更多
2020-12-03
145 瀏覽
套餐包咗一個餐湯,今日嘅係南瓜湯,一飲就知好濃,係由南瓜打碎而成,另外,仲加咗蕃茄嘅酸味同埋一啲辣味,都幾特別。接住出嚟嘅係餐包,三款嘅質感都各有特色,上嘅時候溫度微暖,都幾鬆化,唯一缺點係牛油雪得太硬,用嘅時候黐埋一舊。另外套餐仲包左一個沙律,菜食落都幾新鮮,黃色嘅茄都幾多汁。跟住嚟到嘅係一份豬仔骨,上邊有溶咗嘅芝士,好邪惡,啲肉食落都好食,不過如果多啲肉少啲骨會更加好。薯條就有少少唔夠熱,比較可惜。另外仲叫咗一個意粉,一上到黎就見到塊海膽真係好大塊,食落都算鮮甜,不過可惜有輕微嘅苦味。依個意粉連埋醬汁口感都好Rich,令人覺得幾滿足,如果意粉嘅硬度硬返少少會更加好。
張貼