麵家山下 (已搬遷) 新店位置

一向都提早同老人家食團年飯，所以正年三十那晚就隨便食一點簡單晚餐。到上水行行，竟發覺平日要排隊的隱世拉麵山下有開門營業，立刻進去坐下，來碗黑蒜拉麵、沾麵、餃子及炸蠔。餃子皮薄餡靚、炸蠔新鮮熱辣、初入口覺得普通、但竟然有頗重的蠔味，讚。黑蒜拉麵味道令人好舒服，黑蒜不搶味，重飲晒d湯。沾麵更加令你一啖接一啖，每撮麵浸落湯，拉起一點肉絲，放進口內，嚥嚥靭靭，美味無窮，味覺同口感嘅享受。