到個電子籌震，但原來我既窩夫一早已經ready。我叫左士多啤梨朱古力窩夫〈$36〉個cream空氣感較多，唔夠滑，所謂朱古力就得啲朱古力醬，我覺得少左啲，士多啤梨醬有啲酸，口感幼滑，士多啤梨好足料。窩夫好香牛油味，夠軟綿，口感好好，係成件食物最好味既部份。呢度適合快靚正忙裡偷閒tea一tea，因為環境有啲嘈，食物份量少，不過都值得再去，好過來來去去都係stxrbxcks咁悶啦！