大蝦干撈專門店 (已結業)

外面下著大雨都不願離開商場，行了幾圈始終想試下新加坡嘅干撈麵。在半室外的坐位，覺得冷氣有點弱，午餐大約$70-100，價錢中上，唔知食物質素又係咪中上質素呢？兩個人點咗招牌大蝦干撈麵，巴東牛肉，雞肉串燒，跟餐要了薏米水。麵係似油麵，大蝦新鮮肉唔會梅，有幾個豆卜加上大量炸香了的乾䓤蒜，同埋甜甜地嘅醬油，撈埋一齊都幾好味嘅，但唔算出色。巴東牛肉有少少酸辣加少少椰味，牛肉燜得好淋，有少少牛肉膻味，只要好少量已經食晒成碗飯，我覺得比蝦麵出色好多😆雞肉串燒，雞肉無咩特別，沙嗲醬多花生味，偏辣但很惹味👍薏米水清清地可以解下辣，唔錯唔錯。