彩臨門酒家 (已結業)

今日要去北角攞禮品，嚟最近嘅彩臨門是但食啲嘢。以前喺北角上班時，間中也會嚟呢間酒樓食午飯，不過已經很久沒有嚟過了。 呢度嘅下午茶，星期一至六，下午 2pm – 4:30pm 大、中、小點，分別係 $14, $11 及 $6.5, 茗茶每位 $4.5 北菇滑雞飯 ($5.8) --- 平到你唔信，而且都幾大碗，飯粒粒分明，兩舊雞亦唔嚡口，以咁嘅價錢嚟講，質素整體唔錯沙爹金錢肚 ($8.8) --- 金錢肚醃得好入味，墊底嘅蘿蔔夠腍，但估唔到原來只係得呢兩款點心有水準，其它嘅都麻麻地香煎薑汁糕 ($8.8) --- 睇個名好似幾特別咁，但食落只是普通年糕，仲要成舊粉咁，薑味又唔突出，不倫不類，無謂徙 quota 試香煎鍋貼 ($9.8) --- 個皮超厚，煎得一啲都唔香口，老公最怕一齊上嗰碟鎮江醋，嫌佢刺鼻，呢味唔食無損失香煎蝦米腸 ($9.8) --- 無乜特別，中規中矩原本叫咗碟黑椒牛柳酥餅，點知漏咗單無嚟到，埋單 $57.2 價錢雖然平，但質素參差，下次去開北角飲茶，都要揾過另一間先得了。