莎樂美餐廳

營業中

休息中

每次路過都想入去，今日終於如願了，環境係比較舊式嘅西餐廳，每張枱都放咗一個小花瓶，入面裝住嘅係新鮮嘅花，好有心思，剛好係午餐嘅時候，因為今日落雨所以唔使等位，入去就叫咗兩個鐵板餐，一個係帶子伴美國雞扒，一個係串燒大蝦皇拌莎地亞雜扒，然之後侍應就開始上菜，先上兩個餐包，再來周打魚湯，之後就開始來主菜，帶子伴美國雞扒，份量超多，底部配有薯菜蕃茄，大大塊雞扒，之後侍應幫手淋上醬汁，醬汁遇上鐵板渣渣聲，好療癒，串燒大蝦皇拌莎地亞雜扒，份量仲多，有大蝦有豬扒有雞扒還有火腿，而且每塊扒都好大，肉質鮮嫩，性價比真係超高，再來兩杯飲品，兩個雪糕，呢個午餐真係超抵食。